Oosekuriti tadhi pula dhi futwe ooN$14 mowili
Oonkundathana dhondjambi dhaanambelewa aakeleli yomaliko odha tameke ohela, ihe aadhaninkandangala moshikondo shoka oya popi kutya aanambelewa mboka otaya pula oondjambi dhili pombanda unene.
Omahangano ga kalelapo aaniilonga aakeleli yomaliko pamwe naagandji yiilonga oya tsakanene ohela kuuministeli waaniilonga opo ya tsikile noonkundathana dhawo moka oosekuriti tadhi pula dhi gwedhelwe noopresenda 100.
Nonando ongaaka ehangano lyoSecurity Association of Namibia (SAN), ndyoka lya kalela po aagandji yiilonga 60, olya popi kutya ooN$14 mowili dhoka tadhi pulwa kaaniilonga okuza pooN$7, e yo pombanda li li pombanda unene na otashi ka etitha ekanitho lyaaniilonga, opo aagandji yiilonga ya gamenenepo oongeshefa dhawo.
Ehangano ndyoka li lilepo oosekuriti olya pula opo ku tulwe miilonga iifuta yooN$7.10 mowili oshowo yooN$8.05 kaaniilonga mboka ya longa ethimbo ele.
“Uupyakadhi mboka tu na oomboka kutya aayakulwa yetu otaya tala konkalo yondjele yoConsumer Price Index (CPI) nokuninga omagwedhelo gawo ya tala kondjele ndjoka na otaya ka shunitha pevi omwaalu gwaaniilonga pehaa lyokuya futa iifuta mbyoka iipe,” Omunashipundi gwoSAN, Levi Shigwedha a shangele oNatau.
Uupyakadhi wumwe wa taalela ehangano lyoSAN, ethigathano lyopangeshefa okuza komahangano goosekuriti ngoka inaga shangithwa na ihaga futu ondjambi yopetameko ndjoka tayi uthwa kompango.
Omukanda guuministeli ngoka gwa pitithwa oshiwike sha piti ogwa holola kutya aaniilonga mboka ohaya longo oowili oonde noonkondo monkalo ya dhigupala ihe oondjambi dhawo odhili pevi.
Uuministeli owa popi kutya opo ku kandulwepo omukundu gwa taalela aaniilonga mboka, nena okwa pumbwa okutulwa miilonga omulandu gwiifuta yopetameko koosekuriti ashihe, nesiku lyahugunina lyoonkundathana dhoka negandjo lyoshizemo, osha li omasiku 21 gaSepetemba.
Paulus Hango, omupresidende gwo Trade Union Congress of Namibia (Tucna), okwa kala momutumba ngoka gwa ningwa ohela pamwe naakalelipo yoNatau, Namibia Independent Security Union (Nisa) oshowo oNamibia Security Guards and Watchmen Union (NASGWU).
Hango okwa popi kutya oondjambi tadhi pewa aakaleli yomaliko odhili pevi noonkondo na odha pumbwa okundjekwa po.
Shigwedha okwa popi kutya omahangano goosekuriti ngoka inaga shangithwa ogo omukundu omunene konkalo yiilonga yaaniilonga mboka.
Okwa popi kutya moshilongo monena omuna omahangano goosekuriti ga thika po-200, nogendji ihaga futu aaniilonga ondjambi yopetameko ndjoka ya tulwa po.
Okwa ti oosekuriti dhimwe ohadhi futwa oshimaliwa shoo-N$500 komwedhi omanga aaniilonga mboka oya pumbwa okumona oshimaliwa shili pokati kooN$1 000 nooN$2 000 komwedhi.
Shigwedha okwa zimine kutya okwa pumbwa okuningwa omalunduluko moshikondo .
Omahangano ga kalelapo aaniilonga aakeleli yomaliko pamwe naagandji yiilonga oya tsakanene ohela kuuministeli waaniilonga opo ya tsikile noonkundathana dhawo moka oosekuriti tadhi pula dhi gwedhelwe noopresenda 100.
Nonando ongaaka ehangano lyoSecurity Association of Namibia (SAN), ndyoka lya kalela po aagandji yiilonga 60, olya popi kutya ooN$14 mowili dhoka tadhi pulwa kaaniilonga okuza pooN$7, e yo pombanda li li pombanda unene na otashi ka etitha ekanitho lyaaniilonga, opo aagandji yiilonga ya gamenenepo oongeshefa dhawo.
Ehangano ndyoka li lilepo oosekuriti olya pula opo ku tulwe miilonga iifuta yooN$7.10 mowili oshowo yooN$8.05 kaaniilonga mboka ya longa ethimbo ele.
“Uupyakadhi mboka tu na oomboka kutya aayakulwa yetu otaya tala konkalo yondjele yoConsumer Price Index (CPI) nokuninga omagwedhelo gawo ya tala kondjele ndjoka na otaya ka shunitha pevi omwaalu gwaaniilonga pehaa lyokuya futa iifuta mbyoka iipe,” Omunashipundi gwoSAN, Levi Shigwedha a shangele oNatau.
Uupyakadhi wumwe wa taalela ehangano lyoSAN, ethigathano lyopangeshefa okuza komahangano goosekuriti ngoka inaga shangithwa na ihaga futu ondjambi yopetameko ndjoka tayi uthwa kompango.
Omukanda guuministeli ngoka gwa pitithwa oshiwike sha piti ogwa holola kutya aaniilonga mboka ohaya longo oowili oonde noonkondo monkalo ya dhigupala ihe oondjambi dhawo odhili pevi.
Uuministeli owa popi kutya opo ku kandulwepo omukundu gwa taalela aaniilonga mboka, nena okwa pumbwa okutulwa miilonga omulandu gwiifuta yopetameko koosekuriti ashihe, nesiku lyahugunina lyoonkundathana dhoka negandjo lyoshizemo, osha li omasiku 21 gaSepetemba.
Paulus Hango, omupresidende gwo Trade Union Congress of Namibia (Tucna), okwa kala momutumba ngoka gwa ningwa ohela pamwe naakalelipo yoNatau, Namibia Independent Security Union (Nisa) oshowo oNamibia Security Guards and Watchmen Union (NASGWU).
Hango okwa popi kutya oondjambi tadhi pewa aakaleli yomaliko odhili pevi noonkondo na odha pumbwa okundjekwa po.
Shigwedha okwa popi kutya omahangano goosekuriti ngoka inaga shangithwa ogo omukundu omunene konkalo yiilonga yaaniilonga mboka.
Okwa popi kutya moshilongo monena omuna omahangano goosekuriti ga thika po-200, nogendji ihaga futu aaniilonga ondjambi yopetameko ndjoka ya tulwa po.
Okwa ti oosekuriti dhimwe ohadhi futwa oshimaliwa shoo-N$500 komwedhi omanga aaniilonga mboka oya pumbwa okumona oshimaliwa shili pokati kooN$1 000 nooN$2 000 komwedhi.
Shigwedha okwa zimine kutya okwa pumbwa okuningwa omalunduluko moshikondo .
Comments
Namibian Sun
No comments have been left on this article