Omilandu dhegandjo lyomboloha dha kundathanwa
Omilandu ndhoka hadhi longithwa mokugandja nenge mokutindila aafekelwa omboloha odhili oshinima kashi uvitikiweko kaantu oyendji moNamibia, pahapu dhaChief Justice Peter Shivute.
Ongundu yoomangestrata oya kutha ombinga moshigongiilonga shoka sha ningilwa mOshilandopangelo mEtitano lya piti, opo yuuvithweko omilandu ndhoka dhi na okulandulwa mokugandja omboloha.
Omiyuvo goshigwana uuna taku gandjwa omboloha miipotha iinene kwa gwandjwa oshiholelwa ngashi oshipotha shomuyeka kwa homatiwa shoka sha ningilwa moWestern Bypass, oyimwe yomiipotha ya popiwa kuShivute pethimbo a patulula oshigongiilonga shoka.
Omanga omufekelwa , Frabianus Endjala, 32, a li ta yekeko ohauto yaantu mondjila yaWestern Bypass pamwe na yakwawo yalwe, petameko lyaAguste okwa li e na okukala mompangu, omolwa oshipotha shilwe shomuyeka kwahomatiwa. Mangestrata moshipotha shoka okwa kutha oonkondo omboloha ye yooN$2 000, na okwa gandja elombwelo opo a tulwe miipandeko.
Sha landula etulo miipandeko lye moshipotha shomuyeka kwahomatiwa, shoka a ningile aatalelipo, Endjala natango okwa pewa omboloha yooN$5 000 kuMangestrata mOmpangulilo yaKatutura, naashoka osha etitha oshigwana shi holole omaiyuvo gasho.
Opolisi pethimbo ndyoka oya popi kutya otashi vulika kwa ningwa epuko opo omufekelwa ngoka a pewe omboloha. Ominista yOmidhingoloko Pohamba Shifeta naye okwa holola omaiyuvo ge omolwa egandjo lyomboloha miipotha yi li ngaaka.
Shivute okwa popi kutya omaiyuvo gamwe ngoka otaga etithwa omolwa okwaaha uvako kutya egandjo lyomboloha ohali longo ngiini.
“Itandi vulu okuyelitha sha gwana kutya oomangestrata oya pumbwa okukala ye na ontseyo neuveko lyiikwaveta ayihe nomilandu ndhoka dhi li po uuna taku gandjwa omboloha.”
Oshigongiilonga shoka osha kwatelwa komeho kOmupanguli mOmpangu yoPombanda, Christie Liebenberg.
Ayehe Shivute naLiebenberg okwa tsu omuthindo kutya kehe omuntu ke na ondjo sigo uuna a monika ondjo mompangu.
Liebenberg okwa popi kutya egandjo lyomboloha oshinima sheendelela onkene oomangestrata, opolisi oshowo aakalelipo yopaveta oye na oshinakugwanithwa shokukwashilipaleka kutya okwa ningwa eindilo lyomboloha.
Shivute okwa popi kutya kashi shi owala oshinakugwanithwa shoompangu, opo ku kalekwepo uuthemba waafekelwa ihe nokukaleka po woo uuthemba wegameno lyoonakuninga iihakanwa yomiyonena niimbuluma. Okwa tsikile kutya emangululo lyaafekelwa pamboloha ohali endele pamwe nomilandu dhontumba ndhoka dhi na okulandulwa na ohadhi tulwa po, opo ku kwashilipalekwe kutya aafekelwa mboka oya galukila mompangu.
JANA-MARI SMITH
Omiyuvo goshigwana uuna taku gandjwa omboloha miipotha iinene kwa gwandjwa oshiholelwa ngashi oshipotha shomuyeka kwa homatiwa shoka sha ningilwa moWestern Bypass, oyimwe yomiipotha ya popiwa kuShivute pethimbo a patulula oshigongiilonga shoka.
Omanga omufekelwa , Frabianus Endjala, 32, a li ta yekeko ohauto yaantu mondjila yaWestern Bypass pamwe na yakwawo yalwe, petameko lyaAguste okwa li e na okukala mompangu, omolwa oshipotha shilwe shomuyeka kwahomatiwa. Mangestrata moshipotha shoka okwa kutha oonkondo omboloha ye yooN$2 000, na okwa gandja elombwelo opo a tulwe miipandeko.
Sha landula etulo miipandeko lye moshipotha shomuyeka kwahomatiwa, shoka a ningile aatalelipo, Endjala natango okwa pewa omboloha yooN$5 000 kuMangestrata mOmpangulilo yaKatutura, naashoka osha etitha oshigwana shi holole omaiyuvo gasho.
Opolisi pethimbo ndyoka oya popi kutya otashi vulika kwa ningwa epuko opo omufekelwa ngoka a pewe omboloha. Ominista yOmidhingoloko Pohamba Shifeta naye okwa holola omaiyuvo ge omolwa egandjo lyomboloha miipotha yi li ngaaka.
Shivute okwa popi kutya omaiyuvo gamwe ngoka otaga etithwa omolwa okwaaha uvako kutya egandjo lyomboloha ohali longo ngiini.
“Itandi vulu okuyelitha sha gwana kutya oomangestrata oya pumbwa okukala ye na ontseyo neuveko lyiikwaveta ayihe nomilandu ndhoka dhi li po uuna taku gandjwa omboloha.”
Oshigongiilonga shoka osha kwatelwa komeho kOmupanguli mOmpangu yoPombanda, Christie Liebenberg.
Ayehe Shivute naLiebenberg okwa tsu omuthindo kutya kehe omuntu ke na ondjo sigo uuna a monika ondjo mompangu.
Liebenberg okwa popi kutya egandjo lyomboloha oshinima sheendelela onkene oomangestrata, opolisi oshowo aakalelipo yopaveta oye na oshinakugwanithwa shokukwashilipaleka kutya okwa ningwa eindilo lyomboloha.
Shivute okwa popi kutya kashi shi owala oshinakugwanithwa shoompangu, opo ku kalekwepo uuthemba waafekelwa ihe nokukaleka po woo uuthemba wegameno lyoonakuninga iihakanwa yomiyonena niimbuluma. Okwa tsikile kutya emangululo lyaafekelwa pamboloha ohali endele pamwe nomilandu dhontumba ndhoka dhi na okulandulwa na ohadhi tulwa po, opo ku kwashilipalekwe kutya aafekelwa mboka oya galukila mompangu.
JANA-MARI SMITH
Comments
Namibian Sun
No comments have been left on this article