Omukwaniilwa /Gâseb uuvitile nayi elelo lyaNdonga
Omupevi omunashipundi gwoCouncil of Traditional Leaders moNamibia okwa popi kutya okwa indikwa iikando yontumba opo a vule okumona omukwaniilwa gwaNdonga.
Elelo lyaNdonga olya kala uule woomwedhi ngashiingeyi otali indike omupevi omunashipundi gwoCouncil of Traditional Leaders in Namibia, chief Immanuel /Gâseb, opo a ninge ekwatathano nOmukwaniilwa Immanuel Kauluma Elifas.
/Gâseb okwa popi kutya omutumba gwelelo lyaaleli yopamuthigululwakalo ngoka gwa ningilwa omasiku ga piti moRundu, ogwa ningwa pwaahena oshipopiwa shaElifas ngoka a kala omunashipundi gwelelo ndyoka uule woomvula odhindji.
/Gâseb okwa lombwele oNamibian Sun kutya okwa indikwa iikando oyindji opo a ninge ekwatathano naElifas. Okwa popi kutya onga omupevi gwaElifas melelo ndyoka, ota pumbwa a ye mOnamungundo kehe omvula opo a kundathane nomunashipundi iipambele yelelo lyawo ihe ina pewa epitikilo ndyoka, naashoka okwa popi kutya osha ningitha iilonga ye iidhigu.
“Shika otashi ningitha iilonga yandje iidhigu,” /Gâseb a popi.
“Konima nkene Elifas a tidha omunashipundi gwelelo ndyoka Peter Kauluma oshowo amushanga Joseph Asino, iilonga yandje melelo oya dhigupala.”
Okwa tsikile kutya shito okwa kala hayi mekwatathano na Asino, Kauluma oshowo Fillemon Shuumbwa Nangolo molwaashoka oye na euveko kombinga yiipambele yelelo ihe omolwa onkalo ndjoka yi li melelo ndyoka, ngashiingeyi ita vulu okumona omukwaniilwa.
Okwa tsikile kutya okwa kumagidhwa kOminista yEyambulepo lyOondoolopa nIitopolwa Sophia Shaningwa opo kaye we kombala yaNdonga omolwa onkalo yoontamanana, ndjoka ya etitha woo etidho lyaaleli melelo ndyoka, ndjoka ya taalela elelo lyoshilongo shoka.
“Sho nda mono ehiyo okuza kelenga enene lyUukwambi Herman Iipumbu opo ndi ka kale poshituthi shomagongo, onda dhengele ombala yaNdonga nda hala okupopya nomukwaniilwakombinga yiikumungu yelelo lyetu ihe omunyekadhi oye a yamukula ongodhi na okwa lombwele ndje kutya omukwaniilwa okuli kohambo na itandi vulu oku mu mona, sha po ongele tandi dhigi po etumwalaka.
Koshituthi shomagongo natango onda tsakanene nomunyekadhi ngoka a lombwele ndje kutya Elifas oku li kohambo. Lwanima onda lombwelwa kutya Elifas omo e li moshituthi shoka na okwa holekwa muyimwe yomoondunda mombala yaIipumbu.
Shika osha uvitha ndje nayi kandi shi kutya omolwashike aantu ye na okuholeka omukwaniilwa. Kehe omvula otwa kala hatu tsakanene nokukundathana kombinga yiipambelele yelelo niinyangadhala mbyoka tayi ningwa. Ohandi kala woo ndi na omishangwa dhomeholamokombinga yiilonga yetu, ndhoka itandi vulu okugandja komukulukadhi.”
Sho a ningilwa omapulo, omupopiliko gwaElifas, Naeman Amalwa okwa popi kutya omunyekadhi gwaNdonga okwa tindi kutya okwa tsakanena na/Gâseb poshituthi shOmagongo na okwa tindi woo kutya okwa popi na/Gâseb mongodhi. Elelo lyaNdonga olya kala nokutinda uule woomwedhi dha piti kutya Kauluma ke na uukolele.
Nangolo oye ta kalele po Elifas
/Gâseb okwa koleke woo kutya Nangolo oye a kalelepo Elifas moshigongi shaaleli yopamuthigululwakalo shoka sha ningwa, omanga elelo lyopamuthigululwakalo lya kalelwa kelenga lyomoshikandjo sha Onalusheshete, Eino Shondili Amutenya.
Okwa popi kutya konyala iilyo yelelo iipe ngaashi Nepando Amupanda, inaya tulwa miilonga papangelo, na itaya vulu okukutha ombinga momutumba ngoka.
“Nangolo ota vulu okukala momutumba gwe tu molwaashoka okwa kala nokukalelapo omukwaniilwa nale. Ombelewa yetu oya taambako Nangolo natango onga omulanduli nomukalelipo gwomukwaniilwa na inatu tseyithilwa kutya okwa tidhwa miilonga.”
Nangolo okwa zimine woo ekuthombinga lye momutumba ngoka.
MuJuli nuumvo, omukwaniilwa Immanuel Kauluma Elifas okwa tidha ookansela yaheyali yomookansela 8 mboka yali ya kuthwa iilonga muApilili nuumvo.
Mwaamboka ya tidhwa omwa kwatelwa omunashipundi nale gwelelo ndyoka Peter Kauluma oshowo ngoka a li omupopiliko gwelelo ndyoka Joseph Asino.
Yamwe po mbyoka ya tidhwa omwa kwatela omalenga omanene nale ngashi John Walenga, Ngoloneya nale gwaShikoto, Vilho Kamanya, Kashona kaMalulu, Tonata Ngulu naFillemon Nambili.
Mboka oya tidhwa molwaashoka otaya yambidhidha Nangolo onga omulanduli gwomukwaniilwa.
ILENI NANDJATO
Elelo lyaNdonga olya kala uule woomwedhi ngashiingeyi otali indike omupevi omunashipundi gwoCouncil of Traditional Leaders in Namibia, chief Immanuel /Gâseb, opo a ninge ekwatathano nOmukwaniilwa Immanuel Kauluma Elifas.
/Gâseb okwa popi kutya omutumba gwelelo lyaaleli yopamuthigululwakalo ngoka gwa ningilwa omasiku ga piti moRundu, ogwa ningwa pwaahena oshipopiwa shaElifas ngoka a kala omunashipundi gwelelo ndyoka uule woomvula odhindji.
/Gâseb okwa lombwele oNamibian Sun kutya okwa indikwa iikando oyindji opo a ninge ekwatathano naElifas. Okwa popi kutya onga omupevi gwaElifas melelo ndyoka, ota pumbwa a ye mOnamungundo kehe omvula opo a kundathane nomunashipundi iipambele yelelo lyawo ihe ina pewa epitikilo ndyoka, naashoka okwa popi kutya osha ningitha iilonga ye iidhigu.
“Shika otashi ningitha iilonga yandje iidhigu,” /Gâseb a popi.
“Konima nkene Elifas a tidha omunashipundi gwelelo ndyoka Peter Kauluma oshowo amushanga Joseph Asino, iilonga yandje melelo oya dhigupala.”
Okwa tsikile kutya shito okwa kala hayi mekwatathano na Asino, Kauluma oshowo Fillemon Shuumbwa Nangolo molwaashoka oye na euveko kombinga yiipambele yelelo ihe omolwa onkalo ndjoka yi li melelo ndyoka, ngashiingeyi ita vulu okumona omukwaniilwa.
Okwa tsikile kutya okwa kumagidhwa kOminista yEyambulepo lyOondoolopa nIitopolwa Sophia Shaningwa opo kaye we kombala yaNdonga omolwa onkalo yoontamanana, ndjoka ya etitha woo etidho lyaaleli melelo ndyoka, ndjoka ya taalela elelo lyoshilongo shoka.
“Sho nda mono ehiyo okuza kelenga enene lyUukwambi Herman Iipumbu opo ndi ka kale poshituthi shomagongo, onda dhengele ombala yaNdonga nda hala okupopya nomukwaniilwakombinga yiikumungu yelelo lyetu ihe omunyekadhi oye a yamukula ongodhi na okwa lombwele ndje kutya omukwaniilwa okuli kohambo na itandi vulu oku mu mona, sha po ongele tandi dhigi po etumwalaka.
Koshituthi shomagongo natango onda tsakanene nomunyekadhi ngoka a lombwele ndje kutya Elifas oku li kohambo. Lwanima onda lombwelwa kutya Elifas omo e li moshituthi shoka na okwa holekwa muyimwe yomoondunda mombala yaIipumbu.
Shika osha uvitha ndje nayi kandi shi kutya omolwashike aantu ye na okuholeka omukwaniilwa. Kehe omvula otwa kala hatu tsakanene nokukundathana kombinga yiipambelele yelelo niinyangadhala mbyoka tayi ningwa. Ohandi kala woo ndi na omishangwa dhomeholamokombinga yiilonga yetu, ndhoka itandi vulu okugandja komukulukadhi.”
Sho a ningilwa omapulo, omupopiliko gwaElifas, Naeman Amalwa okwa popi kutya omunyekadhi gwaNdonga okwa tindi kutya okwa tsakanena na/Gâseb poshituthi shOmagongo na okwa tindi woo kutya okwa popi na/Gâseb mongodhi. Elelo lyaNdonga olya kala nokutinda uule woomwedhi dha piti kutya Kauluma ke na uukolele.
Nangolo oye ta kalele po Elifas
/Gâseb okwa koleke woo kutya Nangolo oye a kalelepo Elifas moshigongi shaaleli yopamuthigululwakalo shoka sha ningwa, omanga elelo lyopamuthigululwakalo lya kalelwa kelenga lyomoshikandjo sha Onalusheshete, Eino Shondili Amutenya.
Okwa popi kutya konyala iilyo yelelo iipe ngaashi Nepando Amupanda, inaya tulwa miilonga papangelo, na itaya vulu okukutha ombinga momutumba ngoka.
“Nangolo ota vulu okukala momutumba gwe tu molwaashoka okwa kala nokukalelapo omukwaniilwa nale. Ombelewa yetu oya taambako Nangolo natango onga omulanduli nomukalelipo gwomukwaniilwa na inatu tseyithilwa kutya okwa tidhwa miilonga.”
Nangolo okwa zimine woo ekuthombinga lye momutumba ngoka.
MuJuli nuumvo, omukwaniilwa Immanuel Kauluma Elifas okwa tidha ookansela yaheyali yomookansela 8 mboka yali ya kuthwa iilonga muApilili nuumvo.
Mwaamboka ya tidhwa omwa kwatelwa omunashipundi nale gwelelo ndyoka Peter Kauluma oshowo ngoka a li omupopiliko gwelelo ndyoka Joseph Asino.
Yamwe po mbyoka ya tidhwa omwa kwatela omalenga omanene nale ngashi John Walenga, Ngoloneya nale gwaShikoto, Vilho Kamanya, Kashona kaMalulu, Tonata Ngulu naFillemon Nambili.
Mboka oya tidhwa molwaashoka otaya yambidhidha Nangolo onga omulanduli gwomukwaniilwa.
ILENI NANDJATO
Comments
Namibian Sun
No comments have been left on this article