Omukwaniilwa gUukwanyama a ningi omutekuli guunona
Omukwaniilwa gUukwanyama, Martha Mwadinomho Kristian Nelumbu okwa ningi po ombala ye egumbo lyokusila oshisho aanona mboka kaye na aasili shipwiyu.
Pethimbo lyomutumba ngoka gwa ningwa niikundaneki pombala yoshilongo shoka mOmhedi oshiwike sha piti, Nelumbu okwa popi kutya ota sile oshisho nokutekula aanona oyendji mboka kaye na omagumbo oshowo mboka kaye na aavali.
Nelumbu ina gandja omwaalu gwanona mboka ta tekula ihe okwa popi kutya ombala ndjoka oyuudha uunona woomvula ntano.
Okwa popi kutya aanona mboka mombala oya falwa mo kaaniilonga omanga yamwe ya falwa mo kaantu yopomudhingoloko.
“Omukalo gwokukala aantu otaya sile oshisho aanona oshi li oshinima tashi londo pombanda monooli yoshilongo. Aakokele yamwe mboka ya dhigilwa uunona ohaya longitha iikolitha na ihaya sile oshisho aanona mboka, nokuya tula monkalo tayi pumbwa ekwatho,” omukwaniilwa a popi.
Omupopiliko gwelelo ndyoka, Ndjeimo Popyeninawa, okwa popi kutya elelo lyoshilongo shoka ohali sile oshisho aanona mboka, na ohaya landelwa iipumbiwa yawo kehe omwedhi.
Okwa gwedha po kutya ngele aanona mboka ya gwanitha omimvo dhokuya koskola, otaya tameke oskola, mokinda ndjoka tayi adhika pondje yombala ndjoka. Mo 2015, Nelumbu okwa pula aakiintu aanyasha mboka inaya hala uunona wawo opo ye wu fale kombala ye, pehala lyokudhipaga uunona mboka noku wu ekelahi. Monena oohanana owala mbali dha falwa kombala ye.
ILENI NANDJATO
Pethimbo lyomutumba ngoka gwa ningwa niikundaneki pombala yoshilongo shoka mOmhedi oshiwike sha piti, Nelumbu okwa popi kutya ota sile oshisho nokutekula aanona oyendji mboka kaye na omagumbo oshowo mboka kaye na aavali.
Nelumbu ina gandja omwaalu gwanona mboka ta tekula ihe okwa popi kutya ombala ndjoka oyuudha uunona woomvula ntano.
Okwa popi kutya aanona mboka mombala oya falwa mo kaaniilonga omanga yamwe ya falwa mo kaantu yopomudhingoloko.
“Omukalo gwokukala aantu otaya sile oshisho aanona oshi li oshinima tashi londo pombanda monooli yoshilongo. Aakokele yamwe mboka ya dhigilwa uunona ohaya longitha iikolitha na ihaya sile oshisho aanona mboka, nokuya tula monkalo tayi pumbwa ekwatho,” omukwaniilwa a popi.
Omupopiliko gwelelo ndyoka, Ndjeimo Popyeninawa, okwa popi kutya elelo lyoshilongo shoka ohali sile oshisho aanona mboka, na ohaya landelwa iipumbiwa yawo kehe omwedhi.
Okwa gwedha po kutya ngele aanona mboka ya gwanitha omimvo dhokuya koskola, otaya tameke oskola, mokinda ndjoka tayi adhika pondje yombala ndjoka. Mo 2015, Nelumbu okwa pula aakiintu aanyasha mboka inaya hala uunona wawo opo ye wu fale kombala ye, pehala lyokudhipaga uunona mboka noku wu ekelahi. Monena oohanana owala mbali dha falwa kombala ye.
ILENI NANDJATO
Comments
Namibian Sun
No comments have been left on this article