Omuhikingalo a tulwa miipandeko
Aafekelwa yaali oya holoka komeho yompangu, taya tamanekelwa oshipotha shuulingilingi, uulunga omanga gumwe ta tamanekelwa ishewe oshipotha shokwiininga omunambelewa gwopolisi.
Mboka oya holoka mompangulilo yaMangestrata gwaMbaye mEtitano.
Mangestrata Rhivermo Williams okwa undulile oshipotha shomuhikingalo Frederick Shitana (32) oshowo Martin Ismael (31) komasiku ga 3 gaAuguste opo ya vule okwiimonena aakalelipo yopaveta, go omakonaakono gopolisi ga vule okutsikila.
Omufali gwiihokolola kompangu, Tuihaleni Hilikuete okwa tindi egandjo lyomboloha kaatamanekwa mboka ta popi kutya otashi vulika ya kaye moshipala omakonaakono gopolisi.
Pahapu dhomupeha Komufala, Erastus Iikuyu, Shitana okwa hololwa a kutu miilonga Martin onga omupolisi gwe gwopaumwene.
Oya talele po omahala goongeshefa ga yooloka mOmbaye, momudhingoloko gwaKuisebmond nokugandja omageelo kooyene yoongeshefa, taya pula iifuta na oya dhiminike ooyene yoongeshefa yaye momatsokumwe nayo molwaashoka oya ningi ookopi dhoomusika dhaShitana.
Gumwe gwomooyene yoongeshefa ndhoka okwa nyenyeta kopolisi, nopolisi oya tameke omakonaakono.
“Otaku popiwa kutya pokati kOlyomayaka nEtiyali lyoshiwike sha piti, Martin ngoka iiningi omupolisi pamwe naShitana oye shi pondola okugongela iimaliwa ya thika pooN$10 552.00 okuza kaanangeshefa yoondunda dhomanwino ndatu, oshowo ongeshefa yokunyanyangitha omathano nokuninga ookopi, molwaashoka oya ningi ookopi dhoongalo dhaShitana.
Otwa kutha ko okamutse taka ulike kutya Ismael okwa li omunambelewa a za koshikondo shoCopyright protection unit mOvenduka, oshowo okopi yondokumende yoNamibian Society of Composers and Authors of Music (NASCAM) ndjoka yi na oompango kombinga yiimbuluma yokuninga ookopi iihikomwa yaantu,” Iikuyu ta ti.
OTIS FINCK
Mboka oya holoka mompangulilo yaMangestrata gwaMbaye mEtitano.
Mangestrata Rhivermo Williams okwa undulile oshipotha shomuhikingalo Frederick Shitana (32) oshowo Martin Ismael (31) komasiku ga 3 gaAuguste opo ya vule okwiimonena aakalelipo yopaveta, go omakonaakono gopolisi ga vule okutsikila.
Omufali gwiihokolola kompangu, Tuihaleni Hilikuete okwa tindi egandjo lyomboloha kaatamanekwa mboka ta popi kutya otashi vulika ya kaye moshipala omakonaakono gopolisi.
Pahapu dhomupeha Komufala, Erastus Iikuyu, Shitana okwa hololwa a kutu miilonga Martin onga omupolisi gwe gwopaumwene.
Oya talele po omahala goongeshefa ga yooloka mOmbaye, momudhingoloko gwaKuisebmond nokugandja omageelo kooyene yoongeshefa, taya pula iifuta na oya dhiminike ooyene yoongeshefa yaye momatsokumwe nayo molwaashoka oya ningi ookopi dhoomusika dhaShitana.
Gumwe gwomooyene yoongeshefa ndhoka okwa nyenyeta kopolisi, nopolisi oya tameke omakonaakono.
“Otaku popiwa kutya pokati kOlyomayaka nEtiyali lyoshiwike sha piti, Martin ngoka iiningi omupolisi pamwe naShitana oye shi pondola okugongela iimaliwa ya thika pooN$10 552.00 okuza kaanangeshefa yoondunda dhomanwino ndatu, oshowo ongeshefa yokunyanyangitha omathano nokuninga ookopi, molwaashoka oya ningi ookopi dhoongalo dhaShitana.
Otwa kutha ko okamutse taka ulike kutya Ismael okwa li omunambelewa a za koshikondo shoCopyright protection unit mOvenduka, oshowo okopi yondokumende yoNamibian Society of Composers and Authors of Music (NASCAM) ndjoka yi na oompango kombinga yiimbuluma yokuninga ookopi iihikomwa yaantu,” Iikuyu ta ti.
OTIS FINCK
Comments
Namibian Sun
No comments have been left on this article