Omukwanezimo gwaNelongo oye e mu li kohi
Omahokokololo guulunga iimuna ngoka taga popilwa omukwatakanithi gwongundu yoSwapo mOshitopolwa shaShana, Samuel Nelongo, molwaashoka aniwa kali ta yambidhidha Omuleli Hage Geingob pethimbo lyomahogololo gaaleli yongundu ngoka ga ningwa muNovemba gwa piti, oshiwike shika oga eta ishewe polweela iiholekwa yilwe.
Aapopi yoohapu dhoka mboka ya kala nokutopolwa omahokololo ngoka komapandja gomakwatathano gopainternet , kohi yiinyolwa tayi ithanwa 'Breaking News' oya holola kutya omumwayinagona gwaNelongo, Gideon Abner oye ta kwatele komeho oonkambadhala dhokuteya po Nelongo.
Abner okwa pula aashangi yomahokololo ngoka opo ya holole uumbangi kutya oye ta ningi ngaaka.
Okwa lombwele oNamibian Sun kutya ngashiingeyi ofamili ye oya topoka nakehe mpoka tayi aantu otaye mu ula omalaka kutya omutondi. Otaku hokololwa kutya Abner okwa kutwa kungoloneya gwaShana Clemens Kashuupulwa oshowo omunashipundi gwelelo lyaShana, Gerson Hannu Kapenda, opo a kwashilipalke kutya Nelongo okwa tulwa miipandeko.
Ehokololo ndyoka olya tsu sha landula sho Nelongo a tulwa miipandeko momasiku ga 5 gaMaalitsa omolwa uulunga wiimuna , konima sho a li a tulwa miipandeko natango omwedhi gwa piti, miipotha ya faathana. Omahokololo ngoka ga tulwa komapandja gomakwatathano gopainternet otaga popi kutya Nelongo ota ningilwa omambandameko agehe ngoka omolwa eyambidhidho lye lyo Team Swapo, methigathano lyomahogololo ndyoka lya ningwa kongundu yoSwapo.
Natango aaapopi yoohapu ndhoka, oya popi kutya ope na omunambelewa gwopolisi ngoka a li a dhengele ongodhi omumwayinakadhona gwaNelongo, te mu lombwele kutya Kapenda naKashuupulwa oya hala Nelongo a tulwa miipandeko.
Otaku poiwa kutya Kapenda naKashuupulwa oya futu Abner oshowo Sacky ngoka e li omukwashigwana gwaAngola na oha longele omunafaalama gumwe mOndiamande. Onzo yimwe puundingosho wontumba oya lombwele omutoolinkundana gwoshikundaneki shika, kutya Sacky okwa li a popi puundingosho mboka kutya okwa futwa oshimaliwa shooN$2 000 opo ya longe iilonga yanyata mbyoka.
Abner okwa tindi kutya ye ke na mo olunyala metulo miipandeko lyaNelongo, na ina tsakanena naKapenda oshowo Kashuupulwa.
Kapenda okwa tindi okutya sha momahokololo ngoka, ta popi kutya ye ken a mo olunyala naAbner ngoka ta popiwa kemu shi.
Etulo miipandeko etiyali lyaNelongo lyomomasiku ga 5 gomweedhi nguka, olya ningwa sha landula aniwa omakonaakono ga ningwa sho a li a tulwa miipandeko lwotango momasiku 11 gaFebruali sho a adhika aniwa noshiyenditho she shi na oongombe moshitopolwa shaShikoto, noongombe ndhoka otaku fekelwa kutya oda yakwa.
Nelongo okwa holoka mompangulilo yamangestrata gwaNdangwa, na okwa pewa omboloha yooN$2 000 noshipotha she osha undulilwa komasiku 9 gaApilili. Opolisi yaShana oya popi kutyaa iipotha mboka tayi tamanekelwa Nelongo oyiimbuluma ya longwa pokati ko 2016 no 2017.
ILENI NANDJATO
Aapopi yoohapu dhoka mboka ya kala nokutopolwa omahokololo ngoka komapandja gomakwatathano gopainternet , kohi yiinyolwa tayi ithanwa 'Breaking News' oya holola kutya omumwayinagona gwaNelongo, Gideon Abner oye ta kwatele komeho oonkambadhala dhokuteya po Nelongo.
Abner okwa pula aashangi yomahokololo ngoka opo ya holole uumbangi kutya oye ta ningi ngaaka.
Okwa lombwele oNamibian Sun kutya ngashiingeyi ofamili ye oya topoka nakehe mpoka tayi aantu otaye mu ula omalaka kutya omutondi. Otaku hokololwa kutya Abner okwa kutwa kungoloneya gwaShana Clemens Kashuupulwa oshowo omunashipundi gwelelo lyaShana, Gerson Hannu Kapenda, opo a kwashilipalke kutya Nelongo okwa tulwa miipandeko.
Ehokololo ndyoka olya tsu sha landula sho Nelongo a tulwa miipandeko momasiku ga 5 gaMaalitsa omolwa uulunga wiimuna , konima sho a li a tulwa miipandeko natango omwedhi gwa piti, miipotha ya faathana. Omahokololo ngoka ga tulwa komapandja gomakwatathano gopainternet otaga popi kutya Nelongo ota ningilwa omambandameko agehe ngoka omolwa eyambidhidho lye lyo Team Swapo, methigathano lyomahogololo ndyoka lya ningwa kongundu yoSwapo.
Natango aaapopi yoohapu ndhoka, oya popi kutya ope na omunambelewa gwopolisi ngoka a li a dhengele ongodhi omumwayinakadhona gwaNelongo, te mu lombwele kutya Kapenda naKashuupulwa oya hala Nelongo a tulwa miipandeko.
Otaku poiwa kutya Kapenda naKashuupulwa oya futu Abner oshowo Sacky ngoka e li omukwashigwana gwaAngola na oha longele omunafaalama gumwe mOndiamande. Onzo yimwe puundingosho wontumba oya lombwele omutoolinkundana gwoshikundaneki shika, kutya Sacky okwa li a popi puundingosho mboka kutya okwa futwa oshimaliwa shooN$2 000 opo ya longe iilonga yanyata mbyoka.
Abner okwa tindi kutya ye ke na mo olunyala metulo miipandeko lyaNelongo, na ina tsakanena naKapenda oshowo Kashuupulwa.
Kapenda okwa tindi okutya sha momahokololo ngoka, ta popi kutya ye ken a mo olunyala naAbner ngoka ta popiwa kemu shi.
Etulo miipandeko etiyali lyaNelongo lyomomasiku ga 5 gomweedhi nguka, olya ningwa sha landula aniwa omakonaakono ga ningwa sho a li a tulwa miipandeko lwotango momasiku 11 gaFebruali sho a adhika aniwa noshiyenditho she shi na oongombe moshitopolwa shaShikoto, noongombe ndhoka otaku fekelwa kutya oda yakwa.
Nelongo okwa holoka mompangulilo yamangestrata gwaNdangwa, na okwa pewa omboloha yooN$2 000 noshipotha she osha undulilwa komasiku 9 gaApilili. Opolisi yaShana oya popi kutyaa iipotha mboka tayi tamanekelwa Nelongo oyiimbuluma ya longwa pokati ko 2016 no 2017.
ILENI NANDJATO
Comments
Namibian Sun
No comments have been left on this article