Ongwediva tayi ka futa ofamili yaJohannes oshimaliwa shooN$982 000
Elelo lyondoolopa yaNgwediva olya pyakudhukwa okufuta ofamili yaJohannes oshimaliwa sha thika pooN$982 000 omolwa evi lye ndyoka, elelo lyondoolopa ndjoka lya landitha po komunangeshefa gwomonooli yoshilongo Ben Zaaruka momvula yo2010.
Oontamanana dhevi pokati kaHaivela Johannes oshowo ehangano lyoStantoll properties odha pulakenwa mOmpangulilo yoPombanda mOshakati oshiwike sha piti.
Zaaruka okwa ningi eindilo lyompangu muMaalitsa nuumvo ta pula opo ofamili ndjoka kayi ye moshipala etungo netamununo lyehala lye lyoongeshefa. Etamununo lyehala lyoongeshefa lyOshana shopping mall olya kwatela mo oshitopolwa shevi shoohecta ne dhepya lyofamili yaJohannes. Ofamili ndjoka inayi futwa nonando elelo lyondoolopa olya landitha po oshitopolwa shoka shevi kuZaaruka kondando yoomiliyona 1.4.
Oonkundathana opo ofamili ndjoka yi futwe odha hulile mekwena lya thita. Namibian Sun oyuuvite kutya ofamili ndjoka oyali tayi pula oshimaliwa shoomiliyona 3 omolwa evi lyawo.
Mombaapila ndjoka ya shangwa momasiku ga 4 gaApilili, omunambelewa omukuluntu gwelelo lyondoolopa yaNgwediva, okwa shangele ofamili ndjoka omukanda moka ta popi kutya oya pyakudhukwa okufuta ofamili ndjoka oshimaliwa sha thika pooN$982 000 omolwa evi ndyoka ondoolopa ya landitha po koStantoll Properties.
“Nesimaneko taambiiko iifuta ya thika pooN$981 821.75 omolwa oshitopolwa shevi lyeni shoka sha gumwa kiilonga yoshitopolwa oshitiyali shetungo lyOshana Mall. Iifuta mbika oya kwatela mo iifuta yoshitopolwa shotango shooN$149 446.50, oshowo iifuta yoshitopolwa oshitiyali shooN$836 390.90.” Sho ya ningilwa omapulo, omupopiliko gwondoolopa yaNgwediva, Jackson Muma okwa popi kutya elelo olya tegelela eyamukulo okuza kofamili yaJohannes. “Elelo lyondoolopa olya pyakudhukwa okufuta ofamili ethimbo kehe. Etanga oli li momake gofamili, na oya pumbwa oya okuya kelelo lyondoolopa na otaya futwa,” Muma a popi. Oonkambadhala okumona omaiyuvo gaJohannes odha hulile muunyengwi. Oshiwike sha piti, oontamanana ndhoka odha pulakenwa mompangu kOmupanguli presidende Petrus Damaseb oshowo aapanguli Hosea Angula oshowo Shafimana Ueitele. Ompangu oya ningi etokolo muuwanawa wehangano lyoStantoll Properties, nokuya pitika ya tsikile niilonga yawo yetungo lyoshitopolwa oshitiyali shOshana Mall.
KENYA KAMBOWE
Oontamanana dhevi pokati kaHaivela Johannes oshowo ehangano lyoStantoll properties odha pulakenwa mOmpangulilo yoPombanda mOshakati oshiwike sha piti.
Zaaruka okwa ningi eindilo lyompangu muMaalitsa nuumvo ta pula opo ofamili ndjoka kayi ye moshipala etungo netamununo lyehala lye lyoongeshefa. Etamununo lyehala lyoongeshefa lyOshana shopping mall olya kwatela mo oshitopolwa shevi shoohecta ne dhepya lyofamili yaJohannes. Ofamili ndjoka inayi futwa nonando elelo lyondoolopa olya landitha po oshitopolwa shoka shevi kuZaaruka kondando yoomiliyona 1.4.
Oonkundathana opo ofamili ndjoka yi futwe odha hulile mekwena lya thita. Namibian Sun oyuuvite kutya ofamili ndjoka oyali tayi pula oshimaliwa shoomiliyona 3 omolwa evi lyawo.
Mombaapila ndjoka ya shangwa momasiku ga 4 gaApilili, omunambelewa omukuluntu gwelelo lyondoolopa yaNgwediva, okwa shangele ofamili ndjoka omukanda moka ta popi kutya oya pyakudhukwa okufuta ofamili ndjoka oshimaliwa sha thika pooN$982 000 omolwa evi ndyoka ondoolopa ya landitha po koStantoll Properties.
“Nesimaneko taambiiko iifuta ya thika pooN$981 821.75 omolwa oshitopolwa shevi lyeni shoka sha gumwa kiilonga yoshitopolwa oshitiyali shetungo lyOshana Mall. Iifuta mbika oya kwatela mo iifuta yoshitopolwa shotango shooN$149 446.50, oshowo iifuta yoshitopolwa oshitiyali shooN$836 390.90.” Sho ya ningilwa omapulo, omupopiliko gwondoolopa yaNgwediva, Jackson Muma okwa popi kutya elelo olya tegelela eyamukulo okuza kofamili yaJohannes. “Elelo lyondoolopa olya pyakudhukwa okufuta ofamili ethimbo kehe. Etanga oli li momake gofamili, na oya pumbwa oya okuya kelelo lyondoolopa na otaya futwa,” Muma a popi. Oonkambadhala okumona omaiyuvo gaJohannes odha hulile muunyengwi. Oshiwike sha piti, oontamanana ndhoka odha pulakenwa mompangu kOmupanguli presidende Petrus Damaseb oshowo aapanguli Hosea Angula oshowo Shafimana Ueitele. Ompangu oya ningi etokolo muuwanawa wehangano lyoStantoll Properties, nokuya pitika ya tsikile niilonga yawo yetungo lyoshitopolwa oshitiyali shOshana Mall.
KENYA KAMBOWE
Comments
Namibian Sun
No comments have been left on this article