Opolisi yankunkiilile omolwa mboka yiininga aasita taya kengelele oshigwana
KENYA KAMBOWE
RUNDU
Opolisi yaKavango West mEtitatu oya yi kolugodhi ndoka lwa tukuka momukunda Suni sha landula sho omusita gumwe aniwa a holola kutya olye a kala ta logo iilyo yongeleka ye.
Shoka osha kolekwa kukomanda gwOpolisi yaKavango West,
Josephat Abel, ngoka a holola okuuva nayi okwe omolwa aakwashigwana mboka taya ningi iihakanwa yiikengelela tayi ningwa kwaamboka taya iningi oonganga dhopamuthigululwakalo, aasita naambiisofi.
Abel okwa popi kutya oshiningwanima shoka osha ningilwa megumbo limwe moka haamu gongalele ongeleka, egumbo lyamwene gwomukunda, niikolokosha oya tameke sho edhina lyaangoka ta logo yakwawo aniwa lya tumbulwa.
“Ohela okwa li olugodhi kombinga kutya olye ta logo ngandi molwaashoka pastoli okwa popya.”
Okwa popi kutya oshi li omupya omunene sho natango aantu yiitala maasita mboka nonando omaihumbato gawo ethimbo limwe otaga e ta sigo omeso.
Abel okwa popi kombinga yoshiningwanima moka aakwanegongalo yatatu yongeleka yedhina Jesus Victory Church, momukunda Mutengo, yahulitha sha landula sho ya tulwa momalutu oshipilatusa sha tulwa mumwe noaseyina, omongwa nomagadhi go olive.
Aasita mboka yaali oya tulwa miipandeko na oye li mondjeeedhililo.
Komufala okwa pula oshigwana shi hulithepo okwiitaala aakengeleli mboka taya yugu oshigwana iimaliwa onga omukalo guupilo.
Okwa pula woo ooyene yomikunda ya gamene aakwashigwana yawo nokwiindika iinima yoludhi ndoka momikunda dhawo.
Molugodhi ndoka kape na ngoka a tulwa miipandeko ihe opolisi otayi yi komukunda ngoka yi ka gandje omageelo omolwa eyopambambo yoompango dhoCovid-19 sho omwaalu gwaantu gwa li gwa pitilila pe 100.
RUNDU
Opolisi yaKavango West mEtitatu oya yi kolugodhi ndoka lwa tukuka momukunda Suni sha landula sho omusita gumwe aniwa a holola kutya olye a kala ta logo iilyo yongeleka ye.
Shoka osha kolekwa kukomanda gwOpolisi yaKavango West,
Josephat Abel, ngoka a holola okuuva nayi okwe omolwa aakwashigwana mboka taya ningi iihakanwa yiikengelela tayi ningwa kwaamboka taya iningi oonganga dhopamuthigululwakalo, aasita naambiisofi.
Abel okwa popi kutya oshiningwanima shoka osha ningilwa megumbo limwe moka haamu gongalele ongeleka, egumbo lyamwene gwomukunda, niikolokosha oya tameke sho edhina lyaangoka ta logo yakwawo aniwa lya tumbulwa.
“Ohela okwa li olugodhi kombinga kutya olye ta logo ngandi molwaashoka pastoli okwa popya.”
Okwa popi kutya oshi li omupya omunene sho natango aantu yiitala maasita mboka nonando omaihumbato gawo ethimbo limwe otaga e ta sigo omeso.
Abel okwa popi kombinga yoshiningwanima moka aakwanegongalo yatatu yongeleka yedhina Jesus Victory Church, momukunda Mutengo, yahulitha sha landula sho ya tulwa momalutu oshipilatusa sha tulwa mumwe noaseyina, omongwa nomagadhi go olive.
Aasita mboka yaali oya tulwa miipandeko na oye li mondjeeedhililo.
Komufala okwa pula oshigwana shi hulithepo okwiitaala aakengeleli mboka taya yugu oshigwana iimaliwa onga omukalo guupilo.
Okwa pula woo ooyene yomikunda ya gamene aakwashigwana yawo nokwiindika iinima yoludhi ndoka momikunda dhawo.
Molugodhi ndoka kape na ngoka a tulwa miipandeko ihe opolisi otayi yi komukunda ngoka yi ka gandje omageelo omolwa eyopambambo yoompango dhoCovid-19 sho omwaalu gwaantu gwa li gwa pitilila pe 100.
Comments
Namibian Sun
No comments have been left on this article