Omukwaniilwa gwaNdonga ta kongo ekwatho kompangu
Omukwaniilwa gwaNdonga, Immanuel Kauluma Elifas okwa yi kompangu opo a konge ekwatho, omolwa aaleli yelelo ndyoka mboka a tidhwa miilonga taya tsikile nokukondolola iikumungu yelelo lyoshilongo shoka.
Oonakutidhwa miilonga okwa lopotwa natango taya tsikile iilonga yawo, onga ookansela melelo lyaNdonga, mwa kwatelwa okugongela iifuta yelelo ndyoka okuza moshigwana.
Elelo ndyoka okwa lopotwa li li mompumbwe yiimaliwa, sha landula sho iimaliwa ya kana melelo moka, oshowo oshigwana shoka inashi hala okugandja iifuta yawo kelelo epe ndyoka lya tulwa miilonga komukwaniilwa gwaNdongwa ihe inali tulwa miilonga pamushangwa gwopapangelo.
Aakwashigwana ohaya futu iifuta yawo kelelo lyookasnela mboka ya tidhwa miilonga tali kwatelwa komeho kuFillemon Shuumbwa Nangolo, ngoka nonando okwa kuthwa oshinakugwanitha kombala yoshilongo shoka onga omulanduli gwomukwaniilwa Elifas, natango papangelo oye omulanduli gwomukwaniilwa gwaNdonga.
Nangolo pamwe nookasnela mboka ya tidhwa miilonga ngashiingeyi otaya longele mombelewa yi li mOniipa na okwa hololwa taya yambidhidhwa kuuministeli wuuyuuki, omanga elelo epe tali longele moombelewa oonkulu dhelelo ndyoka mOluno.
Elenga enene melelo ndyoka, Naeman Amalwa, ngoka ta longo pehala lyomukwaniilwa Elifas, okwa ningi eindilo lyompangu mOmpangulilo yoPombanda ta indile opo ompangu yi indike ookansela mboka ya tidhwa miilonga ya longe iinakugwanithwa yelelo ndyoka.
Meindilo ndyoka lya ningwa omasiku 22 gaMei, Amalwa okwa popi kutya Nangolo pamwe nookansela yahamano mboka ya tidhwa miilonga otaya tsikile nokudhina etokolo lyomukwaniilwa.
Elifas okwa kutha miilonga ookanasela mboka ya longela elelo ndyoa uule nethimbo ele, ngaashi omunashipundi nale gwelelo lyaNdonga, Peter Kauluma, omupopiliko gwelelo ndyoka, Joseph Asino oshowo omalenga omanene ngaashi Walenga, Tonata Ngulu, Kashona Malulu, Joseph Akawa, Fillemon Nambili naVilho Kamanya.
Omalenga ngoka ga kuthwa miilonga natango ogeli pamushangwa gwepangeo onga aaleli melelo lyopamudhigululwakalo mOndonga.
Amalwa okwa holola kutya ye okwa ulikwa onga omukalelipo gwomukwaniilwa Elifas, ngashiingeyi.
“Otandi koleke mpaka kutya onda pewa epitiko komulwaniilwa opo ndi popye pehala lye. Pampango yelelo lyaNdonga , onda ulikwa komukwaniilwa momasiku 27 gaApilili momvula yo 2017 opo ndi ninge omuyambidhidhi gwe. Ompito ndjoka oya kala nale yaNangolo sigo osho euliko lye lwa kuthwa oonkondo. Sho omukwaniilwa a pendje oshinakugwanithwa shoka okwa tseyithile ezimo lyaakwaniilwa mOndonga, omupeha omunashipundi gwomalelo gopamudhigululwakalo gahetatu monooli yoshilongo oshowo oombelewa adhihe dhomalelo goshigwana mepangelo lyaNamibia.”
Pahapu dhaAmlwa, aanamagumbo ayehe meni lyoongamba dhelelo lyaNdonga oye na oshinakugwanithwa shokufuta iifuta yawo yomagumbo kelelo lyopamuthigululwakalo. Okwa tsikile kutya iifuta mbyoka ohayi gongelwa komuniilonga gwelelo lyopamuthigululwakalo. Elalakano lyiifuta mbyoka okukwathela miilonga yelelo yesiku kehe, mwakwatelwa okufuta oondjambi nomayambidhidho giimaliwa koonsela yelelo, oshowo iipumbiwa yesiku melelo lyoshilongo.
Okwa popi kutya iifuta mbyoka monena oyi li pooN$20 na otaya yi pumbiwa okufutwa kelelo lyoshilongo ihe ha kiilyo yelelo. Okwa popi kutya ookansela mboka ya kuthwa miilonga otaya pula oshigwana shi fute iifuta mbyoka ku yo na okwa tsikile kutya kashi li mondjila molwaashoka kaye na oonkondo dhopaveta okuninga shoka taya ningi.
Amalwa okwa tsikile kutya okwa pewa oonkondo komukwaniilwa opo a ninge eindilo lyompangu, yo ompangu yi tokole kutya aaleli nale mboka ya kuthwa miilonga inaya pitikwa okugongela iifuta yoshigwana nenge ya longe iinakugwanithwa melelo lyoshilongo shoka, molwaashoka oya kuthwa miilonga komukwaniilwa.
Amalwa okwa popi kutya okwa hala wo ompangu yi gandje elombwelo kOminista yOmayambulepo gOondoolopa nIitopolwa, Peya Mushelenga opo a kuthe momushangwa gwopapangelo ookansela mboka ya kuthwa miilonga, onga aaleli melelo lyaNdonga.
ILENI NANDJATO
Elelo ndyoka okwa lopotwa li li mompumbwe yiimaliwa, sha landula sho iimaliwa ya kana melelo moka, oshowo oshigwana shoka inashi hala okugandja iifuta yawo kelelo epe ndyoka lya tulwa miilonga komukwaniilwa gwaNdongwa ihe inali tulwa miilonga pamushangwa gwopapangelo.
Aakwashigwana ohaya futu iifuta yawo kelelo lyookasnela mboka ya tidhwa miilonga tali kwatelwa komeho kuFillemon Shuumbwa Nangolo, ngoka nonando okwa kuthwa oshinakugwanitha kombala yoshilongo shoka onga omulanduli gwomukwaniilwa Elifas, natango papangelo oye omulanduli gwomukwaniilwa gwaNdonga.
Nangolo pamwe nookasnela mboka ya tidhwa miilonga ngashiingeyi otaya longele mombelewa yi li mOniipa na okwa hololwa taya yambidhidhwa kuuministeli wuuyuuki, omanga elelo epe tali longele moombelewa oonkulu dhelelo ndyoka mOluno.
Elenga enene melelo ndyoka, Naeman Amalwa, ngoka ta longo pehala lyomukwaniilwa Elifas, okwa ningi eindilo lyompangu mOmpangulilo yoPombanda ta indile opo ompangu yi indike ookansela mboka ya tidhwa miilonga ya longe iinakugwanithwa yelelo ndyoka.
Meindilo ndyoka lya ningwa omasiku 22 gaMei, Amalwa okwa popi kutya Nangolo pamwe nookansela yahamano mboka ya tidhwa miilonga otaya tsikile nokudhina etokolo lyomukwaniilwa.
Elifas okwa kutha miilonga ookanasela mboka ya longela elelo ndyoa uule nethimbo ele, ngaashi omunashipundi nale gwelelo lyaNdonga, Peter Kauluma, omupopiliko gwelelo ndyoka, Joseph Asino oshowo omalenga omanene ngaashi Walenga, Tonata Ngulu, Kashona Malulu, Joseph Akawa, Fillemon Nambili naVilho Kamanya.
Omalenga ngoka ga kuthwa miilonga natango ogeli pamushangwa gwepangeo onga aaleli melelo lyopamudhigululwakalo mOndonga.
Amalwa okwa holola kutya ye okwa ulikwa onga omukalelipo gwomukwaniilwa Elifas, ngashiingeyi.
“Otandi koleke mpaka kutya onda pewa epitiko komulwaniilwa opo ndi popye pehala lye. Pampango yelelo lyaNdonga , onda ulikwa komukwaniilwa momasiku 27 gaApilili momvula yo 2017 opo ndi ninge omuyambidhidhi gwe. Ompito ndjoka oya kala nale yaNangolo sigo osho euliko lye lwa kuthwa oonkondo. Sho omukwaniilwa a pendje oshinakugwanithwa shoka okwa tseyithile ezimo lyaakwaniilwa mOndonga, omupeha omunashipundi gwomalelo gopamudhigululwakalo gahetatu monooli yoshilongo oshowo oombelewa adhihe dhomalelo goshigwana mepangelo lyaNamibia.”
Pahapu dhaAmlwa, aanamagumbo ayehe meni lyoongamba dhelelo lyaNdonga oye na oshinakugwanithwa shokufuta iifuta yawo yomagumbo kelelo lyopamuthigululwakalo. Okwa tsikile kutya iifuta mbyoka ohayi gongelwa komuniilonga gwelelo lyopamuthigululwakalo. Elalakano lyiifuta mbyoka okukwathela miilonga yelelo yesiku kehe, mwakwatelwa okufuta oondjambi nomayambidhidho giimaliwa koonsela yelelo, oshowo iipumbiwa yesiku melelo lyoshilongo.
Okwa popi kutya iifuta mbyoka monena oyi li pooN$20 na otaya yi pumbiwa okufutwa kelelo lyoshilongo ihe ha kiilyo yelelo. Okwa popi kutya ookansela mboka ya kuthwa miilonga otaya pula oshigwana shi fute iifuta mbyoka ku yo na okwa tsikile kutya kashi li mondjila molwaashoka kaye na oonkondo dhopaveta okuninga shoka taya ningi.
Amalwa okwa tsikile kutya okwa pewa oonkondo komukwaniilwa opo a ninge eindilo lyompangu, yo ompangu yi tokole kutya aaleli nale mboka ya kuthwa miilonga inaya pitikwa okugongela iifuta yoshigwana nenge ya longe iinakugwanithwa melelo lyoshilongo shoka, molwaashoka oya kuthwa miilonga komukwaniilwa.
Amalwa okwa popi kutya okwa hala wo ompangu yi gandje elombwelo kOminista yOmayambulepo gOondoolopa nIitopolwa, Peya Mushelenga opo a kuthe momushangwa gwopapangelo ookansela mboka ya kuthwa miilonga, onga aaleli melelo lyaNdonga.
ILENI NANDJATO
Comments
Namibian Sun
No comments have been left on this article