SPYL e na omalimbililo omolwa omusindalongo omupe
Amushanga gwelongo moSwapo Party Youth League (SPYL), Hofni Iipinge okwa holola omaiyuvo ge omolwa omusindalongo omupe ngoka gwa tulwa miilonga moshilongo pondondo yelongo lyoosekundoskola.
Iipinge ngoka e li omulongiskola keithano okwa popi kutya omusindalongo ngoka otagu gandja ompito ombwaanawa kaanaskola ya ninge omahogololo gawo ngoka taga ka gandja uuwanawa konakuyiwa yawo oshowo koshilongo, ihe aavali naanaskola otaya lili na oya piyaganekwa nayi noonkondo omolwa oompangela dha nkundipala dhi na sha nomusindalongo ngoka.
Okwa popi kutya itashi kwatha sha okutula miilonga omilandu ndhoka tadhi e ta nenge tadhi londeke pombanda omaupyakadhi melongo onkene okwa pula epangelo okupitila muuminsiteli welongo, opo li pulakene kaavali, aalongi, oongoloneya oshowo aakomeho yelongo miitopolwa, mboka ye li aakwateli komeho yelongo miitopolwa yawo.
“Otwa pumbwa okupulakenathana nokuya moonkundathana omanga inaku tulwa miilonga omilandu unene tuu pethimbo ndika onkalo yeliko ya nayipala. Itashi kwatha sha okutula miilonga omilandu ndhoka tadhi etitha owala omikundu.”
“Omusindalongo nguka ogwa li gu na okukala ekwatho enene lyokudheulila aanyasha iilongwa yomailongo gopaungomba. Epangelo olya li li na okutunga omandiki pooskola unene oonguluskola oshowo omihandjo omanga inaku tulwa miilonga omusindalongo ngoka.”
Okwa popi kutya omusindalongo ngoka ogwa nuninwa okushunitha pevi omwaalu gwaanaskola taya dhigi po ooskola nokupitika aanaskola oyendji ya kuthe iilongwa yopaungomba mbyoka tayi ka yambulapo oshilongo.
Okwa popi kutya omulandu ngoka omuwanawa.
Iipinge ngashiingeyi ota pula epangelo li kwashilipaleke kutya uuministeli welongo owa ya miitopolwa nokutala komashongo ngoka ga taalela ooskola nokukonga omikalo nkene omashongo ngoka ge na okuyiwa moshipala.
“Omukundu ngoka tu na ngashiingeyi ompumbwe yomihandjo dhaanaskola. Ooskola ooshona ndhoka dhi na ondondo onti 10 na otashi thiminike aanaskola ya ende iinano iile okuya kooskola hoka ku na oondondo onti 10, shoka ngashiingeyi tashi yi pondje omulandu gwelongo kombinga yiinano mbyoka ya pumbiwa okweendwa kaanona uuna taya yi kooskola,” Iipinge a popi.
“Omolwa iinano iile mbyoka tayi endwa kaanaskola, unene monooli oshowo oshitopolwa shaZambezi, aavali otaya kongele aanona omahala gohiila gokukala poondoolopa nopomikunda dhopopepi, nenge ya dhengele oombashu. Shoka kashi li egameno kokanona koomvula 14 taka hiila nenge taka isile oshisho kokene.”
Okwa popi kutya oohiila kaanona yoomvula ooshona osha nika oshiponga nepangelo olya pumbwa okutala tango kegameno lyaanona, sho aanona mboka taya vulu okuninga iihakanwa yomiyonena dhiihulo, elongitho lyiikolitha niingangamithi, omategelelo oshowo ekwato koomikithi dhohoni.
Okwa gwedha po kutya natango ooskola odha taalela uupyakadhi wompumbwe yoongulu dhooskola. Okwa pula opo epangelo li katuke oonkatu dhomeendelelo nokugandja omahala gokulongela aanaskola unene kooskola ndhoka dha taalela ompumbwe yoongulu. Okwa popi kutya itashi vulika omulongi a longele aanona kohi yomiti molwaashoka shoka itashi nana aanona ya hokwe ooskola.
“Eshunitho pevi lyelongitho lyiimaliwa moshikondo shelongo olya pumbwa okutalulula. Iikondo yimwe oyi na omashongo ogendji na itayi vulu okutetula iimaliwa mbyoka hayi longitha. Onga epangelo otwa pumbwa okupungula melongo opo tu mone iizemo tayi shambula. Otandi indile uuministeli wemona opo wu mone kutya onkalo yelongo oya pumbwa ekwatho lyomeendeelo moka oompumbwe dhaanaskola dha pumbwa okusimanekwa nokukandulwa po.”
Iipinge okwa popi kutya epangelo olya pumbwa okukala li na ooskola dhopaungomba dha gwana opo dhi vule okutambula aanaskola mboka taya zi mondondo onti 10 molwaashoka ngele epangelo olya ndopa okutunga omandiki gopamadheulo gopaungomba nena itashi kwatha sha molwaashoka aanona natango otaya yi owala momapandanda moka inaya halikila, onkene okwa pumbwa okukatukwa oonkatu ngashiingeyi.
ILENI NANDJATO
Okwa popi kutya itashi kwatha sha okutula miilonga omilandu ndhoka tadhi e ta nenge tadhi londeke pombanda omaupyakadhi melongo onkene okwa pula epangelo okupitila muuminsiteli welongo, opo li pulakene kaavali, aalongi, oongoloneya oshowo aakomeho yelongo miitopolwa, mboka ye li aakwateli komeho yelongo miitopolwa yawo.
“Otwa pumbwa okupulakenathana nokuya moonkundathana omanga inaku tulwa miilonga omilandu unene tuu pethimbo ndika onkalo yeliko ya nayipala. Itashi kwatha sha okutula miilonga omilandu ndhoka tadhi etitha owala omikundu.”
“Omusindalongo nguka ogwa li gu na okukala ekwatho enene lyokudheulila aanyasha iilongwa yomailongo gopaungomba. Epangelo olya li li na okutunga omandiki pooskola unene oonguluskola oshowo omihandjo omanga inaku tulwa miilonga omusindalongo ngoka.”
Okwa popi kutya omusindalongo ngoka ogwa nuninwa okushunitha pevi omwaalu gwaanaskola taya dhigi po ooskola nokupitika aanaskola oyendji ya kuthe iilongwa yopaungomba mbyoka tayi ka yambulapo oshilongo.
Okwa popi kutya omulandu ngoka omuwanawa.
Iipinge ngashiingeyi ota pula epangelo li kwashilipaleke kutya uuministeli welongo owa ya miitopolwa nokutala komashongo ngoka ga taalela ooskola nokukonga omikalo nkene omashongo ngoka ge na okuyiwa moshipala.
“Omukundu ngoka tu na ngashiingeyi ompumbwe yomihandjo dhaanaskola. Ooskola ooshona ndhoka dhi na ondondo onti 10 na otashi thiminike aanaskola ya ende iinano iile okuya kooskola hoka ku na oondondo onti 10, shoka ngashiingeyi tashi yi pondje omulandu gwelongo kombinga yiinano mbyoka ya pumbiwa okweendwa kaanona uuna taya yi kooskola,” Iipinge a popi.
“Omolwa iinano iile mbyoka tayi endwa kaanaskola, unene monooli oshowo oshitopolwa shaZambezi, aavali otaya kongele aanona omahala gohiila gokukala poondoolopa nopomikunda dhopopepi, nenge ya dhengele oombashu. Shoka kashi li egameno kokanona koomvula 14 taka hiila nenge taka isile oshisho kokene.”
Okwa popi kutya oohiila kaanona yoomvula ooshona osha nika oshiponga nepangelo olya pumbwa okutala tango kegameno lyaanona, sho aanona mboka taya vulu okuninga iihakanwa yomiyonena dhiihulo, elongitho lyiikolitha niingangamithi, omategelelo oshowo ekwato koomikithi dhohoni.
Okwa gwedha po kutya natango ooskola odha taalela uupyakadhi wompumbwe yoongulu dhooskola. Okwa pula opo epangelo li katuke oonkatu dhomeendelelo nokugandja omahala gokulongela aanaskola unene kooskola ndhoka dha taalela ompumbwe yoongulu. Okwa popi kutya itashi vulika omulongi a longele aanona kohi yomiti molwaashoka shoka itashi nana aanona ya hokwe ooskola.
“Eshunitho pevi lyelongitho lyiimaliwa moshikondo shelongo olya pumbwa okutalulula. Iikondo yimwe oyi na omashongo ogendji na itayi vulu okutetula iimaliwa mbyoka hayi longitha. Onga epangelo otwa pumbwa okupungula melongo opo tu mone iizemo tayi shambula. Otandi indile uuministeli wemona opo wu mone kutya onkalo yelongo oya pumbwa ekwatho lyomeendeelo moka oompumbwe dhaanaskola dha pumbwa okusimanekwa nokukandulwa po.”
Iipinge okwa popi kutya epangelo olya pumbwa okukala li na ooskola dhopaungomba dha gwana opo dhi vule okutambula aanaskola mboka taya zi mondondo onti 10 molwaashoka ngele epangelo olya ndopa okutunga omandiki gopamadheulo gopaungomba nena itashi kwatha sha molwaashoka aanona natango otaya yi owala momapandanda moka inaya halikila, onkene okwa pumbwa okukatukwa oonkatu ngashiingeyi.
ILENI NANDJATO
Comments
Namibian Sun
No comments have been left on this article