Oobiliyona tadhi ka longithwa mokutunga omagumbo
Omagumbo geli 25 000 gaantu mboka haya mono iiyeo yili pokati otaga ka tungwa okupitila moNational Development Plan (NDP5) onti- 5 okuya momvula yo2022.
Oshimaliwa sha thika poobiliyona 1.4 otashi ka longithwa mokutunga omagumbo ngoka oshowo okuyambulapo onkalo yomagumbo galwe nonkalo yoluhepo mokati kaakwashigwana yaNamibia otayi ka shuna pevi okuza poopresenda 11 okuya poopresenda 5.
Omauvaneko ngoka ogeli mompangela ndjoka opo ya pitithwa yoNDP5, ndjoka ya nuninwa okutunga omagumbo geli o-5 000 kehe omvula muule woomvula ntano kongushu yoomiliyona 354.15 kehe omvula.
Natango konyala oobiliyona 4.9 nenge oomiliyona 975 odha pumbiwa kehe komvula opo dhi vule okuwapaleka ooplota dhili 6 500 ngaashi tashi uthwa koNDP5.
Ompangela yimwe moNDP5 okuyambulapo omalukanda gaali kehe omvula omanga omahala gokukala aakwashigwana ga thika po-21 taga ka totwapo moNamibia muule womvula ntano.
Ompangela oya kwatelwa po okuyambulapo onkalo yuuyogoki yaakwashigwana momagumbo ga thika po 12 500 kehe omvula noshimaliwa tashi tengenekelwa poobiliyona 2.4 otashi ka longithwa.
Oompangela ndhoka dhoNDP5 odha tseyithwa momutumba gwopaliamende kuLucia Iipumbu, ngoka e li omupeha minissta moshikondo shoompangela dhopaliko.
Iipumbu okwa yelitha kutya oompangela ndhoka odhili oshitopolwa shetulo miilonga lyoNDP5 ndjoka ya tulwa miilonga oshiwike shika sha landula etulo miilonga lyoNDP5 policy document ndyoka lya tulwa miilonga muMei.
Oompangela odha kwatela mo woo okushunitha pevi omwaalu gwaakwashigwana mboka ye na ompumbwe yiikulya, nokuyambulapo elongo lyoondya mokati kaakwashigwana muule woomvula ntano.
Ompangela yimwe natango okushunitha pevi oluhepo noopresenda 37 ngaashi sha yelekwa mo-2010 okuya poopresenda 25 mo-2022 nokuyambulapo onkalo nawa yopaliko.
Kombinga yelongo, oompangela ndhoka odha kwatelamo etungo lyoosikola oompe kehe omvula nokuwapaleka nenge okuyambulapo ooskola 550 sigo 1 000 omvula kehe.
Uuklinika wuli 7 otawu patululwa nuumvo, oshowo utatu momvula twa taalela omanga muule woomvula ndatu twa taalela uuklinika u-7 tawu kala tawu patuluwa kehe komvula.
Oshipangelo shimwe shopashitopolwa otaku pangelwa shipatululwe momvula yo-2021/22.
Ondokumende ndjoka oya kwatelwamo ooprograma 80 ndhoka tadhi ka tulwa miilonga okupitila moopoloyeka 178 muule woomvula ntano.
Pashimaliwa, ompangela ndjoka otayi pula oshimaliwa shoobiliyona 164 muule woomvula ntano.
OMUTOOLINKUNDANA GWOMENI
Omauvaneko ngoka ogeli mompangela ndjoka opo ya pitithwa yoNDP5, ndjoka ya nuninwa okutunga omagumbo geli o-5 000 kehe omvula muule woomvula ntano kongushu yoomiliyona 354.15 kehe omvula.
Natango konyala oobiliyona 4.9 nenge oomiliyona 975 odha pumbiwa kehe komvula opo dhi vule okuwapaleka ooplota dhili 6 500 ngaashi tashi uthwa koNDP5.
Ompangela yimwe moNDP5 okuyambulapo omalukanda gaali kehe omvula omanga omahala gokukala aakwashigwana ga thika po-21 taga ka totwapo moNamibia muule womvula ntano.
Ompangela oya kwatelwa po okuyambulapo onkalo yuuyogoki yaakwashigwana momagumbo ga thika po 12 500 kehe omvula noshimaliwa tashi tengenekelwa poobiliyona 2.4 otashi ka longithwa.
Oompangela ndhoka dhoNDP5 odha tseyithwa momutumba gwopaliamende kuLucia Iipumbu, ngoka e li omupeha minissta moshikondo shoompangela dhopaliko.
Iipumbu okwa yelitha kutya oompangela ndhoka odhili oshitopolwa shetulo miilonga lyoNDP5 ndjoka ya tulwa miilonga oshiwike shika sha landula etulo miilonga lyoNDP5 policy document ndyoka lya tulwa miilonga muMei.
Oompangela odha kwatela mo woo okushunitha pevi omwaalu gwaakwashigwana mboka ye na ompumbwe yiikulya, nokuyambulapo elongo lyoondya mokati kaakwashigwana muule woomvula ntano.
Ompangela yimwe natango okushunitha pevi oluhepo noopresenda 37 ngaashi sha yelekwa mo-2010 okuya poopresenda 25 mo-2022 nokuyambulapo onkalo nawa yopaliko.
Kombinga yelongo, oompangela ndhoka odha kwatelamo etungo lyoosikola oompe kehe omvula nokuwapaleka nenge okuyambulapo ooskola 550 sigo 1 000 omvula kehe.
Uuklinika wuli 7 otawu patululwa nuumvo, oshowo utatu momvula twa taalela omanga muule woomvula ndatu twa taalela uuklinika u-7 tawu kala tawu patuluwa kehe komvula.
Oshipangelo shimwe shopashitopolwa otaku pangelwa shipatululwe momvula yo-2021/22.
Ondokumende ndjoka oya kwatelwamo ooprograma 80 ndhoka tadhi ka tulwa miilonga okupitila moopoloyeka 178 muule woomvula ntano.
Pashimaliwa, ompangela ndjoka otayi pula oshimaliwa shoobiliyona 164 muule woomvula ntano.
OMUTOOLINKUNDANA GWOMENI
Comments
Namibian Sun
No comments have been left on this article