Shifeta a ndjiki oonyala mevi
Ominista yomidhingoloko oya tsu omuthindo kutya kape na omuntu taka futilwa ngele uuhasha owa dhana onkandangala sha etitha adhipagwe koshiyamakuti.
Minista Pohamba Shifeta okwa popi kutya ita gandja ombili sho a popi kutya epangelo itali ka futa oshimaliwa shooN$100 000 kaantu mboka taya dhipagwa koongandu nenge koondjambameya, omanga taya yogo momilonga dhomonooli yoshiongo, nonando opwa tulwa omalondwelo kutya osha nika oshiponga, omolwa oongandu noondjambameya ndhoka tadhi adhika momilonga ndhoka.
Omapopyo ngoka inaga taambiwa koshigwana unene kaakwashigwana mboka ya nyenyeta komapandja gomakwatathano gopainternet.
Gumwe gomwaamboka inaya tambulako epopyo ndyoka, ongoloneya goshitopolwa shaKavango West, Sirrka Hausiku, ngoka a popi kotiivi yopashigwana kutya Shifeta okwa pumbw aokugandja ombili.Shifeta okwa popi ngaaka pethimbo kwa patululwa oMaurus Nekaro Conservancy moKavango West omwedhi gwa piti. Okwa kunkilile aantu mboka ye li poha nomulonga gwaKavango na ya kuthe omeya gawo meendelelo nokuthigapo omulonga, na inaya yoga iikutu yawo nenge yiiyogele momulonga. Okwa kunkilile woo aantu mboka taya kwata oohi momilonga opo ya kale ya angala oongandu noondjambameya.
Sho a popi mOmauni moshitopolwa shaHangwena, Olyomakaya ga piti, Shifeta okwa popi kutya itaka gandja ombili omolwa omapopyo ge ngoka. Minista okwa popi kutya omulandu gwiifuta iipe, yomiyonena pokati kaantu niiyamakuti, otagu utha kutya itaku ka futwa aantu mboka ya dhipagwa kiilikama omanga taya yogo nenge taya wapaleke iizalomwa yawo momilonga. Okwa tsikile kutya iipotha oyindji yomiyonena pokati kaantu niiyamakuti otayi holoka unene momilonga mbali, gwaKavango oshowo Zambezi, nomilonga ndhoka odhi na oongandu oshowo oondjambameya.
“Ngele omuntu ota yogo momeya nenge ta wapaleke iizalomwa ye omanga a thikama momeya, nonando oku na owino kutya momeya moka omuna oongandu noondjambameya, itatu ka futa oshimaliwa shooN$100 000 ngele omuntu okwa dhipagwa kiilikama mbyoka, monkalo ndjoka yali tayi vulu okuyandwa.”
“Shoka kashi na sha noshigwana shetu nenge omithigululwakalo, ihe uuhasha. Ngele omuntu oku li okawato ta kwata oohi e na omikanda ndhoka tadhi mu pitika opo a kwate oohi, noshiponga e ta shi holoka okawato hoka ka ponokelwa koondjambameya nena otaku futwa molwaashoka oohi odhili oshitopolwa shoonkalamwenyo dhaantu yetu,” Shifeta a yelitha.
Hausiku okwa uvaneke taka yamukula komapopyo gaminista ngoka a ningi ngashiingeyi, ihe ina yamukula sigo onkundana ndjika ya nyanyangithwa.
ILENI NANDJATO
Minista Pohamba Shifeta okwa popi kutya ita gandja ombili sho a popi kutya epangelo itali ka futa oshimaliwa shooN$100 000 kaantu mboka taya dhipagwa koongandu nenge koondjambameya, omanga taya yogo momilonga dhomonooli yoshiongo, nonando opwa tulwa omalondwelo kutya osha nika oshiponga, omolwa oongandu noondjambameya ndhoka tadhi adhika momilonga ndhoka.
Omapopyo ngoka inaga taambiwa koshigwana unene kaakwashigwana mboka ya nyenyeta komapandja gomakwatathano gopainternet.
Gumwe gomwaamboka inaya tambulako epopyo ndyoka, ongoloneya goshitopolwa shaKavango West, Sirrka Hausiku, ngoka a popi kotiivi yopashigwana kutya Shifeta okwa pumbw aokugandja ombili.Shifeta okwa popi ngaaka pethimbo kwa patululwa oMaurus Nekaro Conservancy moKavango West omwedhi gwa piti. Okwa kunkilile aantu mboka ye li poha nomulonga gwaKavango na ya kuthe omeya gawo meendelelo nokuthigapo omulonga, na inaya yoga iikutu yawo nenge yiiyogele momulonga. Okwa kunkilile woo aantu mboka taya kwata oohi momilonga opo ya kale ya angala oongandu noondjambameya.
Sho a popi mOmauni moshitopolwa shaHangwena, Olyomakaya ga piti, Shifeta okwa popi kutya itaka gandja ombili omolwa omapopyo ge ngoka. Minista okwa popi kutya omulandu gwiifuta iipe, yomiyonena pokati kaantu niiyamakuti, otagu utha kutya itaku ka futwa aantu mboka ya dhipagwa kiilikama omanga taya yogo nenge taya wapaleke iizalomwa yawo momilonga. Okwa tsikile kutya iipotha oyindji yomiyonena pokati kaantu niiyamakuti otayi holoka unene momilonga mbali, gwaKavango oshowo Zambezi, nomilonga ndhoka odhi na oongandu oshowo oondjambameya.
“Ngele omuntu ota yogo momeya nenge ta wapaleke iizalomwa ye omanga a thikama momeya, nonando oku na owino kutya momeya moka omuna oongandu noondjambameya, itatu ka futa oshimaliwa shooN$100 000 ngele omuntu okwa dhipagwa kiilikama mbyoka, monkalo ndjoka yali tayi vulu okuyandwa.”
“Shoka kashi na sha noshigwana shetu nenge omithigululwakalo, ihe uuhasha. Ngele omuntu oku li okawato ta kwata oohi e na omikanda ndhoka tadhi mu pitika opo a kwate oohi, noshiponga e ta shi holoka okawato hoka ka ponokelwa koondjambameya nena otaku futwa molwaashoka oohi odhili oshitopolwa shoonkalamwenyo dhaantu yetu,” Shifeta a yelitha.
Hausiku okwa uvaneke taka yamukula komapopyo gaminista ngoka a ningi ngashiingeyi, ihe ina yamukula sigo onkundana ndjika ya nyanyangithwa.
ILENI NANDJATO
Comments
Namibian Sun
No comments have been left on this article