Ongundu yoSwapo ya kani
Ongundu tayi pangele oya kanitha aaleli yawo yaali miiningwanima ya yooloka mOmaandaha.
Oshiningwanima shotango osha ningwa koongulasha, sho omunamimvo 35 ngoka e li kansela gwelelo lyondoolopa yaMbaye, Samson Nghilumbwa a hulithile moshiponga shohauto mondjila yaSwakopo oshowo Arandis.
Lwanima ongula yOmaandaha natango okwa lopotwa eso lyakansela gwoshikandjohogololo Oshakati Uuzilo,
Lotto Kuushomwa omunamimvo 59, ngoka kwa lopotwa a ngambuka omanga a li miilonga moNational Council chambers. Okwa hulitha lwanima moshipangelo mOvenduka.
Omatumwalaka gomahekeleko otaga zilile koombinga noombinga. Mayola gwondoolopa yaMbaye, Immanuel Wilfred okwa popi kutya okwa haluthwa noonkondo keso lyaNghilumbwa, pethimbo a gandja omahekeleko ge.
Momushangwa ngoka gwa pitithwa kEwawa lyoSwapo Party Youth League (SPYL), moka Nghilumbwa a li oshilyo, ogwa hololola kutya oya kanitha omumwayina, kuume oshowo omuniilonga pamwe.
Palopota yopolisi, Nghilumbwa okwa li oye awike moshiyenditho uuka ombinga yaSwakopo okuya owala lwopotundi onti - 06:00 sho a kanitha okondolola yoshiyenditho she nokwiidhenge meloli.
Okwa hulithile pehala lyoshiponga omanga omuhingi gwololi omunamimvo 29 opamwe nomuyambidhidhi gwe inaya ehamekwa.
“Nakusa okwa kanitha okondolola yoshiyenditho she nokwiidhenge mololi yoScania (N22761WB) kombinga yokolulyo komeho. Ololi oyali tayi zilile ombinga yaSwakopo. Ohauto oya hanagulwapo ayihe nanakusa okwa hulithile pehala lyoshiponga,” Omupeha komufala Erastus Iikuyu a popi.
Oshiyetithi shoshiponga inashi monika natango.
Nghilumbwa, okwa ningi kansela momvula yo 2015 na okwa longa onga omunashipundi gwoWalvis Bay management committee okuza momvula yo 2017, ihe okwa pingenwa po momwedhi Desemba gwomvula ya piti.
Okwa li woo omupeha omunashipundi momina yaHusab Mine, oshowo omupopiliko gwoSPYL moshitopolwa shErongo.
Taku dhimbulukiwa Kuushomwa
Omunashipundi gwoNational Council, Margaret Mensah-Williams okwa hokolola nakusa Kuushomwa, kutya okwa li omuniilonga omwiinekelwa oshowo omukondjelimaguluko.
“Tatu lili omuniilonga pamwe natse, komrade oshowo kuume ketu. Pitikenindje pehala lyandje mwene oshowo lyaayehe mOpaliamende opo ndi gandje omahekeleko kofamili ye kookomrade nookume,” Mensah-Williams a popi.
Kuushomwa okwa li omukwiita gwoPLAN. Okwa longa uule wethimbo onga kansela oshitopolwa shaShana na okwa longa woo onga omunashipundi gwelelo. -Olopota yagwedhwa po koNampa oshowo Erwin Leuschner.
OMUTOOLINKUNDANA GWOMENI
Oshiningwanima shotango osha ningwa koongulasha, sho omunamimvo 35 ngoka e li kansela gwelelo lyondoolopa yaMbaye, Samson Nghilumbwa a hulithile moshiponga shohauto mondjila yaSwakopo oshowo Arandis.
Lwanima ongula yOmaandaha natango okwa lopotwa eso lyakansela gwoshikandjohogololo Oshakati Uuzilo,
Lotto Kuushomwa omunamimvo 59, ngoka kwa lopotwa a ngambuka omanga a li miilonga moNational Council chambers. Okwa hulitha lwanima moshipangelo mOvenduka.
Omatumwalaka gomahekeleko otaga zilile koombinga noombinga. Mayola gwondoolopa yaMbaye, Immanuel Wilfred okwa popi kutya okwa haluthwa noonkondo keso lyaNghilumbwa, pethimbo a gandja omahekeleko ge.
Momushangwa ngoka gwa pitithwa kEwawa lyoSwapo Party Youth League (SPYL), moka Nghilumbwa a li oshilyo, ogwa hololola kutya oya kanitha omumwayina, kuume oshowo omuniilonga pamwe.
Palopota yopolisi, Nghilumbwa okwa li oye awike moshiyenditho uuka ombinga yaSwakopo okuya owala lwopotundi onti - 06:00 sho a kanitha okondolola yoshiyenditho she nokwiidhenge meloli.
Okwa hulithile pehala lyoshiponga omanga omuhingi gwololi omunamimvo 29 opamwe nomuyambidhidhi gwe inaya ehamekwa.
“Nakusa okwa kanitha okondolola yoshiyenditho she nokwiidhenge mololi yoScania (N22761WB) kombinga yokolulyo komeho. Ololi oyali tayi zilile ombinga yaSwakopo. Ohauto oya hanagulwapo ayihe nanakusa okwa hulithile pehala lyoshiponga,” Omupeha komufala Erastus Iikuyu a popi.
Oshiyetithi shoshiponga inashi monika natango.
Nghilumbwa, okwa ningi kansela momvula yo 2015 na okwa longa onga omunashipundi gwoWalvis Bay management committee okuza momvula yo 2017, ihe okwa pingenwa po momwedhi Desemba gwomvula ya piti.
Okwa li woo omupeha omunashipundi momina yaHusab Mine, oshowo omupopiliko gwoSPYL moshitopolwa shErongo.
Taku dhimbulukiwa Kuushomwa
Omunashipundi gwoNational Council, Margaret Mensah-Williams okwa hokolola nakusa Kuushomwa, kutya okwa li omuniilonga omwiinekelwa oshowo omukondjelimaguluko.
“Tatu lili omuniilonga pamwe natse, komrade oshowo kuume ketu. Pitikenindje pehala lyandje mwene oshowo lyaayehe mOpaliamende opo ndi gandje omahekeleko kofamili ye kookomrade nookume,” Mensah-Williams a popi.
Kuushomwa okwa li omukwiita gwoPLAN. Okwa longa uule wethimbo onga kansela oshitopolwa shaShana na okwa longa woo onga omunashipundi gwelelo. -Olopota yagwedhwa po koNampa oshowo Erwin Leuschner.
OMUTOOLINKUNDANA GWOMENI
Comments
Namibian Sun
No comments have been left on this article