Omulandu gwiilonga tagu ka talululwa
Oopresenda owala 20, dhaakongi yiilonga ye li 15 569 mboka ya shangithwa noNamibia Integrated Employment Information System (NIEIS) moshikako shomvula yo2017/18 ya mono iilonga.
Uuyelele mboka wa pitithwa kOminista yIilonga, Erkki Nghimtina owa hololwa kutya aantu owala 3 116 yomongundu ndjoka ya mono iilonga.
Minista okwa popi ngaaka pethimbo, a popile omutengenekwathaneko giimaliwa mbyoka ya pewa uuministeli mboka moshikako shokomumvo shonuumvo.
Nghimtina okwa popi kutya oya taaalela omashongo ogendji meshangitho nekongelo lyiilonga aakwashigwana mboka. Okwa popi kutya omashongo gamwe ongaashi eshangitho lyanuundipala lyoompito dhiilonga okuza kaagandji yoompito dhiilonga moshilongo.
Okwa tsikile kutya aantu oyendji itaya mono iilonga okupitila komaishangitho goNIEIS, ihe omokupopya owala, omakwatathano gopaumwene, okuza kaaniilonga yakwawo nenge muuyelele taya mono kuyakwawo okuza momapandanda nenge woo komakwatathano gopainternet.
Okwa popi woo kutya ompumbwe yuunongo notseyo otayi etitha egwo pevi lyeliko lyoshilongo, oshowo sho kape na owino nehalo lyokwiilonga.
Nghimtina okwa popi kutya nonando epangelo olya tula miilonga omusindalandu omuwanawa ngoka gwa nuninwa okukongela aakwashigwana oompito dhiilonga, omusindalandu ngoka itagu gandja iiyimati iiwanawa ngaashi sha tegelelwa.
“Ngele eliko itali koko opo andola li totepo oompito dhiilonga nena omukalo ngoka tagu longithwa ogwa pumbwa okutalululwa.”
Okwa popi kutya opo ku yiwe moshipala omupyadhi ngoka ya taalela omusindalandu ngoka guuministeli, nena otaya ka ninga omalunduluko moNIEIS opo ya kwashilipaleke kutya kehe oompito yiilonga ndjoka yi li po oya shangithwa nepangelo.
Okwa tsikile kutya uuministeli otawu ka tota po oprograma yelongelokumwe naKorea yuule woomvula ndatu okutameka muMei, opo kuyambulwepo omusindalandu ngoka gwoNIEIS.
Uuministei mboka owa tamekitha omapekaapeko neyambidhidho lyoInternational Labour Organisation (ILO) opo ku vule okutulwa miilonga omalolelo goNational Minimum Wage for Namibia.
Nghimtina okwa popi kutya shoka osha pumbiwa unene moNamibia, sho natango moshilongo mu na aaniilonga oyendji mboka haya futwa oondjambi dhi li pevi noonkondo okuyeleka niilonga mbyoka haya longo.
ELLANIE SMIT
Uuyelele mboka wa pitithwa kOminista yIilonga, Erkki Nghimtina owa hololwa kutya aantu owala 3 116 yomongundu ndjoka ya mono iilonga.
Minista okwa popi ngaaka pethimbo, a popile omutengenekwathaneko giimaliwa mbyoka ya pewa uuministeli mboka moshikako shokomumvo shonuumvo.
Nghimtina okwa popi kutya oya taaalela omashongo ogendji meshangitho nekongelo lyiilonga aakwashigwana mboka. Okwa popi kutya omashongo gamwe ongaashi eshangitho lyanuundipala lyoompito dhiilonga okuza kaagandji yoompito dhiilonga moshilongo.
Okwa tsikile kutya aantu oyendji itaya mono iilonga okupitila komaishangitho goNIEIS, ihe omokupopya owala, omakwatathano gopaumwene, okuza kaaniilonga yakwawo nenge muuyelele taya mono kuyakwawo okuza momapandanda nenge woo komakwatathano gopainternet.
Okwa popi woo kutya ompumbwe yuunongo notseyo otayi etitha egwo pevi lyeliko lyoshilongo, oshowo sho kape na owino nehalo lyokwiilonga.
Nghimtina okwa popi kutya nonando epangelo olya tula miilonga omusindalandu omuwanawa ngoka gwa nuninwa okukongela aakwashigwana oompito dhiilonga, omusindalandu ngoka itagu gandja iiyimati iiwanawa ngaashi sha tegelelwa.
“Ngele eliko itali koko opo andola li totepo oompito dhiilonga nena omukalo ngoka tagu longithwa ogwa pumbwa okutalululwa.”
Okwa popi kutya opo ku yiwe moshipala omupyadhi ngoka ya taalela omusindalandu ngoka guuministeli, nena otaya ka ninga omalunduluko moNIEIS opo ya kwashilipaleke kutya kehe oompito yiilonga ndjoka yi li po oya shangithwa nepangelo.
Okwa tsikile kutya uuministeli otawu ka tota po oprograma yelongelokumwe naKorea yuule woomvula ndatu okutameka muMei, opo kuyambulwepo omusindalandu ngoka gwoNIEIS.
Uuministei mboka owa tamekitha omapekaapeko neyambidhidho lyoInternational Labour Organisation (ILO) opo ku vule okutulwa miilonga omalolelo goNational Minimum Wage for Namibia.
Nghimtina okwa popi kutya shoka osha pumbiwa unene moNamibia, sho natango moshilongo mu na aaniilonga oyendji mboka haya futwa oondjambi dhi li pevi noonkondo okuyeleka niilonga mbyoka haya longo.
ELLANIE SMIT
Comments
Namibian Sun
No comments have been left on this article