Ondonga ya ulike aakwaniilwa yaali
Onkalo yeuliko lyomuleli gwaNdonga oya dhigupala ngashiingeyi nokuhalutha oyendji, sho oshitunda shoka sha langeleke aakwaniilwa yaali mOsoondaha.
Oshitunda shoka osha kala kashi na omuleli sha landula sho Omukwaniilwa Immanuel Kauluma Elifas, ngoka a lela oshilongo shoka uule woomvula odhindji a hulitha momasiku 26 gaMaalitsa. Elifas okwa fumbikwa mOlukonda mOlyomakaya.
Ongula yOsoondaha Fillemon Shuumbwa Nangolo okwa langekwa onga omukwaniilwa omupe gwoshitunda shoka,sha ningilwa pegumbo lye mOnambango omanga ofamili yaakwaniikwa ya holola kutya Eino Konis Kalenga oye omukwaniilwa gwawo sha ningilwa ponkulumbala mOnamungundo.
Shoka inashi yela natango ngele ondjokonona yoshitunda shoka otayi endululwa ngaashi sha ningwa nale monakuziwa, sho oshilongo shoka sha Ii shi na aakwaniilwa yali, pokati komvula yo 1884-1908.
Ayehe Nangolo oshowo Kalenga aaniilonga yetanga lyegameno lyaNamibia.
Nangolo okwa hogololwa kOmukwanilwa Elifas momvula yo 2002, ihe oshitopolwa shimwe shAawa osha kala inashi nyanyukilwa etokolo ndyoka uule woomvula dha piti.
Mwaashoka tashi halutha, Konis Kalenga okwa ulikwa onga omukwaniilwa kongundu yaamboka taya longele pamwe nofamili yopopepi nomukwaaniilwa Elifas.
Kalenga, ngoka ina tseyika naana koyendji okwa ndopa pamwe namwene gwomukunda, Oscar Sheehama, mOmpangu yoPombanda oshiwike sha piti, moka yali taya pula opo ompangu yi indike Nangolo a pewe oshipundi shuukwaniilwa.
Eindilo ndyoka olya kuthwa mo momusholondondo gwompangu netompelo kutya inali endelela.
Pahapu dhagumwe gwomaakuluntu mezimo lyAakwaniilwa yaNdonga, Selma Gwanandjokwe Sheyavali, okwa popi kutya Kalenga okwa ulikwa kwa landula omidhigululwakalo noompango dhaNdonga.
Ngoka ta longo pehala lyomunashipundi gwelelo lyaNdonga, kombinga yaNangolo, Vilho Kamanya okwa lombwele oNamibian Sun kutya sha landula etokolo lyompangu kape na shoka tashi ya yi moshipala opo ya ulike Nangolo onga omukwaniilwa gwawo.
“Kape na shoka tashi tu indike opo tu langeke Nangolo onga omukwaniilwa omupe gwaNdonga. Otwa nyanyukwa nokuli kutya opwa li oonkambadhala dhokuya moshipala elangeko lye sho ya yi kompangu. Oonkambadhala dhawo odha yelitha kutya Nangolo oye omuulikwa,” Kamanya a popi.
Kamanya okwa popi kutya oya manitha niinyangadhalwa yopamuthigululwakalo naashoka sha thigalako iinyaangadhalwa owala yopailonga na otaya ka tseyithilwa oshigwana kombinga yeganithilo lyoshipundi omukwaniilwa. Okwa popi kutya Nangolo oye mu pewa kOmukwaniilwa Elifas.
Sheyavali okwa popi kutya iilyo yezimo lyaakwaniilwa ngaashi tashi hololwa moompango dhoshilongo shoka oya gongala nokuulika omulanduli gwOmukwaniilwa Kauluma Immanuel Elifas.
Sha landula omitumba ndhoka ezimo olya tsukumwe opo li ulike Kalenga omunamimvo 55, onga omulanduli gwomukwaniilwa kwiikwatelelwa komilandu dhelelo lyaNdonga oshowo kwiikwatelelwa kontopolwa onti 5.1A yOmpango dhOmalelo goPamuthigululwakalo, ompango onti 25 yomomvula yo 2002.
Sheyavali okwa popi kutya Kalenga omutekulu gwomukwaiilwa Elifas, nopampango yopamuthigulwakalo oye omuulikwa e li mondjila.
Nangolo okwa hogololwa komukwaniilwa elifas momvula yo 2012 onga omulanduli gwe, na okwa shangele kominista yomalelo giitopolwa pethimbo ndyoka. Okwa koleke natango ehogololo lye momvula yo 2012.
ILENI NANJDATO
Ongula yOsoondaha Fillemon Shuumbwa Nangolo okwa langekwa onga omukwaniilwa omupe gwoshitunda shoka,sha ningilwa pegumbo lye mOnambango omanga ofamili yaakwaniikwa ya holola kutya Eino Konis Kalenga oye omukwaniilwa gwawo sha ningilwa ponkulumbala mOnamungundo.
Shoka inashi yela natango ngele ondjokonona yoshitunda shoka otayi endululwa ngaashi sha ningwa nale monakuziwa, sho oshilongo shoka sha Ii shi na aakwaniilwa yali, pokati komvula yo 1884-1908.
Ayehe Nangolo oshowo Kalenga aaniilonga yetanga lyegameno lyaNamibia.
Nangolo okwa hogololwa kOmukwanilwa Elifas momvula yo 2002, ihe oshitopolwa shimwe shAawa osha kala inashi nyanyukilwa etokolo ndyoka uule woomvula dha piti.
Mwaashoka tashi halutha, Konis Kalenga okwa ulikwa onga omukwaniilwa kongundu yaamboka taya longele pamwe nofamili yopopepi nomukwaaniilwa Elifas.
Kalenga, ngoka ina tseyika naana koyendji okwa ndopa pamwe namwene gwomukunda, Oscar Sheehama, mOmpangu yoPombanda oshiwike sha piti, moka yali taya pula opo ompangu yi indike Nangolo a pewe oshipundi shuukwaniilwa.
Eindilo ndyoka olya kuthwa mo momusholondondo gwompangu netompelo kutya inali endelela.
Pahapu dhagumwe gwomaakuluntu mezimo lyAakwaniilwa yaNdonga, Selma Gwanandjokwe Sheyavali, okwa popi kutya Kalenga okwa ulikwa kwa landula omidhigululwakalo noompango dhaNdonga.
Ngoka ta longo pehala lyomunashipundi gwelelo lyaNdonga, kombinga yaNangolo, Vilho Kamanya okwa lombwele oNamibian Sun kutya sha landula etokolo lyompangu kape na shoka tashi ya yi moshipala opo ya ulike Nangolo onga omukwaniilwa gwawo.
“Kape na shoka tashi tu indike opo tu langeke Nangolo onga omukwaniilwa omupe gwaNdonga. Otwa nyanyukwa nokuli kutya opwa li oonkambadhala dhokuya moshipala elangeko lye sho ya yi kompangu. Oonkambadhala dhawo odha yelitha kutya Nangolo oye omuulikwa,” Kamanya a popi.
Kamanya okwa popi kutya oya manitha niinyangadhalwa yopamuthigululwakalo naashoka sha thigalako iinyaangadhalwa owala yopailonga na otaya ka tseyithilwa oshigwana kombinga yeganithilo lyoshipundi omukwaniilwa. Okwa popi kutya Nangolo oye mu pewa kOmukwaniilwa Elifas.
Sheyavali okwa popi kutya iilyo yezimo lyaakwaniilwa ngaashi tashi hololwa moompango dhoshilongo shoka oya gongala nokuulika omulanduli gwOmukwaniilwa Kauluma Immanuel Elifas.
Sha landula omitumba ndhoka ezimo olya tsukumwe opo li ulike Kalenga omunamimvo 55, onga omulanduli gwomukwaniilwa kwiikwatelelwa komilandu dhelelo lyaNdonga oshowo kwiikwatelelwa kontopolwa onti 5.1A yOmpango dhOmalelo goPamuthigululwakalo, ompango onti 25 yomomvula yo 2002.
Sheyavali okwa popi kutya Kalenga omutekulu gwomukwaiilwa Elifas, nopampango yopamuthigulwakalo oye omuulikwa e li mondjila.
Nangolo okwa hogololwa komukwaniilwa elifas momvula yo 2012 onga omulanduli gwe, na okwa shangele kominista yomalelo giitopolwa pethimbo ndyoka. Okwa koleke natango ehogololo lye momvula yo 2012.
ILENI NANJDATO
Comments
Namibian Sun
No comments have been left on this article