Ompangu ya yi moshipala eganithilo miilonga lyelelo epe lyaNdonga
Aaleli yahamano mboka ya kuthwa miilonga mElelo lyaNdonga omvula ya piti, mEtitano oye shi pondola okumona epopilo lyompangu opo ka ku tsikilwe nokuganithilwa miilonga elelo epe ndyoka lye ya pingenepo.
Mboka oya li ye na okutulwa miilonga pokati kOlyomakaya ga piti sigo esiku lyotango lyaDecemba.
Ookansela mboka ya tidhwa miilonga komukwaniilwa gwaNdonga, otaya longekidha okukonga natango ekwatho lyompangu, konima shoNaeman Kambala, gumwe gwomaaleli mboka taye ya pingenepo a ningi oshiithanene shopamuthigululwakalo mOnyuulaye moshitopolwa shaShikoto mOlyomakaya.
Oya popi kutya oshiithanene shoka osha ningwa nokuya pondje elombwelo lyompangu ndyoka lya gandjwa, itali popile eganithilo miilonga lyaaleli mboka. Oya popi kutya otaya ka pula omukalelipo gwo gwopaveta opo a pule ompangu yidhope megongalo ndyoka lya ningwa.
Oshiwike sha piti, elelo lyopamuthigululwakalo ndyoka li li kohi yomukwaniilwa, Immanuel Kauluma Elifas, olya tseyitha kutya otali ka ganithila miilonga ookansela ye li yatano aape, pokati komasiku ga 3 gaNovemba sigo 1 lyaDesemba.
Mboka oya li taya pingene po Vilho Kamanya (Amuteya), John Walenga (Ondangwa), Peter Kauluma (Ongula yaNetanga), Joseph Asino (Oniiwe), Kashona kaMalulu, Tonata Ngulu and Fillemon Nambili, mboka ya tidhwa miilonga omvula ya piti.
Otaya pataneke mompangu etidho lyawo miilonga, naashoka osho sha etitha opo ya pule ompangu yi ye moshipala eganithilo miilonga lyaamboka taye ya pingenepo.
Omukwaniilwa okwa holola kutya okwa hala okutula miilonga Kambala (Amuteya), Paavo Amwele (Ondangwa B), Erastus Mvula (Ondangwa A), Nepando Amupanda (Ongula yaNetanga) oshowo Reinhold Nepolo (Oniiwe).
Omupanguli mOmpangu yoPombanda yaShakati, Tommasi mEtitano okwa gandja elombwelo tali kaleke etulo miilonga lyookansela mboka, omanga oshipotha shoka shi li mompangu inashi manithwa.
Tommasi okwa pula woo aaleli mboka ya li taya tulwa miilonga oshowo omukwaniilwa ya fute iifuta yopaveta, omolwa eindilo ndyoka lya ningwa. Aaleli mboka oya kalelwa po kuSaima Nambinga gwoAngulaCo. Incorporate, omanga aaleli mboka ya li taya ganithilwa miilonga pamwe nOmukwaniilwa Elifas ya kalelwa po kuJohn Kandara gwoShikongo Law Chambers.
Kambala, ngoka a li e na okuganithilwa miilonga mOlyomakaya okwa shangele omukanda AngulaCo. Incorporated okupitila muKandara, ta popi kutya otaka ninga oshituthi shegongalo lyopamwe shopamuthigululwakalo moka tamu ka kala ookume, ofamili oshowo aayenda ya hiwa, naakwashigwana yomomudhingoloko gwa Onyuulaye, moka mwa li mu na okuningilwa eganithilo lye miilonga.
AngulaCo. meyamukulo lyawo oya popi kutya eganithilo miilonga lyelenga oli li oshituthi shopamuthigululwakalo onkene oye wete kutya Kambala okwa yi pondje elombwelo lyompangu, sho a tsikile nokupula komeho noshituthi shoka a ningi, nonando okwe shi lukulula kutya egongalo lyopamwe lyopamuthigululwakalo.
Oya popi woo kutya Kambala ke na uuthemba noonkondo dhokuninga oshituthi shoka moshikandjo kashi shi she, omanga ina pewa ezimino okuza kelelo lyoshikandjo shoka.
ILENI NANDJATO
Mboka oya li ye na okutulwa miilonga pokati kOlyomakaya ga piti sigo esiku lyotango lyaDecemba.
Ookansela mboka ya tidhwa miilonga komukwaniilwa gwaNdonga, otaya longekidha okukonga natango ekwatho lyompangu, konima shoNaeman Kambala, gumwe gwomaaleli mboka taye ya pingenepo a ningi oshiithanene shopamuthigululwakalo mOnyuulaye moshitopolwa shaShikoto mOlyomakaya.
Oya popi kutya oshiithanene shoka osha ningwa nokuya pondje elombwelo lyompangu ndyoka lya gandjwa, itali popile eganithilo miilonga lyaaleli mboka. Oya popi kutya otaya ka pula omukalelipo gwo gwopaveta opo a pule ompangu yidhope megongalo ndyoka lya ningwa.
Oshiwike sha piti, elelo lyopamuthigululwakalo ndyoka li li kohi yomukwaniilwa, Immanuel Kauluma Elifas, olya tseyitha kutya otali ka ganithila miilonga ookansela ye li yatano aape, pokati komasiku ga 3 gaNovemba sigo 1 lyaDesemba.
Mboka oya li taya pingene po Vilho Kamanya (Amuteya), John Walenga (Ondangwa), Peter Kauluma (Ongula yaNetanga), Joseph Asino (Oniiwe), Kashona kaMalulu, Tonata Ngulu and Fillemon Nambili, mboka ya tidhwa miilonga omvula ya piti.
Otaya pataneke mompangu etidho lyawo miilonga, naashoka osho sha etitha opo ya pule ompangu yi ye moshipala eganithilo miilonga lyaamboka taye ya pingenepo.
Omukwaniilwa okwa holola kutya okwa hala okutula miilonga Kambala (Amuteya), Paavo Amwele (Ondangwa B), Erastus Mvula (Ondangwa A), Nepando Amupanda (Ongula yaNetanga) oshowo Reinhold Nepolo (Oniiwe).
Omupanguli mOmpangu yoPombanda yaShakati, Tommasi mEtitano okwa gandja elombwelo tali kaleke etulo miilonga lyookansela mboka, omanga oshipotha shoka shi li mompangu inashi manithwa.
Tommasi okwa pula woo aaleli mboka ya li taya tulwa miilonga oshowo omukwaniilwa ya fute iifuta yopaveta, omolwa eindilo ndyoka lya ningwa. Aaleli mboka oya kalelwa po kuSaima Nambinga gwoAngulaCo. Incorporate, omanga aaleli mboka ya li taya ganithilwa miilonga pamwe nOmukwaniilwa Elifas ya kalelwa po kuJohn Kandara gwoShikongo Law Chambers.
Kambala, ngoka a li e na okuganithilwa miilonga mOlyomakaya okwa shangele omukanda AngulaCo. Incorporated okupitila muKandara, ta popi kutya otaka ninga oshituthi shegongalo lyopamwe shopamuthigululwakalo moka tamu ka kala ookume, ofamili oshowo aayenda ya hiwa, naakwashigwana yomomudhingoloko gwa Onyuulaye, moka mwa li mu na okuningilwa eganithilo lye miilonga.
AngulaCo. meyamukulo lyawo oya popi kutya eganithilo miilonga lyelenga oli li oshituthi shopamuthigululwakalo onkene oye wete kutya Kambala okwa yi pondje elombwelo lyompangu, sho a tsikile nokupula komeho noshituthi shoka a ningi, nonando okwe shi lukulula kutya egongalo lyopamwe lyopamuthigululwakalo.
Oya popi woo kutya Kambala ke na uuthemba noonkondo dhokuninga oshituthi shoka moshikandjo kashi shi she, omanga ina pewa ezimino okuza kelelo lyoshikandjo shoka.
ILENI NANDJATO
Comments
Namibian Sun
No comments have been left on this article