Omulilo gwa hanagulapo oombashu 13 mOmbaye
Omulilo ngoka ga tukuka momudhingoloko gwaKuisebmond mOlyomakaya ogwa thigi aanona yahetatu ka ye na omizalo dhoskola oshowo omambo, sho omulilo gwa hanagulapo oombashu dha thika po-13, konima owala yegumbo lyamayola gwondoolopa.
Aantu ya thika po-30 oya gumwa koshiponga shoka, na otaya fekele kutya omulilo ogwa etithwa kumushiinda ngoka a thigi ombiga kesiga kayi na omutonateli.
“Kandi shi kutya otandi ningi ngiini molwaashoka kandi na iimaliwa yokulanda omuzalo gwoskola gumwe,” Riana Awases, 31, a lombwele oNampa, omolwa omizalo dhuunona we uwali wuukadhona dhoka dha hanagulwapo komulilo.
Omuvali gumwe, omunamimvo 38 Rachel Motabe, okwa gu kombanda yombashu ye nokweehama mongolo, sho a li ta kambadhala okudhima omulilo.
“Kanda li tandi vulu okukala nda takalo nda mwena omanga omulilo tagu hanagulapo omaliko getu,” Motabe ngoka e li komampango a popi.
Mayola gwaMbaye, Immanuel Wilfred okwa adhika ta ulike uukwawo wanankali naashiinda she mboka ya kanitha omagumbo gawo. Okwa popi kutya ookadhima mulilo oya longo nuudhigu okudhima omulilo ngoka molwaashoka ogwa taandelele meendelelo.
Wilfred okwa popi kutya elele lyondoolopa olya mona ekanitho lyaakwashigwana na otali ka kambadhala okuya kwatha.
Okwa popi kutya okwa pula ehangano lyErongo Regional Electricity Distributor li yambidhidhe mokulanda omizalo dhoskola na okwa popi kutya oye na woo oondya ooshona dhoka ya gongele okuza maanangeshefa.
Wilfred okwa popi kutya okwaahena evi omukundu omunene gwa talela aakwashigwana kondoolopa ndjoka yokomunkulofuta na uupyakadhi womililo otawu vulu owala okukandulwa po uuna aantu ya mono omagumbo gomakuma.
Okwa tsikile kutya elelo lyondoolpa olya li tali pangele okutululula aantu ya thika po-50 000 mofaalama 37 mOmbaye popepi noDune 7 ihe eindilo lyawo olya tindwa koNamibia Planning Advisory Board (Nampab).
Elelo ndyoka lyoNampab olya ulikwa kominista yeyambulepo lyoondoolopa niitopolwa na oli na oshinakugwanithwa shokukwatela komeho oompangela dhoondoolopa momalelo agehe goondoolopa.
Wilfred okwa popi kutya elelo ngashiingeyi olya ninga eindilo lyofaalama 33 na olya tegelela eyamukulo.
NAMPA
Aantu ya thika po-30 oya gumwa koshiponga shoka, na otaya fekele kutya omulilo ogwa etithwa kumushiinda ngoka a thigi ombiga kesiga kayi na omutonateli.
“Kandi shi kutya otandi ningi ngiini molwaashoka kandi na iimaliwa yokulanda omuzalo gwoskola gumwe,” Riana Awases, 31, a lombwele oNampa, omolwa omizalo dhuunona we uwali wuukadhona dhoka dha hanagulwapo komulilo.
Omuvali gumwe, omunamimvo 38 Rachel Motabe, okwa gu kombanda yombashu ye nokweehama mongolo, sho a li ta kambadhala okudhima omulilo.
“Kanda li tandi vulu okukala nda takalo nda mwena omanga omulilo tagu hanagulapo omaliko getu,” Motabe ngoka e li komampango a popi.
Mayola gwaMbaye, Immanuel Wilfred okwa adhika ta ulike uukwawo wanankali naashiinda she mboka ya kanitha omagumbo gawo. Okwa popi kutya ookadhima mulilo oya longo nuudhigu okudhima omulilo ngoka molwaashoka ogwa taandelele meendelelo.
Wilfred okwa popi kutya elele lyondoolopa olya mona ekanitho lyaakwashigwana na otali ka kambadhala okuya kwatha.
Okwa popi kutya okwa pula ehangano lyErongo Regional Electricity Distributor li yambidhidhe mokulanda omizalo dhoskola na okwa popi kutya oye na woo oondya ooshona dhoka ya gongele okuza maanangeshefa.
Wilfred okwa popi kutya okwaahena evi omukundu omunene gwa talela aakwashigwana kondoolopa ndjoka yokomunkulofuta na uupyakadhi womililo otawu vulu owala okukandulwa po uuna aantu ya mono omagumbo gomakuma.
Okwa tsikile kutya elelo lyondoolpa olya li tali pangele okutululula aantu ya thika po-50 000 mofaalama 37 mOmbaye popepi noDune 7 ihe eindilo lyawo olya tindwa koNamibia Planning Advisory Board (Nampab).
Elelo ndyoka lyoNampab olya ulikwa kominista yeyambulepo lyoondoolopa niitopolwa na oli na oshinakugwanithwa shokukwatela komeho oompangela dhoondoolopa momalelo agehe goondoolopa.
Wilfred okwa popi kutya elelo ngashiingeyi olya ninga eindilo lyofaalama 33 na olya tegelela eyamukulo.
NAMPA
Comments
Namibian Sun
No comments have been left on this article