Oosekuriti onkene tadhi futwa oondjambi dhi li pevi
Omahangano ogendji guusekuriti moshilongo onkene taga futu aaniilonga yawo oondjambi dhili pevi na inaga tula miilonga natango oondjambi dhopetameko dhaaniilonga mboka dhoka dha tulwa miilonga petameko lyaJanuari.
Onzo oya holola kutya konyala oopresenda 50 dhomahangano ngoka nenge dhi vulepo inadhi tameka okufuta aaniilonga oshimaliwa shooN$ 8.75 mowili, taga popi kutya aayakulwa yawo mwakwatelwa epangelo otaya pula opo ondjambi ndjoka yi tulwe tango pamushangwa gwepangelo.
Inashi yelamo natango kutya aaniilonga yangapi mboka ihaya kwata natango ondjambi ndjoka, nonando etsokumwe pokati komahangano gaaniilonga nehangano lyoSecurity Association of Namibia (SAN) ndyoka lya tulwa po muDesemba na olya yanda ekanka ndyoka lya li tali pangelwa okuningwa pethimbo lyaKrismas, olya tothwa mo iifuta mbyoka yi tulwe miilonga, nonando ondjambi ndjoka inayi tulwa natango momushangwa gwopapangelo.
Oshilyo shoSAN oshiwike sha piti, osha kunkilile omahangano ngoka inaga tula miilonga iifuta mbyoka, kutya otaga yi pondje ompango yaaniilongo.
“Kape na eipopilo opo ehangano nomugandji gwiilonga kehe a kale ina iyutha kompango yaaniilonga ndjoka ya tulwa miilonga mesiku lyotango lyaJanuari. Etulo pamushangwa gwepangelo ompango ndjoka kashi shi eipopilo.’
Okwa gwedha po kutya oshipotha kehe shomugandji gwiilonga ngoka ina hala okufuta aaniilonga ondjambi yooN$8.75 mowili ndjoka ya tulwa po otashi vulu okupatululwa nUuministeli wAaniilonga. Okwa gwedha po kutya niilonga naya ningilwe omapulaapulo kaanambelewa yuuministeli moshiwike shotango shaMaalitsa yo tayap ulwa ngele otaya futwa tuu ondjambi yawo ndjoka.
“Naya lombwelwe opo ya lopote koSAN nenge komahangano galwe po.”
John Kwedhi, amushanga gwoNamibia Transport and Allied Workers Union (Natau) okwa gunu mboka itaya tula miilonga etsokumwe ndyoka lya tulwa miilonga muDesemba, ta ti kutya omahangano gaaniilonga itaga ka ongaaonga mokukatukila oonkatu mboka taya tindi okutula miilonga etsokumwe ndyoka, lya tameke muJanuari.
Oonkambadhala okumona omahangano omakalelipo gaaniilonga gamwe po ngoka ga kalelelepo aaniilonga, ga thika pugatatu, odha ponyo.
Kuyele omvula ndjika, omahangano goosekuriti ogendji na ogeli iilyo yoSAN oga popi kutya otaga nyengwa okuuvithako aayakulwa yawo kutya omolwashike ge na okugwedhela iifuta yomayakulo molwaashoka kage na uumbangi wopamushangwa gwopapangelo kombinga yiifuta mbyoka.
Maayakulwa mboka omwa kwatelwa epangelo, oshowo Elelo lyOshitopolwa shaKhomas.
Metine lyoshiwike sha piti, Clement Mafwila, Omunambelelwa Omukuluntuwiliki gwElelo lyOshitopolwa shaKhomas, okwa popi kutya oya mono ombaapila ndjoka tayi ya tseyithile kutya iifuta yomayakulo otayi gwedhelwa moGroot Aub kehangano lyoShilimela Security Services, ndyoka lya kala nokugandja omayakulo kelelo lyoshitopolwa shoka uule wethimbo monena.
Nonando ongaaka Mafwila okwa lombwele oNamibian Sun kutya elelo inali vula okuzimina komagwedhelo ngoka, molwaashoka oondjambi dhoka inadhi tulwa natango pamushangwa gwepangelo, kakele ongele kwa ningwa eindilo lya gwedhwapo opo ya pewe iifuta yokukalelapo omagwedhelo ngoka.
“Uuna iifuta mbyoka yali ya tulwa pamushangwa dhepangelo andola kape na uupyakadhi,” Mafwila ta ti, na okwa gwedha po kutya, iifuta otayi ga kagandja okuza kesiku lyotango moka omagwedhelo ngoka ga ningwa uuna kwa gandjwa iimaliwa ya gwedha po okuza komalelo gomondjila.
Aaniilonga yehangano lyaShilimela Security Services moGroot Aub oshiwike sha piti, oya nyenyeta mokatumwalaka okafupi hoka ka nyanyangidha kushimwe shomiikundanekifo yomoshilongo kutya, oondjambi dhawo inadhi gwedhelwa muule woomvula naano dha piti na oya popi kutya Uuministeli wAaniilonga inawu ninga po sha, taya pula woo kOmufala gwAaniilonga a konaakone.
Banda Shilimela, mwene gwehangano ndyoka okwa patana omapopyo ngoka. Okwa popi kutya aaniilonga ye mboka taya longele pomahala ga yooloka moshilongo mwa kwatelwa oshiputudhilo shaUnam oya mono omagwedhelo noondjambi oompe dhoka dha tulwa miilonga.
Okwa popi kutya shoka osha ningwa sho aayakulwa ye ya zimine okufuta oondando oompe dhomagwedhelo.
Okwa popi kutya aaniilonga ye koGroot Aub natango otaya futwa ondjambi yooN$7 mowili nenge yi li pevi molwaashoka aayakulwa inaya zimina natango okufuta oondando dhoka dha tulwa po omolwa omagwedhelo, na okwa popi kutya oondjambi dhawo otadhi ka gwedhwelwa mbala ngele aayakulwa ya zimine..
Shilimela okwa lombwele oNamibian Sun kutya ehangano lye olyiitulamo mokugwanitha po etsokumwe ndyoka lya adhika komahangano gaaniilonga oshowo SAN na kali na omapataneko gasha kombinga yetsokumwe ndyoka.
Okwa popi kutya aaniilonga yomoGroot Aub otaya futwa oondjambi dhawo okutameka mesiku lyotango lyaJanuari, uuna omuyakulwa gawo ngoka, Elelo lyOshitopolwa shaKhomas lya zimine kombinga gomagwedhelo goondando.
“Ihatu mono iiyemo okuza palwe we kakele kaayakulwa yetu omolwa omayakulo ngoka hatu gandja. Epangelo natango otali tu futu koondando oonkulu na itatu vulu okufuta aaniilonga oondjambi oompe molwaashoka katu na iimaliwa.”
Omatumwalaka gopaemail noongodhi dhoka twa kambadhala okukwatathana namushanga gwAaniilonga, Bro-Matthew Shinguadja, inadhi yamukulwa.
JANA-MARI SMITH
Inashi yelamo natango kutya aaniilonga yangapi mboka ihaya kwata natango ondjambi ndjoka, nonando etsokumwe pokati komahangano gaaniilonga nehangano lyoSecurity Association of Namibia (SAN) ndyoka lya tulwa po muDesemba na olya yanda ekanka ndyoka lya li tali pangelwa okuningwa pethimbo lyaKrismas, olya tothwa mo iifuta mbyoka yi tulwe miilonga, nonando ondjambi ndjoka inayi tulwa natango momushangwa gwopapangelo.
Oshilyo shoSAN oshiwike sha piti, osha kunkilile omahangano ngoka inaga tula miilonga iifuta mbyoka, kutya otaga yi pondje ompango yaaniilongo.
“Kape na eipopilo opo ehangano nomugandji gwiilonga kehe a kale ina iyutha kompango yaaniilonga ndjoka ya tulwa miilonga mesiku lyotango lyaJanuari. Etulo pamushangwa gwepangelo ompango ndjoka kashi shi eipopilo.’
Okwa gwedha po kutya oshipotha kehe shomugandji gwiilonga ngoka ina hala okufuta aaniilonga ondjambi yooN$8.75 mowili ndjoka ya tulwa po otashi vulu okupatululwa nUuministeli wAaniilonga. Okwa gwedha po kutya niilonga naya ningilwe omapulaapulo kaanambelewa yuuministeli moshiwike shotango shaMaalitsa yo tayap ulwa ngele otaya futwa tuu ondjambi yawo ndjoka.
“Naya lombwelwe opo ya lopote koSAN nenge komahangano galwe po.”
John Kwedhi, amushanga gwoNamibia Transport and Allied Workers Union (Natau) okwa gunu mboka itaya tula miilonga etsokumwe ndyoka lya tulwa miilonga muDesemba, ta ti kutya omahangano gaaniilonga itaga ka ongaaonga mokukatukila oonkatu mboka taya tindi okutula miilonga etsokumwe ndyoka, lya tameke muJanuari.
Oonkambadhala okumona omahangano omakalelipo gaaniilonga gamwe po ngoka ga kalelelepo aaniilonga, ga thika pugatatu, odha ponyo.
Kuyele omvula ndjika, omahangano goosekuriti ogendji na ogeli iilyo yoSAN oga popi kutya otaga nyengwa okuuvithako aayakulwa yawo kutya omolwashike ge na okugwedhela iifuta yomayakulo molwaashoka kage na uumbangi wopamushangwa gwopapangelo kombinga yiifuta mbyoka.
Maayakulwa mboka omwa kwatelwa epangelo, oshowo Elelo lyOshitopolwa shaKhomas.
Metine lyoshiwike sha piti, Clement Mafwila, Omunambelelwa Omukuluntuwiliki gwElelo lyOshitopolwa shaKhomas, okwa popi kutya oya mono ombaapila ndjoka tayi ya tseyithile kutya iifuta yomayakulo otayi gwedhelwa moGroot Aub kehangano lyoShilimela Security Services, ndyoka lya kala nokugandja omayakulo kelelo lyoshitopolwa shoka uule wethimbo monena.
Nonando ongaaka Mafwila okwa lombwele oNamibian Sun kutya elelo inali vula okuzimina komagwedhelo ngoka, molwaashoka oondjambi dhoka inadhi tulwa natango pamushangwa gwepangelo, kakele ongele kwa ningwa eindilo lya gwedhwapo opo ya pewe iifuta yokukalelapo omagwedhelo ngoka.
“Uuna iifuta mbyoka yali ya tulwa pamushangwa dhepangelo andola kape na uupyakadhi,” Mafwila ta ti, na okwa gwedha po kutya, iifuta otayi ga kagandja okuza kesiku lyotango moka omagwedhelo ngoka ga ningwa uuna kwa gandjwa iimaliwa ya gwedha po okuza komalelo gomondjila.
Aaniilonga yehangano lyaShilimela Security Services moGroot Aub oshiwike sha piti, oya nyenyeta mokatumwalaka okafupi hoka ka nyanyangidha kushimwe shomiikundanekifo yomoshilongo kutya, oondjambi dhawo inadhi gwedhelwa muule woomvula naano dha piti na oya popi kutya Uuministeli wAaniilonga inawu ninga po sha, taya pula woo kOmufala gwAaniilonga a konaakone.
Banda Shilimela, mwene gwehangano ndyoka okwa patana omapopyo ngoka. Okwa popi kutya aaniilonga ye mboka taya longele pomahala ga yooloka moshilongo mwa kwatelwa oshiputudhilo shaUnam oya mono omagwedhelo noondjambi oompe dhoka dha tulwa miilonga.
Okwa popi kutya shoka osha ningwa sho aayakulwa ye ya zimine okufuta oondando oompe dhomagwedhelo.
Okwa popi kutya aaniilonga ye koGroot Aub natango otaya futwa ondjambi yooN$7 mowili nenge yi li pevi molwaashoka aayakulwa inaya zimina natango okufuta oondando dhoka dha tulwa po omolwa omagwedhelo, na okwa popi kutya oondjambi dhawo otadhi ka gwedhwelwa mbala ngele aayakulwa ya zimine..
Shilimela okwa lombwele oNamibian Sun kutya ehangano lye olyiitulamo mokugwanitha po etsokumwe ndyoka lya adhika komahangano gaaniilonga oshowo SAN na kali na omapataneko gasha kombinga yetsokumwe ndyoka.
Okwa popi kutya aaniilonga yomoGroot Aub otaya futwa oondjambi dhawo okutameka mesiku lyotango lyaJanuari, uuna omuyakulwa gawo ngoka, Elelo lyOshitopolwa shaKhomas lya zimine kombinga gomagwedhelo goondando.
“Ihatu mono iiyemo okuza palwe we kakele kaayakulwa yetu omolwa omayakulo ngoka hatu gandja. Epangelo natango otali tu futu koondando oonkulu na itatu vulu okufuta aaniilonga oondjambi oompe molwaashoka katu na iimaliwa.”
Omatumwalaka gopaemail noongodhi dhoka twa kambadhala okukwatathana namushanga gwAaniilonga, Bro-Matthew Shinguadja, inadhi yamukulwa.
JANA-MARI SMITH
Comments
Namibian Sun
No comments have been left on this article