Omupresidende otaka gandja ooN$20 000 kaathigona kehe omwedhi
Omupopiliko gwomupresidende , Albertus Aochamub okwa holola kutya Omupresidende Hage Geingob otaka gandja komwedhi oshimaliwa shooN$20 000 koohepele.
Shoka otashi ulike kutya otashi vulika Omupresidende ha mono shi vulithe pondjambi yooN$100 000 komwedhi, ihe hangaashi shali sha lopotwa kiikundaneki omathimbo ga piti. Omvula ya piti, pethimbo lyoshigongi shoSwapo, Geingob okwa uvaneke kutya otaka gandja oopresenda 20, dhondjambi ye kaathigona omolwa oonkambadhala dhokukondjitha oluhepo.
Nonando ongaaka, mOmaandaha sho kwa tulwa miilonga omahwahwameko goHage Geingob Winter Drive moKatutura, Aochamub okwa yelitha kutya omagano agehe ngoka ga gandja oga za mondjato yoomupresidende, ngoka a pyakudhukwa okugandja oshimaliwa shooN$20 000 kehe omwedhi.
One Economy Foundation, ndjoka yi li oshiyetwa po shomunyekadhi gwaNamibia Monica Geingos, oyo tayi ka ungaunga niimaliwa mbyoka. Egandjo lyoshimaliwa shoka olya kwatelamo woo oshimaliwa shooN$160 000 shoka sha kalela po uule woomwedhi 8 dha piti.
Ondjambi yokomwedhi yaGeingob oshowo aanambelewa yamwe po oya kala oshikumungu uule woomwedhi dha piti, sho inaku gandjwa uuyelele koshigwana kutya ohaya mono ingapi.
Oshikundaneki shoThe Namibian osha li sha lopota kutya ondjambi yomuleli ndjoka ihayi kuthwa iishoshela, oyi vule yomupevi presidende noopresenda 15, ndjoka yi vule yomuprima noopresenda 15 natango.
Takwathele aathigona
Sho kwa tulwa miilonga omahwahwameko ngoka goHage Geingob Winter Drive, Ngoloneya gwaKhomas Laura McLeod-Katjirua okwa popi kutya aantu ya thika pe-100 oya hogololwa opo ya vule okumona omauwanawa okupitila momahwahwameko ngoka gomupresidende.
Omagano ngoka ga gandjwa omwa kwatelwa iinima ngaashi omakumbatha, iizalomwa oshowo oondya.
Okwa gwedha ko kutya iikandjohogololo ya thika pu-8 oya hogololwa moshitopolwa naantu ya thika pe-100 kehe moshitopolwa otaya ka mona omauwanawa.
“Otwa hogolola aantu mboka ya hepelela, mboka ya pumbwa omakwatho unene.”
Ngoloneya okwa indile omahangano gopaumwene opo ga yambidhidhe oshiyetwapo shika, ko kugandjwe omakwatho kaakwashigwana.
Aochamub okwa popi wo kutya etata lyiimaliwa mbyoka tayi gandjwa kuGeingob otali ka ya koprogramma yoTalented Individual Programme (TIP), naanaskola dhingi otaya ka mona epapa lyoHage Geingob Endowment Award.
Onga omukalo gwokuyelithila oshigwana, One Economy Foundation otayi ka kala tayi nyanyangitha omikanda dhopashigwana dhelongitho lyiimaliwa mbyoka.
OMUTOOLINKUNDANA GWOMENI
Shoka otashi ulike kutya otashi vulika Omupresidende ha mono shi vulithe pondjambi yooN$100 000 komwedhi, ihe hangaashi shali sha lopotwa kiikundaneki omathimbo ga piti. Omvula ya piti, pethimbo lyoshigongi shoSwapo, Geingob okwa uvaneke kutya otaka gandja oopresenda 20, dhondjambi ye kaathigona omolwa oonkambadhala dhokukondjitha oluhepo.
Nonando ongaaka, mOmaandaha sho kwa tulwa miilonga omahwahwameko goHage Geingob Winter Drive moKatutura, Aochamub okwa yelitha kutya omagano agehe ngoka ga gandja oga za mondjato yoomupresidende, ngoka a pyakudhukwa okugandja oshimaliwa shooN$20 000 kehe omwedhi.
One Economy Foundation, ndjoka yi li oshiyetwa po shomunyekadhi gwaNamibia Monica Geingos, oyo tayi ka ungaunga niimaliwa mbyoka. Egandjo lyoshimaliwa shoka olya kwatelamo woo oshimaliwa shooN$160 000 shoka sha kalela po uule woomwedhi 8 dha piti.
Ondjambi yokomwedhi yaGeingob oshowo aanambelewa yamwe po oya kala oshikumungu uule woomwedhi dha piti, sho inaku gandjwa uuyelele koshigwana kutya ohaya mono ingapi.
Oshikundaneki shoThe Namibian osha li sha lopota kutya ondjambi yomuleli ndjoka ihayi kuthwa iishoshela, oyi vule yomupevi presidende noopresenda 15, ndjoka yi vule yomuprima noopresenda 15 natango.
Takwathele aathigona
Sho kwa tulwa miilonga omahwahwameko ngoka goHage Geingob Winter Drive, Ngoloneya gwaKhomas Laura McLeod-Katjirua okwa popi kutya aantu ya thika pe-100 oya hogololwa opo ya vule okumona omauwanawa okupitila momahwahwameko ngoka gomupresidende.
Omagano ngoka ga gandjwa omwa kwatelwa iinima ngaashi omakumbatha, iizalomwa oshowo oondya.
Okwa gwedha ko kutya iikandjohogololo ya thika pu-8 oya hogololwa moshitopolwa naantu ya thika pe-100 kehe moshitopolwa otaya ka mona omauwanawa.
“Otwa hogolola aantu mboka ya hepelela, mboka ya pumbwa omakwatho unene.”
Ngoloneya okwa indile omahangano gopaumwene opo ga yambidhidhe oshiyetwapo shika, ko kugandjwe omakwatho kaakwashigwana.
Aochamub okwa popi wo kutya etata lyiimaliwa mbyoka tayi gandjwa kuGeingob otali ka ya koprogramma yoTalented Individual Programme (TIP), naanaskola dhingi otaya ka mona epapa lyoHage Geingob Endowment Award.
Onga omukalo gwokuyelithila oshigwana, One Economy Foundation otayi ka kala tayi nyanyangitha omikanda dhopashigwana dhelongitho lyiimaliwa mbyoka.
OMUTOOLINKUNDANA GWOMENI
Comments
Namibian Sun
No comments have been left on this article