OmuChina a pewa omboloha yooN$15 000
Ompangu yamangestrata gwaTsumeb oya gandja omboloha yongushu yooN$15 000, komukwashigwana gwaChina, ngoka a kambadhala okufuta ombumbo omunambelewa gwopolisi peinda lyopolisi lyaShivelo.
Mo Yongmeng (36) okwa pewa omboloha yooN$15 000 konima sho a tulwa miipandeko sho a kambadhala okugandja ombumbo yoshimaliwa shooN$200.
Opolisi oya popi kutya, etulo miipandeko ndyoka olya ningwa mEtiyali lwopotundi onti: 09:15, sha landula sho AaChina mboka yali molweendo okuza mOvenduka ya yi peinda ndyoka pOshivelo.
Omunambelewa okwa pula aakwashigwana mboka opo ya gandje omikanda dhawo dhomalweendo ihe ngoka a li omufaalela kali e na omukanda. Ngoka ta hingi aniwa okwa tula oshimaliwa shooN$200 meke lyomunambelewa gwopolisi opo e ya pitike ya tsikile nolweendo lwawo naashoka osha etitha etulo miipandeko lyawo.
Pauyelele wopolisi, omuhingi ngoka a tulilwa mo oshipotha shonkambadhala yokufuta ombumbo omunambelewa, okwa holola mompangulilo yaTsumeb ohela, omanga mukwawo ngoka a tulwa miipandeko kaanambelewa yomatembu a pewa omasiku 14 opo a gandje omukanda gwe gwomalweendo nenge a tulilwe moshipotha ngele okwa ndopa okugandja omukanda gwe ngoka.
Moshiningwanima shilwe, mOmaandaha opolisi yaShikoto oya tula miipandeko omulumentu gwoomvula 20, ngoka a tsu nombele omunaskola omukwawo mondjila yawo yokuza koskola.
Oshiningwanima shoka osha ningilwa momukunda Okambugha, lwopotundi onti-15:40.
Nakusa okwa tumbulwa kedhina kutya omunamimvo 19 , Mhanda Fredrick.
Opolisi oya hokolola kutya mboka yaali oya li mondjila yawo okuza koskola sho omufekelwa a kuthamo ombele nokutsa mukwawo montulo kombinga yokolulyo.
Nakuninga oshihakanwa okwa falwa moshipangelo shepangelo mOmuthiya na okwa lundululilwa mOshipangelo shaNandjokwe hoka a hulithile.a
Moshiningwanima sha yooloka, omudhimba gwomunamimvo 49, Christopher Kamati ogwa dhika gweendjelela momuti mofaaalama yedhina Farm Vryheid no.888 South mOshivelo.
Nakusa ngoka e li omufekelwa moshipotha shuulunga wiimuna okwa li a yi kOshakati mOmaandaha na okwa tomeke omulilo egumbo lyombangi moshipotha shoka ta tamanekelwa, omuniilonga omukwawo mofaaalama ngoka a hupu moshiponga shoka shomulilo.
Omudhimba gwe ogwa falwa mopolisi yaTsumeb opo gu ka konaakonwe.
KENYA KAMBOWE
Mo Yongmeng (36) okwa pewa omboloha yooN$15 000 konima sho a tulwa miipandeko sho a kambadhala okugandja ombumbo yoshimaliwa shooN$200.
Opolisi oya popi kutya, etulo miipandeko ndyoka olya ningwa mEtiyali lwopotundi onti: 09:15, sha landula sho AaChina mboka yali molweendo okuza mOvenduka ya yi peinda ndyoka pOshivelo.
Omunambelewa okwa pula aakwashigwana mboka opo ya gandje omikanda dhawo dhomalweendo ihe ngoka a li omufaalela kali e na omukanda. Ngoka ta hingi aniwa okwa tula oshimaliwa shooN$200 meke lyomunambelewa gwopolisi opo e ya pitike ya tsikile nolweendo lwawo naashoka osha etitha etulo miipandeko lyawo.
Pauyelele wopolisi, omuhingi ngoka a tulilwa mo oshipotha shonkambadhala yokufuta ombumbo omunambelewa, okwa holola mompangulilo yaTsumeb ohela, omanga mukwawo ngoka a tulwa miipandeko kaanambelewa yomatembu a pewa omasiku 14 opo a gandje omukanda gwe gwomalweendo nenge a tulilwe moshipotha ngele okwa ndopa okugandja omukanda gwe ngoka.
Moshiningwanima shilwe, mOmaandaha opolisi yaShikoto oya tula miipandeko omulumentu gwoomvula 20, ngoka a tsu nombele omunaskola omukwawo mondjila yawo yokuza koskola.
Oshiningwanima shoka osha ningilwa momukunda Okambugha, lwopotundi onti-15:40.
Nakusa okwa tumbulwa kedhina kutya omunamimvo 19 , Mhanda Fredrick.
Opolisi oya hokolola kutya mboka yaali oya li mondjila yawo okuza koskola sho omufekelwa a kuthamo ombele nokutsa mukwawo montulo kombinga yokolulyo.
Nakuninga oshihakanwa okwa falwa moshipangelo shepangelo mOmuthiya na okwa lundululilwa mOshipangelo shaNandjokwe hoka a hulithile.a
Moshiningwanima sha yooloka, omudhimba gwomunamimvo 49, Christopher Kamati ogwa dhika gweendjelela momuti mofaaalama yedhina Farm Vryheid no.888 South mOshivelo.
Nakusa ngoka e li omufekelwa moshipotha shuulunga wiimuna okwa li a yi kOshakati mOmaandaha na okwa tomeke omulilo egumbo lyombangi moshipotha shoka ta tamanekelwa, omuniilonga omukwawo mofaaalama ngoka a hupu moshiponga shoka shomulilo.
Omudhimba gwe ogwa falwa mopolisi yaTsumeb opo gu ka konaakonwe.
KENYA KAMBOWE
Comments
Namibian Sun
No comments have been left on this article