Shimbulu ta fala Swapo kompangu
Kansela mElelo lyaShakati Katrina Shimbulu okwa hala okufala ongundu yoSwapo kompangu konima sho ya tokola oku mu kuthamo muukansela.
ILENI NANDJATO
OSHAKATI
Shoka osha hololwa momukanda gwa shangelwa ngoka ta longo pehala lyOmunambelewa Omukuluntu gwondoolopa yaShakati Helena Thomas, gwa shangwa kuhahende moka Shimbulu a ningi omatilitho gokukatukila elelo lyondoolopa oonkatu dhopaveta ngele olwa tula miilonga etokolo lyaSwapo.
Hahende gwaShimbulu, Henry Shimutwikeni, okwa popi kutya etokolo lyongundu kali li paveta molwaashoka omuyakulwa gwe ina pewa ompito a tye sha.
Okwa gandja woo oshiholelwa sha kansela melelo lyaHelao Nafidi, Ester Ndatala Nghidimbwa ngoka a fala ongundu tayi pangele kompangu konima sho ya ndopa okugwanitha po elombwelo okuza kuhahende gwe, okukaleka etokolo lyoku mu kutha miilonga onga kansela melelo lyondoolopa ndjoka.
Shimutwikeni okwa popi kutya oshikumungu shaNghidimbwa, moka ompangu ya tokola mo 2017 kutya etokolo lyaSwapo olya ningwa me yo pambambo lyuuyuki molwaashoka omuningi gweindilo ina pewa ompito a tye sha.
Ompangu oyali ya kaleke etokolo lyongundu na oya pulwa yi fute iifuta yopaveta yomuningi gweindilo.
Hahende okwa popi kutya omuyakulwa gwe otaka ninge eindilo mOmpangu yoPombanda opo yi vule okukaleka etokolo lyaSwapo molwaashoka kali li pauyuuki, nelelo lyondoolopa oshowo Omunambelewa Omukuluntu naye ota tulwa momusholondondo gwaayamukuli.
Shimbulu okwa ninguluka konima sho iikutha miilonga omvula ya piti opo a vule okuwayimina omusholondondo gwookandindate dhoPaliamende kokatekete kongundu yoSwapo, sha landula sho ongundu ya kanitha iipundi yi li 14 konima yomahogololo.
Thomas okwa popi kutya ina yakula natango omukanda ngoka, molwaashoka ota longele okuza kegumbo.
OSHAKATI
Shoka osha hololwa momukanda gwa shangelwa ngoka ta longo pehala lyOmunambelewa Omukuluntu gwondoolopa yaShakati Helena Thomas, gwa shangwa kuhahende moka Shimbulu a ningi omatilitho gokukatukila elelo lyondoolopa oonkatu dhopaveta ngele olwa tula miilonga etokolo lyaSwapo.
Hahende gwaShimbulu, Henry Shimutwikeni, okwa popi kutya etokolo lyongundu kali li paveta molwaashoka omuyakulwa gwe ina pewa ompito a tye sha.
Okwa gandja woo oshiholelwa sha kansela melelo lyaHelao Nafidi, Ester Ndatala Nghidimbwa ngoka a fala ongundu tayi pangele kompangu konima sho ya ndopa okugwanitha po elombwelo okuza kuhahende gwe, okukaleka etokolo lyoku mu kutha miilonga onga kansela melelo lyondoolopa ndjoka.
Shimutwikeni okwa popi kutya oshikumungu shaNghidimbwa, moka ompangu ya tokola mo 2017 kutya etokolo lyaSwapo olya ningwa me yo pambambo lyuuyuki molwaashoka omuningi gweindilo ina pewa ompito a tye sha.
Ompangu oyali ya kaleke etokolo lyongundu na oya pulwa yi fute iifuta yopaveta yomuningi gweindilo.
Hahende okwa popi kutya omuyakulwa gwe otaka ninge eindilo mOmpangu yoPombanda opo yi vule okukaleka etokolo lyaSwapo molwaashoka kali li pauyuuki, nelelo lyondoolopa oshowo Omunambelewa Omukuluntu naye ota tulwa momusholondondo gwaayamukuli.
Shimbulu okwa ninguluka konima sho iikutha miilonga omvula ya piti opo a vule okuwayimina omusholondondo gwookandindate dhoPaliamende kokatekete kongundu yoSwapo, sha landula sho ongundu ya kanitha iipundi yi li 14 konima yomahogololo.
Thomas okwa popi kutya ina yakula natango omukanda ngoka, molwaashoka ota longele okuza kegumbo.
Comments
Namibian Sun
No comments have been left on this article