Shangula a popile omuti gwaIndia gwoCovishield
Ominista yUundjolowele oya ekelehi omapopyo guutile kutya omuti gwotuntila yombuto yoCovid-19 ngoka gwa za koIndia otashi vulika itagu longo nawa omolwa onkalo yombuto ndjoka ya nayipala moshilongo shoka.
JEMIMA BEUKES
OVENDUKA
Ø Omagongalo gopamwe taga pewa uusama
Pahapu dhaMinista Kalumbi Shangula onkalo yaIndia kayi na sha nomulandu gwetuntilo omolwa ombuto ndjoka ihe oya etithwa komagongalo gopamwe gopamaitaalo ngoka geetitha aantu oyendji pamwe na oya kwatwa kombuto ndjoka.
Muule wiiwike yapiti, India okwa lopota omwaalu omunene gwetwako lyombuto ndjoka, moka aantu yeli po 400 000 ya kwatwa omanga kwa lopotwa omaso ga thika po 3 000 mesiku okutameka omasiku 30 gaApilili.
Momaandaha oshikundaneki shoBBc osha lopota kutya iipotha yomukithi ngoka ya thika poomiliyona 20 oya lopotwa moIndia omanga oshilongo sha taalela ompumbwe yomashina gokuyabidhidha okufudhitha.
“Ekuthikuthi etiyali lyoCovid-19 moIndia olya etithwa kokwaahalandula omilandu dheigameno okuza kombuto nomagongalo gopamwe oshowo omahwahwameko gomahogololo ogo ga etitha onkalo yanaipala miipangelo. Ekateko momaningo gomakonaakono nepango oshowo ompumbwe yoombete miipangelo nomiti oyo yeetitha woo e yo pombanda lyomaso.”
Kalumbi okwa tsikile kutya aakwashigwana oyendji yaIndia inaya tuntilwa nonando omuti gwoCovishield ogwa longwa moshilongo shoka.
“Omiti dhotuntila dha longwa moIndia ohadhi longithwa muuyuni awuhe na ohadhi longo nawa. AaNamibia inaya kwatakanithwa onkalo yaIndia nomiti dhe,” Shangula a popi.
Omukomeho gwoCentre for Disease Control (CDC) moNamibia, Dr Eric Dziuban, ngoka ta thigipo oshinakugwanithwa shoka okwa zimine omapopyo gaShangula ta gwedha po kutya India okuli petameko lyokutula miilonga iikonga ye yetuntilo.
“Kandi wete aantu ya pumbwa okukwatakanitha onkalo yaIndia nomiti dhe ngele otadhi longo tuu. India oku na omwaalu omunene gwaakwashigwana. Aantu oyendji mboka ya kwatwa inaya tuntilwa natango.”
“Oshi li ekunkililo kutya omahala ngoka gali ge na omakuthikuthi omashona momvula yo 2020 oge li moshiponga oshinene momvula yo 2021. Omolwa shoka otu na okukala twa angala nokuzala omamaska nokwiikwala kokule omanga tatu kambadhala okugandja otuntila kAaNamibia oyendji ngaashi tashi vulika. Namibia ita vulu onkalo ndjoka yi li moIndia ngashiingeyi,”Dziuban a popi.
[email protected]
OVENDUKA
Ø Omagongalo gopamwe taga pewa uusama
Pahapu dhaMinista Kalumbi Shangula onkalo yaIndia kayi na sha nomulandu gwetuntilo omolwa ombuto ndjoka ihe oya etithwa komagongalo gopamwe gopamaitaalo ngoka geetitha aantu oyendji pamwe na oya kwatwa kombuto ndjoka.
Muule wiiwike yapiti, India okwa lopota omwaalu omunene gwetwako lyombuto ndjoka, moka aantu yeli po 400 000 ya kwatwa omanga kwa lopotwa omaso ga thika po 3 000 mesiku okutameka omasiku 30 gaApilili.
Momaandaha oshikundaneki shoBBc osha lopota kutya iipotha yomukithi ngoka ya thika poomiliyona 20 oya lopotwa moIndia omanga oshilongo sha taalela ompumbwe yomashina gokuyabidhidha okufudhitha.
“Ekuthikuthi etiyali lyoCovid-19 moIndia olya etithwa kokwaahalandula omilandu dheigameno okuza kombuto nomagongalo gopamwe oshowo omahwahwameko gomahogololo ogo ga etitha onkalo yanaipala miipangelo. Ekateko momaningo gomakonaakono nepango oshowo ompumbwe yoombete miipangelo nomiti oyo yeetitha woo e yo pombanda lyomaso.”
Kalumbi okwa tsikile kutya aakwashigwana oyendji yaIndia inaya tuntilwa nonando omuti gwoCovishield ogwa longwa moshilongo shoka.
“Omiti dhotuntila dha longwa moIndia ohadhi longithwa muuyuni awuhe na ohadhi longo nawa. AaNamibia inaya kwatakanithwa onkalo yaIndia nomiti dhe,” Shangula a popi.
Omukomeho gwoCentre for Disease Control (CDC) moNamibia, Dr Eric Dziuban, ngoka ta thigipo oshinakugwanithwa shoka okwa zimine omapopyo gaShangula ta gwedha po kutya India okuli petameko lyokutula miilonga iikonga ye yetuntilo.
“Kandi wete aantu ya pumbwa okukwatakanitha onkalo yaIndia nomiti dhe ngele otadhi longo tuu. India oku na omwaalu omunene gwaakwashigwana. Aantu oyendji mboka ya kwatwa inaya tuntilwa natango.”
“Oshi li ekunkililo kutya omahala ngoka gali ge na omakuthikuthi omashona momvula yo 2020 oge li moshiponga oshinene momvula yo 2021. Omolwa shoka otu na okukala twa angala nokuzala omamaska nokwiikwala kokule omanga tatu kambadhala okugandja otuntila kAaNamibia oyendji ngaashi tashi vulika. Namibia ita vulu onkalo ndjoka yi li moIndia ngashiingeyi,”Dziuban a popi.
[email protected]
Comments
Namibian Sun
No comments have been left on this article