Oompumbwe dhaalongiskola odhishiwike aniwa
ILENI NANDJATO
Ehangano lyoNamibia National Teacher’s Union (Nantu) olya holola okuuva nayi kwalyo tali pula woo ekutho miilonga lyoveta ndjoka tayi utha oPPP, ihe Minista Katrina Hanse Himarwa okwa popi kutya oPPP, oyo owala omukalo tagu vulu okukandula po oompumbwe dhaalongiskola.
Omupeha omupresidende gwoNantu, Joseph Dinyando ngoka a popi pehala lyomupresidende gwehangano ndyoka, Simeon Kavila pokapale kaShakati, sho kwa dhimbulukiwa Esiku lyAalongiskola mOshilongo okwa popi kutya, Nantu oku na omaiyuvo gonayi omolwa ompango yoPPP, ndjoka tayi yi moshipala egandjo lyelongo kaanona AaNamibia oshowo egandjo lyuundjolowele, onkene Nantu ota pula ekutho miilonga lyompango ndoka. Nonando ongaaka Ominista yelongo oya tindi omapopyo ngoka, kutya omaupyakadhi ngoka ga taalela aalongiskola okwe ga mona sho a talelepo ooskola dha yooloka oshilongo, ihe uuministeli we owa tala kutya oPPP oyo owala tayi ka kandula po omikundu ndhoka.
“Pethimbo nda talele po ooskola moshilongo onda mono onkalo nomaupyakadhi ngoka ga taalela aalongiskola. Onda mono kutya aalongi oyendji oye wete kutya inaya yalulwa na inaya pumbiwa. Oyemdji oye wete kutya kape naa ngoka teya pulakene komakemo gawo. Onda mona onkalo yomaupyakadhi gopaliko moka mu na aalongi mboka , ngaashi onkalo yomagumbo moka haya zi. Ohaya zi woo moombashu nokutalela onkalo ya nayipala yesiku ya pupyala nenge ya talala, noyendji natango ohaya taaguluka iishana yuudha omeya pethimbo lyomvula , opo ya kwashilipaleke kutya oya gandja elongo kuunona waNamibia. Oto thigi po ofamili yoye okuya muushayi omolwa oshigwana,” Himarwa a popi.
Minista okwa popi kutya okwa dhidhilika kutya aalongi yomuushayi oye na uupyakadhi wa faathana naalongi yomoondoolopa.
Okwa popi kutya aalongi moondoolopa otaya thiminikwa ya ze momahala omashona omolwa oondando dhoohiila dhoka dhili pombanda unene.
Okwa tsikile kutya uuministeli otawu longo nopublic private partnerships opo ku vule okutungilwa aalongi omagumbo nokulongulula omahala omakulu mooskola odhindji.
Ndinyando okwa popi kutya onkalo ndjoka tayi ihumbatelwa aalongiskola oya pumbwa okuhulithwa po meendelelo, naalongi naya tameke okwiihumbatelwa ngaashi aanashilonga yakwawo.
ILENI NANDJATO
Ehangano lyoNamibia National Teacher’s Union (Nantu) olya holola okuuva nayi kwalyo tali pula woo ekutho miilonga lyoveta ndjoka tayi utha oPPP, ihe Minista Katrina Hanse Himarwa okwa popi kutya oPPP, oyo owala omukalo tagu vulu okukandula po oompumbwe dhaalongiskola.
Omupeha omupresidende gwoNantu, Joseph Dinyando ngoka a popi pehala lyomupresidende gwehangano ndyoka, Simeon Kavila pokapale kaShakati, sho kwa dhimbulukiwa Esiku lyAalongiskola mOshilongo okwa popi kutya, Nantu oku na omaiyuvo gonayi omolwa ompango yoPPP, ndjoka tayi yi moshipala egandjo lyelongo kaanona AaNamibia oshowo egandjo lyuundjolowele, onkene Nantu ota pula ekutho miilonga lyompango ndoka. Nonando ongaaka Ominista yelongo oya tindi omapopyo ngoka, kutya omaupyakadhi ngoka ga taalela aalongiskola okwe ga mona sho a talelepo ooskola dha yooloka oshilongo, ihe uuministeli we owa tala kutya oPPP oyo owala tayi ka kandula po omikundu ndhoka.
“Pethimbo nda talele po ooskola moshilongo onda mono onkalo nomaupyakadhi ngoka ga taalela aalongiskola. Onda mono kutya aalongi oyendji oye wete kutya inaya yalulwa na inaya pumbiwa. Oyemdji oye wete kutya kape naa ngoka teya pulakene komakemo gawo. Onda mona onkalo yomaupyakadhi gopaliko moka mu na aalongi mboka , ngaashi onkalo yomagumbo moka haya zi. Ohaya zi woo moombashu nokutalela onkalo ya nayipala yesiku ya pupyala nenge ya talala, noyendji natango ohaya taaguluka iishana yuudha omeya pethimbo lyomvula , opo ya kwashilipaleke kutya oya gandja elongo kuunona waNamibia. Oto thigi po ofamili yoye okuya muushayi omolwa oshigwana,” Himarwa a popi.
Minista okwa popi kutya okwa dhidhilika kutya aalongi yomuushayi oye na uupyakadhi wa faathana naalongi yomoondoolopa.
Okwa popi kutya aalongi moondoolopa otaya thiminikwa ya ze momahala omashona omolwa oondando dhoohiila dhoka dhili pombanda unene.
Okwa tsikile kutya uuministeli otawu longo nopublic private partnerships opo ku vule okutungilwa aalongi omagumbo nokulongulula omahala omakulu mooskola odhindji.
Ndinyando okwa popi kutya onkalo ndjoka tayi ihumbatelwa aalongiskola oya pumbwa okuhulithwa po meendelelo, naalongi naya tameke okwiihumbatelwa ngaashi aanashilonga yakwawo.
ILENI NANDJATO
Comments
Namibian Sun
No comments have been left on this article