Oongamba dhaNamibia naAngola odha pumbwa okutulwa ondhalate
Aanambelewa yOpolisi mboka taya longele koongamba dhaAngola naNamibia oya popi kutya oshe ya ningila oshidhigu okugwanitha po iilonga yawo molwaashoka oongamba ndhoka kadhi na ondhalate.
Oshifokundaneki shika osha talele po oondoolopa yaShikango nokuya koongamba ndhoka okutala nkene aanambelewa mboka taya longo iilonga yawo, nokukondolola aantu mboka taya longitha oongamba ndhoka, okupitila pomahala mpoka inapu pitikwa okupitilwa.
Uupyakadhi owu li mpaka kutya omolwa okwaahena ondhalate yoongamba kombinga yaNamibia, aantu otaya longitha ompito ndjoka okuyakela iinima moshilongo okuza moAngola, nopolisi itayi vulu okuninga oshindji.
Opolisi otayi kambadhala okukwata mboka taya yakele iinima moshilongo, ihe ongamba ndhoka odhi na oombululu odhindji naamboka ohaya yi ontuku nopolisi kayi na shoka tashi vulu okuninga.
Aakwashigwana ohaya yakele moshilongo iinima nokuya ontuku, nonando okwa lopotwa kutya oongamba dhaAngola odhi na aanambelewa yopolisi yahomata.
Omupolisi ngoka ina hala uukwatya we wu tumbulwe okwa popi kutya, ethimbo olya thikana opo epangelo lyaNamibia li tulepo ondhalate yawo.
“Owiinekela ngame ndi tondoke ngiini tandi lamba uumatyona mboka wu na uundini womahooli. Ngele oye ku mono olundji ohashi etitha ya kondje na inatu hala okulongitha oonkondo odhindji mokukalekapo oveta. Ngele oongamba odha tulwa ondhalate nena iilonga yetu otayi ka pupalekwa,” omunambelewa ngoka a popi.
Ngoloneya gwOshitopolwa shaHangwena, Usko Nghaamwa omvula ya piti okwa li a popi kutya oongamba dhaNamibia odha li dhi na ondhalate, ihe pethimbo lyekondjelomanguluko ondhalate ndjoka oya tetwa kaakondjelimanguluko.
Sho a ningilwa omapulo, Omupopiliko gwOpolisi yaHangwena, Warrant Abner Kaume Itumba okwa popi kutya omukundu ngoka ogushiwike kepangelo.
Itumba okwa popi kutya otashi zi kepangelo okutulapo ondhalate ndjoka.
“Itatu vulu okutya otaku tula ondhalate ngaashi ndjoka yaAngola molwaashoka itayi kalapo ethimbo. Aantu otaye yi tetepo ongele tapu tulwa ondhalate yolusheno. Ondhalate ndjoka tayi tulwapo oyi na okudhilaadhilwa nawa.”
Itumba okwa popi kutya omahooli ngoka haga kuthwako ohaga pungulwa moompungulilo dhopolisi nokonima ohaga tumwa kEenhana hoka epangelo hali ga landitha po nokulongithwa po mokuwapaleka.
Okwa popi kutya opolisi ohayi kwatako omaholi ngoka hayi adha kaantu mboka taya longitha oongamba molwaashoka, osha nika oshiponga nomahooli ohaga vulu okutema.
KENYA KAMBOWE
Oshifokundaneki shika osha talele po oondoolopa yaShikango nokuya koongamba ndhoka okutala nkene aanambelewa mboka taya longo iilonga yawo, nokukondolola aantu mboka taya longitha oongamba ndhoka, okupitila pomahala mpoka inapu pitikwa okupitilwa.
Uupyakadhi owu li mpaka kutya omolwa okwaahena ondhalate yoongamba kombinga yaNamibia, aantu otaya longitha ompito ndjoka okuyakela iinima moshilongo okuza moAngola, nopolisi itayi vulu okuninga oshindji.
Opolisi otayi kambadhala okukwata mboka taya yakele iinima moshilongo, ihe ongamba ndhoka odhi na oombululu odhindji naamboka ohaya yi ontuku nopolisi kayi na shoka tashi vulu okuninga.
Aakwashigwana ohaya yakele moshilongo iinima nokuya ontuku, nonando okwa lopotwa kutya oongamba dhaAngola odhi na aanambelewa yopolisi yahomata.
Omupolisi ngoka ina hala uukwatya we wu tumbulwe okwa popi kutya, ethimbo olya thikana opo epangelo lyaNamibia li tulepo ondhalate yawo.
“Owiinekela ngame ndi tondoke ngiini tandi lamba uumatyona mboka wu na uundini womahooli. Ngele oye ku mono olundji ohashi etitha ya kondje na inatu hala okulongitha oonkondo odhindji mokukalekapo oveta. Ngele oongamba odha tulwa ondhalate nena iilonga yetu otayi ka pupalekwa,” omunambelewa ngoka a popi.
Ngoloneya gwOshitopolwa shaHangwena, Usko Nghaamwa omvula ya piti okwa li a popi kutya oongamba dhaNamibia odha li dhi na ondhalate, ihe pethimbo lyekondjelomanguluko ondhalate ndjoka oya tetwa kaakondjelimanguluko.
Sho a ningilwa omapulo, Omupopiliko gwOpolisi yaHangwena, Warrant Abner Kaume Itumba okwa popi kutya omukundu ngoka ogushiwike kepangelo.
Itumba okwa popi kutya otashi zi kepangelo okutulapo ondhalate ndjoka.
“Itatu vulu okutya otaku tula ondhalate ngaashi ndjoka yaAngola molwaashoka itayi kalapo ethimbo. Aantu otaye yi tetepo ongele tapu tulwa ondhalate yolusheno. Ondhalate ndjoka tayi tulwapo oyi na okudhilaadhilwa nawa.”
Itumba okwa popi kutya omahooli ngoka haga kuthwako ohaga pungulwa moompungulilo dhopolisi nokonima ohaga tumwa kEenhana hoka epangelo hali ga landitha po nokulongithwa po mokuwapaleka.
Okwa popi kutya opolisi ohayi kwatako omaholi ngoka hayi adha kaantu mboka taya longitha oongamba molwaashoka, osha nika oshiponga nomahooli ohaga vulu okutema.
KENYA KAMBOWE
Comments
Namibian Sun
No comments have been left on this article