Omukithi gwoHepatitis E gwa lopotwa mondoolopa yaNdangwa
Elelo lyondolopa yaNdangwa otali tembudhile aalandithi ayehe momomapandaanda komatala gokulandithila gaayehe mondoolopa ndjoka, onga oonkambahala tadhi ningwa kondoolopa ndjoka mokukondjitha omukithi gwohepatitis E ngoka gwa lopotwa mondoolopa.
Uuministeli wuundjolowele owa lopotwa kutya okwa dhidhilikwa iipotha yomukithi ngoka yi li 24 moshilongo okuza muApilili sigo omwedhi Juli, niipotha 12 oya lopotwa mOndangwa.
Elelo olya tameka nale okutembula aalandithi mboka haya landithile mokati kondoolopa ndjoka, popepi nostola yaShoprite oshowo oPick n Pay.
Omupopiliko gwelelo lyondoolopa yaNdangwa, Petrina Shitalangaho, okwa lombwele oNamibian Sun kutya oya tokola petameko lyomwedhi nguka, opo aalandithili ayehe yomomapndanda ya kale taya landithile momatala gokulandithila. Okwa popi kutya itaya tidha aalandithi mboka ihe oye na omaipulo kombina yuundjolowele mondoolopa, molwaashoka mpoka taya landithile kape na uuyogoki yo yamwe otaya landithile woo poondjila, shoka natango shi li sha nika oshiponga.
Okwa popi kutya aalandithi otaya tembudhilwa koABC oshowo komatala gaNdjondjo.
Elelo olya ningi omutumba mEtiyali naalandithi, tali ya tseyithile kombinga yetokolo ndyoka lya ningwa opo ya tembudhilwe komatala gaayehe gokulandithila.
“Kakele kegameno lyawo, otwe ya tseyithile woo kombinga yomaipulo getu kombinga yuundjolwele wiilandithomwa mbyoka haya landitha kookastoma.”
Aalandithi mboka oya popi kutya oya hala okulandithila pomahala mpoka taya mono ongeshefa nokomatala hoka taya tulwa oguudha nale noonkondo aalandithi, na kaku na omahala gawo.
Shitalangaho okwa yamukula kutya omatala omape gokulandithila mondoolopa moka otaga tungwa momumvo nguka gwoshimaliwa.
ILENI NANDJATO
Uuministeli wuundjolowele owa lopotwa kutya okwa dhidhilikwa iipotha yomukithi ngoka yi li 24 moshilongo okuza muApilili sigo omwedhi Juli, niipotha 12 oya lopotwa mOndangwa.
Elelo olya tameka nale okutembula aalandithi mboka haya landithile mokati kondoolopa ndjoka, popepi nostola yaShoprite oshowo oPick n Pay.
Omupopiliko gwelelo lyondoolopa yaNdangwa, Petrina Shitalangaho, okwa lombwele oNamibian Sun kutya oya tokola petameko lyomwedhi nguka, opo aalandithili ayehe yomomapndanda ya kale taya landithile momatala gokulandithila. Okwa popi kutya itaya tidha aalandithi mboka ihe oye na omaipulo kombina yuundjolowele mondoolopa, molwaashoka mpoka taya landithile kape na uuyogoki yo yamwe otaya landithile woo poondjila, shoka natango shi li sha nika oshiponga.
Okwa popi kutya aalandithi otaya tembudhilwa koABC oshowo komatala gaNdjondjo.
Elelo olya ningi omutumba mEtiyali naalandithi, tali ya tseyithile kombinga yetokolo ndyoka lya ningwa opo ya tembudhilwe komatala gaayehe gokulandithila.
“Kakele kegameno lyawo, otwe ya tseyithile woo kombinga yomaipulo getu kombinga yuundjolwele wiilandithomwa mbyoka haya landitha kookastoma.”
Aalandithi mboka oya popi kutya oya hala okulandithila pomahala mpoka taya mono ongeshefa nokomatala hoka taya tulwa oguudha nale noonkondo aalandithi, na kaku na omahala gawo.
Shitalangaho okwa yamukula kutya omatala omape gokulandithila mondoolopa moka otaga tungwa momumvo nguka gwoshimaliwa.
ILENI NANDJATO
Comments
Namibian Sun
No comments have been left on this article