Swapo ita popile Itula
Ongundu yoSwapo oya gunu aalanduli yawo opo yiikaleke kokule nOmundohotola Panduleni Itula ngoka ta pangele okukutha ombinga methigathano lyomahogololo guupresidende onga omuhogololwa iithikamena.
Elelo lyoSwapo moshitopolwa shaKhomas olya ningi oshigongi shimwe natango tali kunkilile iilyo yongundu opo kayi wayimine Itula.
Pethimbo a popitha iikundaneki Omukwatakanithi gwongundu yoSwapo moKhomas, Elliot Mbako okwa popi kutya okomitiye yokuungaunga nomautho otayi longo yiitulamo nethimbo owala eshona li li ko omanga iilyo mbyoka tayi ihumbata ina yi katukilwe oonkatu.
Pahapu dhaMbako iilyo yongundu otayi pukithwa sho tayi hiwa okukala momitumba ndhoka kayi shi kutya odha shike.
MuMaalitsa ongundu oya kondema etokolo lyaItula okukutha ombinga methigathano lyomahogololo guupresidende onga omuhogololwa iithikamena omanga natango e li oshilyo shongundu.
Swapo Party School nayo oyiikaleke kokule naItula.
Oshinima shimwe sha popiwa osho Itula a zala omwaala gongundu okulongitha omaimbilo goNdilimani, ethimbo ta ningi omahwahwameko ge.
Itula oshiwike sha piti okwa popi kutya ongundu yoSwapo, oye mu indike okulongitha ongalo yaJackson Kaujeua yedhina 'The winds of change' opo a ninge omahwahwameko ge gomauyelele goshigwana.
Mombaapila ya shangwa kuamushanga gwoSwapo, Sophia Shaningwa, Itula okwa popi kutya momasiku gatatu gaJuli, omunambelelwa gwaNBC okwe mu lombwele kutya Swapo ota popi kutya ndyoka eimbilo lye.
Omunambelewa omukuluntu gwomalanditho moNBC, Umbi Karuaihe-Upi, okwa yelitha kutya NBC ina tinda okutseyitha omatumwalaka gaItula ihe okwe mu lombwele owala kombinga yaashoka sha holoka po.
JEMIMA BEUKES
Elelo lyoSwapo moshitopolwa shaKhomas olya ningi oshigongi shimwe natango tali kunkilile iilyo yongundu opo kayi wayimine Itula.
Pethimbo a popitha iikundaneki Omukwatakanithi gwongundu yoSwapo moKhomas, Elliot Mbako okwa popi kutya okomitiye yokuungaunga nomautho otayi longo yiitulamo nethimbo owala eshona li li ko omanga iilyo mbyoka tayi ihumbata ina yi katukilwe oonkatu.
Pahapu dhaMbako iilyo yongundu otayi pukithwa sho tayi hiwa okukala momitumba ndhoka kayi shi kutya odha shike.
MuMaalitsa ongundu oya kondema etokolo lyaItula okukutha ombinga methigathano lyomahogololo guupresidende onga omuhogololwa iithikamena omanga natango e li oshilyo shongundu.
Swapo Party School nayo oyiikaleke kokule naItula.
Oshinima shimwe sha popiwa osho Itula a zala omwaala gongundu okulongitha omaimbilo goNdilimani, ethimbo ta ningi omahwahwameko ge.
Itula oshiwike sha piti okwa popi kutya ongundu yoSwapo, oye mu indike okulongitha ongalo yaJackson Kaujeua yedhina 'The winds of change' opo a ninge omahwahwameko ge gomauyelele goshigwana.
Mombaapila ya shangwa kuamushanga gwoSwapo, Sophia Shaningwa, Itula okwa popi kutya momasiku gatatu gaJuli, omunambelelwa gwaNBC okwe mu lombwele kutya Swapo ota popi kutya ndyoka eimbilo lye.
Omunambelewa omukuluntu gwomalanditho moNBC, Umbi Karuaihe-Upi, okwa yelitha kutya NBC ina tinda okutseyitha omatumwalaka gaItula ihe okwe mu lombwele owala kombinga yaashoka sha holoka po.
JEMIMA BEUKES
Comments
Namibian Sun
No comments have been left on this article