Oonkundathana dhombili mOndanga dha ponyo
Otashi ulike kutya kape na ehulilo lyoontamana nekondjelo lyelelo mokati kaaleli yaNdonga, sho oonkundathana ndhoka dha li dha tulwa miilonga dha nuninwa oku e ta ombili mokati kelelo ndyoka dha ndopa.
Ookansela melelo lyaNdonga, mboka yalongela Omukwaniilwa gwaNdonga, Immanuel Kauluma Elifas, uule wethimbo ele na oya tidhwa miilonga muJuli gwomvula ya piti, oya popi mehuliloshiwike lya piti kutya oya shuna miilonga.
Omalenga ge li ga 7 oga popitha engungo enene lyaakwashigwana, pethimbo lyoshigongi shoka sha ningwa mOlyomakaya.
Oya longitha oshigongi shoka sha ningwa, okutseyitha kutya otaya kala taya longelele mOniipa nUuministeli wUuyuuki owo tawu kala tawu futu ohiila yawo.
Oshifokundaneki shoNamibia Sun osha li sha lopota kutya okwa tamekithwa oonkundathana dhokweeta ombili melelo lyoshilongo shoka, omolwa oontamanana ndhoka dha kala uule wethimbo melelo moka na otadhi sitha ohoni.
Ookansela mboka yali ya tidhwa miilonga oya popi kutya oya kanitha omukumo moonkundathana ndhoka tadhi ningwa na oya tokola opo ya tameke iilonga.
Sho ya popitha aakwashigwana ya thika pe 1 000, pethimbo lyoshigongi shoka sha ningwa gumwe gwomwaamboka ya tidhwa na okwa li nale ngoloneya gwoshitopolwa shaShikoto, Vilho Kamanya, okwa popi kutya aakwashigwana yaNdonga oya tindilwa omayakulo gongushu, konima nkene ya tidhwa miilonga.
Okwa popi kutya omayakulo ngaashi goompangu dhopamuthiguulwakalo oga kalekwa okutameka Maalitsa gwomvula ya piti noshigwana otashi lili tashi kongo omakwatho, onkene itaya vulu okutsikila ngaaka. Ooyene yomikunda oya tseyithilwa woo opo ya tameke iilonga yawo momikunda dhawo.
Kamanya okwa pandula woo uuministeli wuuyuuki sho tawu ya kwathele mokufuta oohiila moombelewa oompe moka taya longele.
Amushanga ngashiingeyi gwelelo ndyoka, Nepando Amupanda okwa popi kutya ye okwa ulikwa komukwaniilwa Elifas na oye owala ta vulu okumu kutha miilonga.
Okwa popi kutya ke na uupyakadhi naaleli nale taya tameke iilonga molwaashoka oya li ya tseyithwa kuuministeli womalelo goondoolopa niitopolwa kutya aaleli yopamuthigululwakalo.
Nepando okwa popi kutya ke na ontseyo ngele mboka oya shunwa miilonga komukwaniilwa molwaashoka ina tseyithilwa. Okwa tsikile kutya itaka gandja omapeko gelelo ihe mboka otaya vulu okukutha mo aaniilonga mboka ye li mo. Nepando okwa popi kutya ye oshinakugwanithwa she okulopotela omukwaniilwa kehe shoka tashi inyenge meni lyelelo lyawo.
Nepando okwa tsikile kutya otaka thiga po owala iinakugwanithwa ye ngele omukwaniilwa a si.
“Ngiika oya pewa elombwelo kuuministeli molwaashoka natango oye li kohi yuuministeli. Ngame kandi shi omuleli gwopamuthigululwakalo gwiifundja, onda ulikwa komukwaniilwa onkene naya tegelele omukwaanilwa a se opo ya vule okukutha po oompito dhawo. Otatu ke ya pa oombelewa noompito dhawo.”
Omupopiliko guuministeli wuuyuuki, Penna Master, okwa popi kutya ke na ontseyo yomalongekidho geli ngaaka nookansela mboka ya li ya tidhwa miilonga.
Aaleli mboka oyo Peter Kauluma, Joseph Asino, John Walenga, Kamanya, Kashona KaMalulu, Tonata Ngulu oshowo Fillemon Nambili.
Oontamanana ndhoka otadhi kwatakanithwa nekondjelo lyomulanduli gwaKauluma. Mboka ya tidhwa otaya yambidhidhidha Shuumbwa Nangolo, ngoka a li uulikwa komukwaniilwa onga omulanduli gwe mo 2012.
ILENI NANDJATO
Omalenga ge li ga 7 oga popitha engungo enene lyaakwashigwana, pethimbo lyoshigongi shoka sha ningwa mOlyomakaya.
Oya longitha oshigongi shoka sha ningwa, okutseyitha kutya otaya kala taya longelele mOniipa nUuministeli wUuyuuki owo tawu kala tawu futu ohiila yawo.
Oshifokundaneki shoNamibia Sun osha li sha lopota kutya okwa tamekithwa oonkundathana dhokweeta ombili melelo lyoshilongo shoka, omolwa oontamanana ndhoka dha kala uule wethimbo melelo moka na otadhi sitha ohoni.
Ookansela mboka yali ya tidhwa miilonga oya popi kutya oya kanitha omukumo moonkundathana ndhoka tadhi ningwa na oya tokola opo ya tameke iilonga.
Sho ya popitha aakwashigwana ya thika pe 1 000, pethimbo lyoshigongi shoka sha ningwa gumwe gwomwaamboka ya tidhwa na okwa li nale ngoloneya gwoshitopolwa shaShikoto, Vilho Kamanya, okwa popi kutya aakwashigwana yaNdonga oya tindilwa omayakulo gongushu, konima nkene ya tidhwa miilonga.
Okwa popi kutya omayakulo ngaashi goompangu dhopamuthiguulwakalo oga kalekwa okutameka Maalitsa gwomvula ya piti noshigwana otashi lili tashi kongo omakwatho, onkene itaya vulu okutsikila ngaaka. Ooyene yomikunda oya tseyithilwa woo opo ya tameke iilonga yawo momikunda dhawo.
Kamanya okwa pandula woo uuministeli wuuyuuki sho tawu ya kwathele mokufuta oohiila moombelewa oompe moka taya longele.
Amushanga ngashiingeyi gwelelo ndyoka, Nepando Amupanda okwa popi kutya ye okwa ulikwa komukwaniilwa Elifas na oye owala ta vulu okumu kutha miilonga.
Okwa popi kutya ke na uupyakadhi naaleli nale taya tameke iilonga molwaashoka oya li ya tseyithwa kuuministeli womalelo goondoolopa niitopolwa kutya aaleli yopamuthigululwakalo.
Nepando okwa popi kutya ke na ontseyo ngele mboka oya shunwa miilonga komukwaniilwa molwaashoka ina tseyithilwa. Okwa tsikile kutya itaka gandja omapeko gelelo ihe mboka otaya vulu okukutha mo aaniilonga mboka ye li mo. Nepando okwa popi kutya ye oshinakugwanithwa she okulopotela omukwaniilwa kehe shoka tashi inyenge meni lyelelo lyawo.
Nepando okwa tsikile kutya otaka thiga po owala iinakugwanithwa ye ngele omukwaniilwa a si.
“Ngiika oya pewa elombwelo kuuministeli molwaashoka natango oye li kohi yuuministeli. Ngame kandi shi omuleli gwopamuthigululwakalo gwiifundja, onda ulikwa komukwaniilwa onkene naya tegelele omukwaanilwa a se opo ya vule okukutha po oompito dhawo. Otatu ke ya pa oombelewa noompito dhawo.”
Omupopiliko guuministeli wuuyuuki, Penna Master, okwa popi kutya ke na ontseyo yomalongekidho geli ngaaka nookansela mboka ya li ya tidhwa miilonga.
Aaleli mboka oyo Peter Kauluma, Joseph Asino, John Walenga, Kamanya, Kashona KaMalulu, Tonata Ngulu oshowo Fillemon Nambili.
Oontamanana ndhoka otadhi kwatakanithwa nekondjelo lyomulanduli gwaKauluma. Mboka ya tidhwa otaya yambidhidhidha Shuumbwa Nangolo, ngoka a li uulikwa komukwaniilwa onga omulanduli gwe mo 2012.
ILENI NANDJATO
Comments
Namibian Sun
No comments have been left on this article