Oondohotola tadhi pula oshigwana shi landule omilandu
NAMPA
OVENDUKA
Sho iipotha yoCOVID-19 ya thika pe 1 000 tayi lopotwa kehe esiku moshilongo, aanambelewa yuundjolowele oya pula AaNamibia opo ye ya yambidhidhe pakulandula omilandu dhoka dha tulwa miilonga, taya popi kutya oshipangelo nashi kale ehala lya hugunina.
Moonkundathana a ningwa naye koNampa, Dr Fatima Nakale ta longele pulimwe lyomomandiki gokuningila omakonaakono goCOVID-19 mOvenduka okwa popi kutya omaso agehe otaga tilitha nokaanambelelwa woo yuundjolowele.
“Namibia okwa taalela ekuthikuthi etitatu lyomukithi ngoka na olya nika oshiponga. Aantu otaya kwata, taya ehama na otaya si. Kehe esiku otatu kanitha omuntu nokuupangelogona woo, shoka shi li tashi tilitha nokaanambelelwa yuundjolowele woo.”
Dr Nakale okwa popi kutya onkalo oya dhigupala na okwa pula oshigwana shilandule omilandu opo ku vule okukondjithwa ombuto ndjoka.
Omunambelewa gumwe ngoka ta longele moshipangelo shopaumwene okwa popi kutya onkalo oya dhigupala naantu mboka ye na omakwashilipaleko kamana guunamiti itaya taambelewa miipangelo yopaumwene molwaashoka oyuudha.
“Otashi ehameke okushunithako omupangwa ngoka a pumbwa ombepo yokufudhilamo nombete, ihe oshipangelo oshuudha nandohotola ke na shoka ta vulu okuninga.”
Oondokotola mbali tadhi longele miipangelo yepangelo moRehoboth oshowo Keetmanshoop odha holola onkalo yoCOVID-19 tayi limbilike, taya popi kutya aantu otaya hulitha omolwa ompumbwe yombepo yokufudhilamo, sho omahala agehe ge na aantu naantu otaya tegelele oowili dha thika puhamano nenge shivulithepo. Omunambelewa omukomeho muuministeli wuundjolowele, Ben Nangombe okwa popi kutya epangelo otali kondjo lya manamo opo ku vule okugandjwa omipepo dhombepo yokufudhilamo dha gwana kiipangelo, sho ombepo ndjoka yi li ya pumbiwa noonkondo pethimbo ndika.
Nangombe okwa pula oshigwana shi yambidhidhe epangelo mokulandula omilandu dha nuninwa okukaleka kokule ombuto ndjoka ngaashi okuzala omamaska nokuyanda omangundumano.
Oku ya mOmaandaha Namibia oku na iipotha yi li po 14 092 moka aantu ye li 516 ye li miipangelo, o 90 oye li koICU omanga aantu 1 179 ya hulitha.
Aantu ye li po 104 530 oya tuntilwa otuntila yotango omanga yeli po 19 930 yatuntilwa otuntila yiihwapo.
OVENDUKA
Sho iipotha yoCOVID-19 ya thika pe 1 000 tayi lopotwa kehe esiku moshilongo, aanambelewa yuundjolowele oya pula AaNamibia opo ye ya yambidhidhe pakulandula omilandu dhoka dha tulwa miilonga, taya popi kutya oshipangelo nashi kale ehala lya hugunina.
Moonkundathana a ningwa naye koNampa, Dr Fatima Nakale ta longele pulimwe lyomomandiki gokuningila omakonaakono goCOVID-19 mOvenduka okwa popi kutya omaso agehe otaga tilitha nokaanambelelwa woo yuundjolowele.
“Namibia okwa taalela ekuthikuthi etitatu lyomukithi ngoka na olya nika oshiponga. Aantu otaya kwata, taya ehama na otaya si. Kehe esiku otatu kanitha omuntu nokuupangelogona woo, shoka shi li tashi tilitha nokaanambelelwa yuundjolowele woo.”
Dr Nakale okwa popi kutya onkalo oya dhigupala na okwa pula oshigwana shilandule omilandu opo ku vule okukondjithwa ombuto ndjoka.
Omunambelewa gumwe ngoka ta longele moshipangelo shopaumwene okwa popi kutya onkalo oya dhigupala naantu mboka ye na omakwashilipaleko kamana guunamiti itaya taambelewa miipangelo yopaumwene molwaashoka oyuudha.
“Otashi ehameke okushunithako omupangwa ngoka a pumbwa ombepo yokufudhilamo nombete, ihe oshipangelo oshuudha nandohotola ke na shoka ta vulu okuninga.”
Oondokotola mbali tadhi longele miipangelo yepangelo moRehoboth oshowo Keetmanshoop odha holola onkalo yoCOVID-19 tayi limbilike, taya popi kutya aantu otaya hulitha omolwa ompumbwe yombepo yokufudhilamo, sho omahala agehe ge na aantu naantu otaya tegelele oowili dha thika puhamano nenge shivulithepo. Omunambelewa omukomeho muuministeli wuundjolowele, Ben Nangombe okwa popi kutya epangelo otali kondjo lya manamo opo ku vule okugandjwa omipepo dhombepo yokufudhilamo dha gwana kiipangelo, sho ombepo ndjoka yi li ya pumbiwa noonkondo pethimbo ndika.
Nangombe okwa pula oshigwana shi yambidhidhe epangelo mokulandula omilandu dha nuninwa okukaleka kokule ombuto ndjoka ngaashi okuzala omamaska nokuyanda omangundumano.
Oku ya mOmaandaha Namibia oku na iipotha yi li po 14 092 moka aantu ye li 516 ye li miipangelo, o 90 oye li koICU omanga aantu 1 179 ya hulitha.
Aantu ye li po 104 530 oya tuntilwa otuntila yotango omanga yeli po 19 930 yatuntilwa otuntila yiihwapo.
Comments
Namibian Sun
No comments have been left on this article