Omuniilonga gwaUnam otaka pangulwa
16 July 2019 | Justice
Oshipotha moka omundungiki moshiputudhilo shoUniversity of Namibia (Unam) a yaha nokweehameka aamwayinathanamati yaali sha ningilwa moRundu, omwedhi Desemba otashi ka pulakenwa muSepetemba.
Nelson Antonio, 44, ngoka omuniilonga gwaUnam moRundu okwa holoka komeho yomupanguli Victor Nyazo momasiku ga 4 Juli noshipotha shoka osha undulilwa komasiku 26 gaSepetemba opo omukalelio gwaAntonio a vule okukala mompangu ko ku tokolwe kesiku lyoshipotha tashi pulakenwa mompangu.
Antonio okwa lombwele ompangu kutya ita vulu okukonga omukalelipo gwopaumwene omolwa ompumbwe yiimaliwa. Namibian Sun okwa li a lopota kutya oshipotha shoka oshuundulilwa kOmbelewa yOmupanguli-Ndjai opo a ninge etokolo.
Omupanguli-Ndjai okwa tokola kutya Antonio na pangulwe.
Omulumentu ngoka ota tamanekelwa iipotha iiyali yonkambadhala yedhipago nokukutha mo ondjembo pehala lyaayehe sho uumbu ondjembo nokweehameka Moses oshowo Gerson Batista, aanamimvo 25 sha ningwa momasiku ga 3 gaDesemba molukanda Kehemu moRundu.
Mboka yaali anuwa aakwanezimo yomukadhona nale gwaAntonio na oyali taya hingi ohauto yomukadhona ngoka pethimbo lyoshiningwanima shoka.
Antonio okuli pondje yondholongo koshimaliwa shooN$10 000.00.
Antonio okwa li a tindilwa omboloha kuMangestrata Hellen Olaiya pethimbo a holoka mompangu oshikando shotango momasiku 21 Desemba gwo 2018.
Nonando ongaaka okwa ningi eindilo mOmpangulilo yoPombanda yaVenduka, namangestrata Sonia Samupofu okwe mu pe omboloha.
Okwa popi kutya okwa li tiipopile. Okwa gandja uumbangi kutya okwa li a kuutumba mohauto ye sho aalumentu yatatu mwa kwatelwa oonakuninga iihakanwa yaali ye ya pohauto ye nokutameka okumu dhenga. Okwa popi kutya okwa umbu tango mombanda ihe kwa thiminikwa uumbe oonakuninga iihakanwa sho gumwe a li tayi kohauto a ka tale ekatana.
Antonio okwa popi kutya oku na aanona omulongo, na yatato oye ha kala nayo onkene okwa pumbwa a ke ya sile oshisho.
Epangelo olya li lya tindi nokupataneka omboloha netompelo kutya oshipotha shoka oshinene, naAntonio otashi vulika a ye moshipala omakonaakono.
Emma Mayavero oye e lilepo epangelo moshipotha omanga Boris Isaacs a kalelepo Antonio.
KENYA KAMBOWE
Nelson Antonio, 44, ngoka omuniilonga gwaUnam moRundu okwa holoka komeho yomupanguli Victor Nyazo momasiku ga 4 Juli noshipotha shoka osha undulilwa komasiku 26 gaSepetemba opo omukalelio gwaAntonio a vule okukala mompangu ko ku tokolwe kesiku lyoshipotha tashi pulakenwa mompangu.
Antonio okwa lombwele ompangu kutya ita vulu okukonga omukalelipo gwopaumwene omolwa ompumbwe yiimaliwa. Namibian Sun okwa li a lopota kutya oshipotha shoka oshuundulilwa kOmbelewa yOmupanguli-Ndjai opo a ninge etokolo.
Omupanguli-Ndjai okwa tokola kutya Antonio na pangulwe.
Omulumentu ngoka ota tamanekelwa iipotha iiyali yonkambadhala yedhipago nokukutha mo ondjembo pehala lyaayehe sho uumbu ondjembo nokweehameka Moses oshowo Gerson Batista, aanamimvo 25 sha ningwa momasiku ga 3 gaDesemba molukanda Kehemu moRundu.
Mboka yaali anuwa aakwanezimo yomukadhona nale gwaAntonio na oyali taya hingi ohauto yomukadhona ngoka pethimbo lyoshiningwanima shoka.
Antonio okuli pondje yondholongo koshimaliwa shooN$10 000.00.
Antonio okwa li a tindilwa omboloha kuMangestrata Hellen Olaiya pethimbo a holoka mompangu oshikando shotango momasiku 21 Desemba gwo 2018.
Nonando ongaaka okwa ningi eindilo mOmpangulilo yoPombanda yaVenduka, namangestrata Sonia Samupofu okwe mu pe omboloha.
Okwa popi kutya okwa li tiipopile. Okwa gandja uumbangi kutya okwa li a kuutumba mohauto ye sho aalumentu yatatu mwa kwatelwa oonakuninga iihakanwa yaali ye ya pohauto ye nokutameka okumu dhenga. Okwa popi kutya okwa umbu tango mombanda ihe kwa thiminikwa uumbe oonakuninga iihakanwa sho gumwe a li tayi kohauto a ka tale ekatana.
Antonio okwa popi kutya oku na aanona omulongo, na yatato oye ha kala nayo onkene okwa pumbwa a ke ya sile oshisho.
Epangelo olya li lya tindi nokupataneka omboloha netompelo kutya oshipotha shoka oshinene, naAntonio otashi vulika a ye moshipala omakonaakono.
Emma Mayavero oye e lilepo epangelo moshipotha omanga Boris Isaacs a kalelepo Antonio.
KENYA KAMBOWE
Classifieds