Omukokele a pewa oomvula 10 mondjeedhililo

Ompangulilo yaShakati oya gandja egeelo lyoomvula 10 mondholongo komukokele goomvula 81, ngoka a monika ondjo moshipotha shedhipago lyomutekulu , ngoka a tsu nomukonda mo 2012 sha landula oontamana kombinga yondjuhwa.

Mangestrata Leopoldt Hangalo okwa geele, Lukas Adalbert noomvula 15 mondholongo moshipotha shoka, noomvula ntano odha kuthwa ko.

Oshiningwanima shoka osha ningilwa momukunda Omagalanga momudhingoloko gwaShikuku momasiku 15 gaKotomba mo 2012, sho Adalbert yo nomutekulu ya tameke taya tamanana omolwa ondjuhwa ndjoka ya dhipagwa kuJulius. Oombangi mbali, omukulukadhi gwaAdalbert oshowo omonamati gumwe, oya gandja uumbangi kutya Adalbert okwa pula Julius kutya okwa dhipagela shike ondjuhwa. Adalbert tango okwa umbu Julius nongonyo ndjoka ya ponyo, na okwa tidha Julius, nasho e mu kwata okwe mu tsu nomukonda pomutima. Julius okwa falwa koshipangelo hoka a hulithile.

Pethimbo ta pangulwa, Adalbert okwiipopile kutya okwa li tiigamene ihe nonando ongaaka Mangestrata Hangalo okwa pataneke eipipilo lyomutamanekwa , ta popi kutya oontamanana ndhoka inadhi ya sigo oponkatu yomuntu iipopile andola.

Omufali gwiihokolola kompangu moshipotha shoka, oNelao Ya France omanga Adalbert okwa kalelwa po kuPetrine Hango gwoDr Weder, Kauta and Hoveka law firm.



KENYA KAMBOWE