Osasiyona yoonkondo dholusheno tayi tungwa mOlindili
Omahangano lyoUnited Africa Group, Quantam Power oshowo NamPower oshiwike sha piti oga shaina etsokumwe lyuule woomvula 25, ndyoka tali ka utha etungo lyopoloyeka yoonkondo dholusheno yoomegawatt 44 popepi nondoolopa yaLindili.
Oonkundathana odha tamekele mo 2007, pahapu dhomukomeho gwoUAG, Haddis Tilahun.
“Oshe tu kutha uule woomvula 10 opo tu kundathane. Mo 2008 onda tameke oonkundathana ndhoka dha tameke mo 20017. Mo 2011 otwa adha etsokumwe. Onda nyanyukwa.”
Onga oshitopolwa shetsokumwe, gumwe gwomomahangano ngoka okwa pumbwa okutula poshitaafula oshititatu shongushu yopoloyeka ndjoka.
“Gumwe gwomutse okwa pumbwa okutula poshitaafula oomiliyona 450, opo dhi vule okukwatela komeho opoloyeka ndjoka. Onda longitha iimaliwa yandje mbyoka nda pungula noQuantama oya longitha woo iimaliwa yawo yene yomapungulo.”
“Opoloyeka yoDiaz otayi ka kala yimwe yomoopoloyeka dhopamuthika. Otwa tegelela yi longe uule woomvula 25. Oshitopolwa shotango shoonkondo dholusheno dhoMW 44, otashi ka gandja olusheno komagumbo 100 000.”
Omunangeshefa ngoka okwa popi kutya opoloyeka ndjoka otayi ke ya kutha uule woomwedhi 16 oku yi tunga. Oopresenda 30 nenge oomiliyona 440 otashi ka gandjwa kehangano lyoQuantam oshowo United Africa, omanga iihupe tayi ka gandjwa kaagandji yiiyemo yopaumwene mwakwatelwa oDevelopment Bank of Namibia.
Okwa tsikile kutya opoloyeka ndjoka itayi ka pula elongitho lyiimaliwa okuza kehangano lyoNamPower kakele otaya ka mona omukuli okuza koDBN.
Tilahun okwa hiya aagandji yiiyemo moshikondo shopaumwene opo ya kuthe ombinga megandjo lyiiyemo kopoloyeka ndjoka, ta popi kutya oshizemo shepungulo ndyoka otashi kala pauyuuki.
Opoloyeka ndjoka okwa tegelelwa yi ka gandje oompito dhiilonga kaantu ye li po 300, naaniilonga 100 okwa tegelelwa ya kakale taya kwatele komeho osasiyona ndjoka yoonkondo dholusheno.
Onga oshitopolwa shetsokumwe oosasiyona dhoonkondo dholusheno dhehangano lyoNamPower, ndjoka yoKokerboom oshowo yoNamib otadhi ka yambulwapo pwaahena elongitho lyiiyemo yasha okuza kehangano lyoNamPower.
OGONE TLHAGE
Oonkundathana odha tamekele mo 2007, pahapu dhomukomeho gwoUAG, Haddis Tilahun.
“Oshe tu kutha uule woomvula 10 opo tu kundathane. Mo 2008 onda tameke oonkundathana ndhoka dha tameke mo 20017. Mo 2011 otwa adha etsokumwe. Onda nyanyukwa.”
Onga oshitopolwa shetsokumwe, gumwe gwomomahangano ngoka okwa pumbwa okutula poshitaafula oshititatu shongushu yopoloyeka ndjoka.
“Gumwe gwomutse okwa pumbwa okutula poshitaafula oomiliyona 450, opo dhi vule okukwatela komeho opoloyeka ndjoka. Onda longitha iimaliwa yandje mbyoka nda pungula noQuantama oya longitha woo iimaliwa yawo yene yomapungulo.”
“Opoloyeka yoDiaz otayi ka kala yimwe yomoopoloyeka dhopamuthika. Otwa tegelela yi longe uule woomvula 25. Oshitopolwa shotango shoonkondo dholusheno dhoMW 44, otashi ka gandja olusheno komagumbo 100 000.”
Omunangeshefa ngoka okwa popi kutya opoloyeka ndjoka otayi ke ya kutha uule woomwedhi 16 oku yi tunga. Oopresenda 30 nenge oomiliyona 440 otashi ka gandjwa kehangano lyoQuantam oshowo United Africa, omanga iihupe tayi ka gandjwa kaagandji yiiyemo yopaumwene mwakwatelwa oDevelopment Bank of Namibia.
Okwa tsikile kutya opoloyeka ndjoka itayi ka pula elongitho lyiimaliwa okuza kehangano lyoNamPower kakele otaya ka mona omukuli okuza koDBN.
Tilahun okwa hiya aagandji yiiyemo moshikondo shopaumwene opo ya kuthe ombinga megandjo lyiiyemo kopoloyeka ndjoka, ta popi kutya oshizemo shepungulo ndyoka otashi kala pauyuuki.
Opoloyeka ndjoka okwa tegelelwa yi ka gandje oompito dhiilonga kaantu ye li po 300, naaniilonga 100 okwa tegelelwa ya kakale taya kwatele komeho osasiyona ndjoka yoonkondo dholusheno.
Onga oshitopolwa shetsokumwe oosasiyona dhoonkondo dholusheno dhehangano lyoNamPower, ndjoka yoKokerboom oshowo yoNamib otadhi ka yambulwapo pwaahena elongitho lyiiyemo yasha okuza kehangano lyoNamPower.
OGONE TLHAGE
Comments
Namibian Sun
No comments have been left on this article