Omunaskola a monika ondjo moshipotha sheponokelo lyahe
Ompangu yamangestrata gwaShakati oshiwike shika oya hanganitha omunamimvo 19 omunaskola pamwe nahe omunamimvo 70, konima sho omukokele ngoka a tulilemo omona oshipotha.
Ompangu oya ningi ombangi sho Ismael Amupolo Samuel omunaskola gwomondondo onti-9 ngoka a tulilwe miipandeko momasiku 17 gaApilili, ta gandja ombili kuhe Ekonia Samuel ngoka a ponokelele nekende lya tatuka megumbo lyawo momukunda Okatha-kiingondjo moshitopolwa shaShana momasiku 16 gaApilili.
Magistrata Vivian Ndlovu okwa mono Samuel ondjo moshipotha shiimbuluma yomahepekathano go momagumbo mokuponokela he nelalakano lyokumweehameka.
Ndlovu okwa gandja lyokukala mondholongo uule woomwedhi hamano ndyoka lya kuthwa po konima sho a zimine ondjo moshipotha she.
Egeelo lye olya kuthwa po uule woomvula ndatu inuuvikilasha shafaathana naashoka.
“Ngoye omunaskola naasho wa tulwa miipandeko momasiku 17 gaApilili owa faula omakonaakono goye gopokati komumvo. Kutya nee oshike sha holoka po kwa li wu na okuponokela ho ngoka oye omusilishimpwiyu goye. Owa li wa pumbwa okuya ontuku molwaashoka ita vulu okutondoka e ku kwate. Onda tegelela wu tameke okwiihumbata nawa molwaashoka omaihumbato gonawa ohaga tamekele pegumbo. Otwa tegelela ngiini wu simaneke aantu yalwe ngele ito vulu okusimaneka aavali yoye,” Ndlovu a popi.
Okwa lombwele Samuel kutya emangepo nepangulo lye oshowo sho a monika ondjo, oshi na oshilanduli oshiwinayi konkalamwenyo ye monakuyiwa.
“Okuza kesiku lyonena owa talikako onga ongangala na otashi kulandula sigo oto mana oskola. Ondjokonona ombwiinayi nuuna toka tameka okukonga iilonga otashi ka gandja ethano ewinayi, kape na omuntu taka hala okukuta miilonga ongangala. Okuza mpaka kala to dhimbulukwa aluhe iinima mbyoka tandi ku lombwele mpaka.”
He yaSamuel Ekonia okwa lombwele ompangu kutya ina tula mo oshipotha opo omona a tulwe mondjeedhililo ethimbo ele ihe okwe shi ningi onga omukalo gwokumulondodha. Okwa popi kutya omona okwa li tiihumbata nayi naasho a kambadhala okumu ganda okwa kutha ekende te li tatula e te mu dhenge nalyo.
“Ondi uvite nayi molwaashoka omumwandje mwene okwa kanitha esimaneko nasho nda hala okumuganda okwa ponokelendje. Onda taamba ombili ye na onda tegelela a ye kegumbo nokukala tiihumbata nawa,” Ekonia a popi.
Samuel okwiikalelepo ye mwene moshipotha omanga Michelle Jagger a kalele po epangelo.
ILENI NANDJATO
Ompangu oya ningi ombangi sho Ismael Amupolo Samuel omunaskola gwomondondo onti-9 ngoka a tulilwe miipandeko momasiku 17 gaApilili, ta gandja ombili kuhe Ekonia Samuel ngoka a ponokelele nekende lya tatuka megumbo lyawo momukunda Okatha-kiingondjo moshitopolwa shaShana momasiku 16 gaApilili.
Magistrata Vivian Ndlovu okwa mono Samuel ondjo moshipotha shiimbuluma yomahepekathano go momagumbo mokuponokela he nelalakano lyokumweehameka.
Ndlovu okwa gandja lyokukala mondholongo uule woomwedhi hamano ndyoka lya kuthwa po konima sho a zimine ondjo moshipotha she.
Egeelo lye olya kuthwa po uule woomvula ndatu inuuvikilasha shafaathana naashoka.
“Ngoye omunaskola naasho wa tulwa miipandeko momasiku 17 gaApilili owa faula omakonaakono goye gopokati komumvo. Kutya nee oshike sha holoka po kwa li wu na okuponokela ho ngoka oye omusilishimpwiyu goye. Owa li wa pumbwa okuya ontuku molwaashoka ita vulu okutondoka e ku kwate. Onda tegelela wu tameke okwiihumbata nawa molwaashoka omaihumbato gonawa ohaga tamekele pegumbo. Otwa tegelela ngiini wu simaneke aantu yalwe ngele ito vulu okusimaneka aavali yoye,” Ndlovu a popi.
Okwa lombwele Samuel kutya emangepo nepangulo lye oshowo sho a monika ondjo, oshi na oshilanduli oshiwinayi konkalamwenyo ye monakuyiwa.
“Okuza kesiku lyonena owa talikako onga ongangala na otashi kulandula sigo oto mana oskola. Ondjokonona ombwiinayi nuuna toka tameka okukonga iilonga otashi ka gandja ethano ewinayi, kape na omuntu taka hala okukuta miilonga ongangala. Okuza mpaka kala to dhimbulukwa aluhe iinima mbyoka tandi ku lombwele mpaka.”
He yaSamuel Ekonia okwa lombwele ompangu kutya ina tula mo oshipotha opo omona a tulwe mondjeedhililo ethimbo ele ihe okwe shi ningi onga omukalo gwokumulondodha. Okwa popi kutya omona okwa li tiihumbata nayi naasho a kambadhala okumu ganda okwa kutha ekende te li tatula e te mu dhenge nalyo.
“Ondi uvite nayi molwaashoka omumwandje mwene okwa kanitha esimaneko nasho nda hala okumuganda okwa ponokelendje. Onda taamba ombili ye na onda tegelela a ye kegumbo nokukala tiihumbata nawa,” Ekonia a popi.
Samuel okwiikalelepo ye mwene moshipotha omanga Michelle Jagger a kalele po epangelo.
ILENI NANDJATO
Comments
Namibian Sun
No comments have been left on this article