Omunyekadhi a yelitha olweendo lwofamili
Omunyekadhi gwaNamibia okwa ekelehi omapopyo ga ningwa komapandja gomakwatathano gointernet kutya , ye pamwe nofamili ye oya longitha iimaliwa yoshigwana okuya kefudho koNew York.
Omunyekadhi Monica Geingos, okwa yelitha kutya ofamili ye inaya ya pamwe naye koNew York kokatekete kepangelo, ngaashi tashi popiwa.
Opwa holola omapopyo ngoka itaga kolekwa kutya Geingos okwa yi pamwe nomusamane gwe Hage Geingob koNew York, hoka ku na omutumba gwIigwana yaHangana guli metifa, pamwe naavali ye aamwayina naanona.
Momukanda guule womapandja gatatu, ngoka gwa pitithwa mEtitatu, Geingos okwa tindi omapopyo ngoka nokugeekelahi kutya aavali ye inaya ya pamwe naye koNew York Okwa zimine kutya omumwayinakadhona ngoka omushona okwa yi koUS pethimbo lyafaathana ihe okwa yi nolweendo lwopaumwene. Okwa popi kutya omumwayina gumwe naye okuli moUS ihe okwa yi nomugandji gwe gwiilonga pashinyangadhalwa shi na sha nomutumba ngoka gu li metifa ihe inaku longithwa iimaliwa yoshigwana. Geingos okwa popi kutya omwamati naye okuli moUS ihe olweendo lwe olwa futwa paumwene.
Okwa popi kutya okwa pula omwana a ye pamwe opo ya vule okukala pamwe molwaashoka olundji okuli koskola na ihaya mono ethimbo lyokukala pamwe.
Omunyekadhi okwa nyana onkalo yokukwatelamo oofamili dhaantu momapopyo gaahena uukwashili, na pula esimaneko lyonkalamwenyo yopaumwene oshowo aavali yaantu. Geingos ngoka a holola kepandja lye lyoTwitter kutya oku na uumbangi wuumbaapila womafutilo golweendo lwofamili ye ndjoka, okwa popi kutya okwa pyakudhukwa okuulika omafutilo ngoka ngele osha pumbiwa.
“Otashi ehameke okumona aavali yandje taya kwatelwa miinima yoludhi ndoka. Ngele aavali yandje oyali ya futilwa olweendo nefudho okuya koUS kepangelo nena shoka oshi li oshinakugwanithwa shoshokundaneki kehe. Aavali yandje kaye li moNew York naatoolinkundana mboka ya uvithwako kuNatasha Tibinyane kutya aavali yandje oye li moNew York, oya fundjwa.”
Omapopyo ngoka oga holola konima sho, Omukomeho gwoMedia Institute of Southern Africa (Misa) Natasha Tibinyane a pula opo a pewe omayamukulo kuGeingos oshowo kombelewa yomupresidende.
Shoka osha landula ethano lyomumwayinakadhona gwaGeingos, ndyoka a tula koTwitter taa popi kutya ota tyapula ongulohi moshilando shaNew York.
“Ngele ope na ethimbo ndyoka twa pumbwa okulonga pauyuuki nuutolinkundana woshili, nena ethimbo ndyoka olya thikana molwaashoka omapandja yomakwatathano gopainternet oga ninga omahala gokulongela iimbuluma yokutota omitoto nokulundila aantu. Onda pandula kutya aatoolinkundana mboka ya kambadhala okukonga uuyelele kungame oye shi ningi nesimaneko sho momahokololo moka mwa tulwa aakuluntu naanona, ihe oshi li ooshoka kutya, omapulo gawo oga holoka po sha landula iipopiwa niinima yokomapandja gomakwatathano gopainternet,” Geingos a yamukula.
JEMIMA BEUKES
Opwa holola omapopyo ngoka itaga kolekwa kutya Geingos okwa yi pamwe nomusamane gwe Hage Geingob koNew York, hoka ku na omutumba gwIigwana yaHangana guli metifa, pamwe naavali ye aamwayina naanona.
Momukanda guule womapandja gatatu, ngoka gwa pitithwa mEtitatu, Geingos okwa tindi omapopyo ngoka nokugeekelahi kutya aavali ye inaya ya pamwe naye koNew York Okwa zimine kutya omumwayinakadhona ngoka omushona okwa yi koUS pethimbo lyafaathana ihe okwa yi nolweendo lwopaumwene. Okwa popi kutya omumwayina gumwe naye okuli moUS ihe okwa yi nomugandji gwe gwiilonga pashinyangadhalwa shi na sha nomutumba ngoka gu li metifa ihe inaku longithwa iimaliwa yoshigwana. Geingos okwa popi kutya omwamati naye okuli moUS ihe olweendo lwe olwa futwa paumwene.
Okwa popi kutya okwa pula omwana a ye pamwe opo ya vule okukala pamwe molwaashoka olundji okuli koskola na ihaya mono ethimbo lyokukala pamwe.
Omunyekadhi okwa nyana onkalo yokukwatelamo oofamili dhaantu momapopyo gaahena uukwashili, na pula esimaneko lyonkalamwenyo yopaumwene oshowo aavali yaantu. Geingos ngoka a holola kepandja lye lyoTwitter kutya oku na uumbangi wuumbaapila womafutilo golweendo lwofamili ye ndjoka, okwa popi kutya okwa pyakudhukwa okuulika omafutilo ngoka ngele osha pumbiwa.
“Otashi ehameke okumona aavali yandje taya kwatelwa miinima yoludhi ndoka. Ngele aavali yandje oyali ya futilwa olweendo nefudho okuya koUS kepangelo nena shoka oshi li oshinakugwanithwa shoshokundaneki kehe. Aavali yandje kaye li moNew York naatoolinkundana mboka ya uvithwako kuNatasha Tibinyane kutya aavali yandje oye li moNew York, oya fundjwa.”
Omapopyo ngoka oga holola konima sho, Omukomeho gwoMedia Institute of Southern Africa (Misa) Natasha Tibinyane a pula opo a pewe omayamukulo kuGeingos oshowo kombelewa yomupresidende.
Shoka osha landula ethano lyomumwayinakadhona gwaGeingos, ndyoka a tula koTwitter taa popi kutya ota tyapula ongulohi moshilando shaNew York.
“Ngele ope na ethimbo ndyoka twa pumbwa okulonga pauyuuki nuutolinkundana woshili, nena ethimbo ndyoka olya thikana molwaashoka omapandja yomakwatathano gopainternet oga ninga omahala gokulongela iimbuluma yokutota omitoto nokulundila aantu. Onda pandula kutya aatoolinkundana mboka ya kambadhala okukonga uuyelele kungame oye shi ningi nesimaneko sho momahokololo moka mwa tulwa aakuluntu naanona, ihe oshi li ooshoka kutya, omapulo gawo oga holoka po sha landula iipopiwa niinima yokomapandja gomakwatathano gopainternet,” Geingos a yamukula.
JEMIMA BEUKES
Comments
Namibian Sun
No comments have been left on this article