SPYL a zi mokalungu omolwa uulingilingi
Ewawa lyAanyasha mOngundu yoSwapo ano oSwapo Party Youth League (SPYL), olya pula elelo lyongundu yawo li katukile onkantu aalongi yuulingilingi mongundu ndjoka, ngele inaya ikutha miilonga yoyene.
Momvula yo 2018 oshilyo shelelo lyongundu yoSwapo, Tobie Aupindi okwa monika ondjo muulingilingi omolwa okugandja uuyelele kawuli mondjila komunambelewa gwoAnti-Corruption Commission (ACC), omanga oshilyo shokomitiye yelelo, Katrina Hanse-Himarwa a monika ondjo mompangu muJuli gwonuumvo omolwa uuingilingi.
Ayehe oya pewa omageelo opo ya futwe omwaalu gwontumba gwiimaliwa, opo ya yande okuya modholongo.
Nonando ongaaka Swapo omasiku ngaka okwa gandja iinakugwanithwa kuAupindi oshowo Hanse-Himarwa ya kale aapopi ya simana piigongi yomahwahwameko gomahogololo shoka sha halutha oyendji mongundu, noyendji oya popi kutya shoka otashi gandja ethano ewinayi.
Natango Hanse-Himarwa, ngoka e li momusholondondo gwaamboka taya yi mopaliamende kokatekete kongundu yoSwapo, ota konaakonwa pamwe nominista yuunamapya, Alpheus !Naruseb, omolwa ofaalama yomatulululo ndjoka ya pewa omonamati. !Naruseb, okwa li ominista yomavi pethimbo shoka sha ningwa.
Oshiwike sha piti oominista mbali dhaSwapo odhiikutha miilonga omolwa ekuthombinga yawo melyenge lyuulingilingi wu na sha niifuta yoombumbo mepingakanitho lyookota dhokukwata oohi.
Mboka ominista yoohi noonzo dhomomeya Bernhardt Esau oshowo ominista yuuyuki, Sacky Shanghala. Nonando ongaaka mboka natango oyeli iilyo yopaliamende kokatekete kongundu yoSwapo.
Iiningwamima mbyoka oya etitha omahwahwameko gaSwapo pethimbo sho oshilongo sha taalela omahogololo ga kale olugodhi olunene sho ongundu tayi uvitha oompangela dhawo dhonakuyiwa ihe pethimbo lya faathana otayi lundilwa kutya otayi pitika uulingilingi na itayi katuka oonkatu dha sha kwaamboka taya longo uulingilingi.
Ongundu otaku popiwa kutya otayi tumbaleke mboka taya longo uulingilingi naamboka taya lundulilwa iimbuluma itaya ningwa sha.
Ewawa lyaanyasha mongundu ndjoka mOlyomakaya olya holola kutya iilyo yongundu yimwe po oya limbililwa kutya onkalo ndjoka otayi ka tula moshiponga iizemo yongundu pethimbo lyomahogololo ngoka taga ningwa moshilongo nuumvo.
Omupopiliko gwewawa ndyoka, Gerson Dumeni, okwa popi kutya onkalo ndjoka otayi nyateke edhina ewanawa lyongundu yawo, pamukanda ngoka gwa pitithwa.
Ewawa lyaanyasha olya nyana woo etokolo lya ningwa kOmupresidende gwongundu opo a gandje ompito kuShanghala na Esau yiikuthe miilonga yoyene pehala lyokuya tidha miilonga oshiwike sha piti, omolwa omafekelo gekuthombinga lyawo moshikumungu shuulingilingi moshikondo shoohi.
Ewawa olya pula Swapo a katukile onkatu aaleli ayehe mboka taya fekelelwa iilonga yuulingilingi naamboka ya monika ondjo miipotha yuulingilingi. Oya pula woo ku tulwe miilonga okomisi yomapulaapulo shi na sha nelyenge lyuulingilingi mboka moshikondo shoohi nokukutha oonkondo omaindilo gookota dhokukwata oohi ngoka ga ningwa momvula yo 2018.
OMUTOOLINKUNDANA GWOMENI
Ayehe oya pewa omageelo opo ya futwe omwaalu gwontumba gwiimaliwa, opo ya yande okuya modholongo.
Nonando ongaaka Swapo omasiku ngaka okwa gandja iinakugwanithwa kuAupindi oshowo Hanse-Himarwa ya kale aapopi ya simana piigongi yomahwahwameko gomahogololo shoka sha halutha oyendji mongundu, noyendji oya popi kutya shoka otashi gandja ethano ewinayi.
Natango Hanse-Himarwa, ngoka e li momusholondondo gwaamboka taya yi mopaliamende kokatekete kongundu yoSwapo, ota konaakonwa pamwe nominista yuunamapya, Alpheus !Naruseb, omolwa ofaalama yomatulululo ndjoka ya pewa omonamati. !Naruseb, okwa li ominista yomavi pethimbo shoka sha ningwa.
Oshiwike sha piti oominista mbali dhaSwapo odhiikutha miilonga omolwa ekuthombinga yawo melyenge lyuulingilingi wu na sha niifuta yoombumbo mepingakanitho lyookota dhokukwata oohi.
Mboka ominista yoohi noonzo dhomomeya Bernhardt Esau oshowo ominista yuuyuki, Sacky Shanghala. Nonando ongaaka mboka natango oyeli iilyo yopaliamende kokatekete kongundu yoSwapo.
Iiningwamima mbyoka oya etitha omahwahwameko gaSwapo pethimbo sho oshilongo sha taalela omahogololo ga kale olugodhi olunene sho ongundu tayi uvitha oompangela dhawo dhonakuyiwa ihe pethimbo lya faathana otayi lundilwa kutya otayi pitika uulingilingi na itayi katuka oonkatu dha sha kwaamboka taya longo uulingilingi.
Ongundu otaku popiwa kutya otayi tumbaleke mboka taya longo uulingilingi naamboka taya lundulilwa iimbuluma itaya ningwa sha.
Ewawa lyaanyasha mongundu ndjoka mOlyomakaya olya holola kutya iilyo yongundu yimwe po oya limbililwa kutya onkalo ndjoka otayi ka tula moshiponga iizemo yongundu pethimbo lyomahogololo ngoka taga ningwa moshilongo nuumvo.
Omupopiliko gwewawa ndyoka, Gerson Dumeni, okwa popi kutya onkalo ndjoka otayi nyateke edhina ewanawa lyongundu yawo, pamukanda ngoka gwa pitithwa.
Ewawa lyaanyasha olya nyana woo etokolo lya ningwa kOmupresidende gwongundu opo a gandje ompito kuShanghala na Esau yiikuthe miilonga yoyene pehala lyokuya tidha miilonga oshiwike sha piti, omolwa omafekelo gekuthombinga lyawo moshikumungu shuulingilingi moshikondo shoohi.
Ewawa olya pula Swapo a katukile onkatu aaleli ayehe mboka taya fekelelwa iilonga yuulingilingi naamboka ya monika ondjo miipotha yuulingilingi. Oya pula woo ku tulwe miilonga okomisi yomapulaapulo shi na sha nelyenge lyuulingilingi mboka moshikondo shoohi nokukutha oonkondo omaindilo gookota dhokukwata oohi ngoka ga ningwa momvula yo 2018.
OMUTOOLINKUNDANA GWOMENI
Comments
Namibian Sun
No comments have been left on this article