Oombwa tadhi dhipagwa nokuningwa okapana
ELLANIE SMIT
Omulumentu gwontumba okwa kwatwa komalelo mEtitano lya piti momawendo moKatutura moka ha dhipagele oombwa ndhoka ha teleke okapana nokulanditha.
Omulumentu ngoka edhina lye li shiwike koNamibian Sun, okwa kwatwa kosekuriti pomawendo, ndjoka oya tseyithile opolisi yoshilando shaVenduka oshowo oWindhoek SPCA.
Pahapu dhomunambelewa gwoSPCA, omukonaakoni Joseph Naimhwaka, ngoka a li pehala mpoka, omulumentu ngoka okwa dhipagela oombwa pomawendo ngoka iikando yontumba na okwa kala ha yi ontuku nonyama ndjoka omanga oosekuriti inadhi mu kwata.
Muule woomwedhi dha piti, oombwa dha thika puntano odha dhipagwa.
Palopota yoSPCA mEtitano omulumentu ngoka okwa dhipaga oombwa mbali, dhoka ha pondo nokudhenga, na ohaka landitha onyama.
Omufekelwa ngoka oha kutha po owala onyama ta thigipo omakaha omitse niinima yomeni.
Omufekelwa okwa popi kutya oha landitha onyama yombwa omolwa aakulukadhi mboka haya landitha okapana momatala gopopepi, haye mu pula e ya falele onyama. Naimhwaka okwa popi kutya omulumentu ngoka okwa falwa mosasiyona yopolisi yaKatutura moka a lombwele opolisi kutya oteya ya fala kaakulukadhi mboka haya landitha onyama ndjoka.
Opolisi ya falwa komatala gokulandithila mOkuryangava na okwa ulike aakiintu yaali mboka aniwa haye mu pula onyama yombwa.
Okwa popi woo kutya oha futwa oshimaliwa shooN$200 monyama yombwa.
Pahapu dhaNaimhwaka, lwanima oya mono kutya aakiintu mboka ihaya landitha onyama yombwa, na oya tseyithilwa kutya onyama yombwa otayi kala oshidhigu okulandithla pomatala ngoka molwaashoka kayi ookastoma.
“Okwa fundju woo kutya ohazi peni sho e tu lombwele kutya oha zi mOkahandja Park.”
Omunambelewa ngoka okwa popi kutya omulumentu ngoka ohazi moDolam, popepi nomawendo mpoka ha dhipagele oombwa ndhoka.
Omalelo otaga konaakona oshinima shoka opo gamone kutya oombwa ndhoka ohadhi zi peni.
Ngele omuntu okwa monika ondjo moshipotha sheningilo lyiinamwenyo omuyonena oha pewa egeelo lyokufuta oshimaliwa shooN$4 000 nenge omvula yimwe mondjeedhililo.
Ehuliloshiwike lya piti, aakwashigwana yamwe mOkahandja oya kwatwa taya dhipaga oombwa metoto lyiiyagaya mondoolopa ndjoka. Oya tulwa miipandeko ihe inaku tseyika ngele oya tulilwa mo iipotha.
Omulumentu gwontumba okwa kwatwa komalelo mEtitano lya piti momawendo moKatutura moka ha dhipagele oombwa ndhoka ha teleke okapana nokulanditha.
Omulumentu ngoka edhina lye li shiwike koNamibian Sun, okwa kwatwa kosekuriti pomawendo, ndjoka oya tseyithile opolisi yoshilando shaVenduka oshowo oWindhoek SPCA.
Pahapu dhomunambelewa gwoSPCA, omukonaakoni Joseph Naimhwaka, ngoka a li pehala mpoka, omulumentu ngoka okwa dhipagela oombwa pomawendo ngoka iikando yontumba na okwa kala ha yi ontuku nonyama ndjoka omanga oosekuriti inadhi mu kwata.
Muule woomwedhi dha piti, oombwa dha thika puntano odha dhipagwa.
Palopota yoSPCA mEtitano omulumentu ngoka okwa dhipaga oombwa mbali, dhoka ha pondo nokudhenga, na ohaka landitha onyama.
Omufekelwa ngoka oha kutha po owala onyama ta thigipo omakaha omitse niinima yomeni.
Omufekelwa okwa popi kutya oha landitha onyama yombwa omolwa aakulukadhi mboka haya landitha okapana momatala gopopepi, haye mu pula e ya falele onyama. Naimhwaka okwa popi kutya omulumentu ngoka okwa falwa mosasiyona yopolisi yaKatutura moka a lombwele opolisi kutya oteya ya fala kaakulukadhi mboka haya landitha onyama ndjoka.
Opolisi ya falwa komatala gokulandithila mOkuryangava na okwa ulike aakiintu yaali mboka aniwa haye mu pula onyama yombwa.
Okwa popi woo kutya oha futwa oshimaliwa shooN$200 monyama yombwa.
Pahapu dhaNaimhwaka, lwanima oya mono kutya aakiintu mboka ihaya landitha onyama yombwa, na oya tseyithilwa kutya onyama yombwa otayi kala oshidhigu okulandithla pomatala ngoka molwaashoka kayi ookastoma.
“Okwa fundju woo kutya ohazi peni sho e tu lombwele kutya oha zi mOkahandja Park.”
Omunambelewa ngoka okwa popi kutya omulumentu ngoka ohazi moDolam, popepi nomawendo mpoka ha dhipagele oombwa ndhoka.
Omalelo otaga konaakona oshinima shoka opo gamone kutya oombwa ndhoka ohadhi zi peni.
Ngele omuntu okwa monika ondjo moshipotha sheningilo lyiinamwenyo omuyonena oha pewa egeelo lyokufuta oshimaliwa shooN$4 000 nenge omvula yimwe mondjeedhililo.
Ehuliloshiwike lya piti, aakwashigwana yamwe mOkahandja oya kwatwa taya dhipaga oombwa metoto lyiiyagaya mondoolopa ndjoka. Oya tulwa miipandeko ihe inaku tseyika ngele oya tulilwa mo iipotha.
Comments
Namibian Sun
No comments have been left on this article