Omaumbangi taga halutha
Ompangu yoPombanda otayi pulakene omaumbangi taga halutha noonkondo moshiputha sheyako lyaantu nemonitho lyiihuna, moka okanona kokakadhona ka kuthwa momukalo gwiikengelela okuza monooli yoshilongo omanga inaka landithwa po kaalumentu nokukala taka yi wa nako miihulo.
Omunambelewa omukuluntu gwuunamiti moshipangelo shepangelo shaShakati, Dr Ester K. Gideon, okwa gandja uumbangi oshiwike shika komeho yomupanguli Naomi Shivute kombinga yomakonaakono ngoka ga ningilwa oshihakanwa shoka.
“Itandi vulu okupataneka kutya nakuninga oshihakanwa ka li hayi nale miihulo pethimbo lyomakwatonkonga ngoka a ningilwa. Ina adhika niilalo muukiintu we.”
Gideon okwa popi kutya nakuninga oshihakanwa kali okakadhonakadhona, pethimbo iiningwanima mbyoka ya ningwa.
Tuufilwa Jonas, 32, ota tamanekelwa iipotha itatu yeyako lyomuntu, iipotha ine yekwatonkonga oshowo oshipotha sheyopondje yompango yoRiotous Assemblies Act.
Okwa hololwa aniwa a pewa oshimaliwa shooN$250 okuza komuyakulwa gwe mepingakanitho lyokulanditha po okanona hoka, taka ka pewa oshimaliwa shooN$50.
Okwa kutu okanona hoka okuza momukunda Okahenge moshitopolwa shaMusati muApili gwomvula yo 2012, na okwe ka fala kofaalama yaFarm Ravensberg popepi noGross Barmen moshikandjo shaKahandja, kohi yethano kutya ota gandja iilonga kokanona hoka.
Mofaalama moka okanona hoka oka ningi oshihakanwa sheyomiihulo nomulumentu gwedhina John Puariune okuza momwedhi Mei sigo oJuli mo 2012.
Jonas aniwa okwa pitika woo aalumentu yomadhina Nico oshowo Phillip ya ye miihulo nokanona hoka itaka vulu okutumbulwa kedhina.
Jonas okwa tulwa miipandeko konima sho nakuninga oshihakanwa a tseyithile yina kombinga yaashoka sha holoka po, nayina yokanona okwa lopota kopolisi.
Okakadhona hoka sho ka thiki mOkahandja muMei gwomvula yo 2012, Jonas okwe ka lombwele kutya oka kutwa miilonga keindilo ndyoka lya ningwa kuPuariune na okwa kondjitha opo ka kala haka zi pamwe nomulumentu ngoka.
Okwa hokololwa kutya sho okakadhona hoka ka tindi okuya miihulo naPuariune, okwa pula aniwa a shunithilwe iimaliwa ye yooN$200 mbyoka ya longithwa molweendo lyokanona hoka okukeeta mOkahandja na okwa hwahwameke Jonas a ningile okanona hoka omatilitho ngele otaka tindi okuya miihulo naye.
Okakadhona hoka aniwa oka kala nomulumentu ngoka uule woomwedhi mbali, omanga Jonas ine ke katalako nokukakondjitha ishewe ka kakale naalumentu yalwe yaali.
Epangelo olya holola kutya okanona hoka hako owala oshihakanwa shaJonas. Nakuninga oshihakanwa gumwe okupitila momukalo ngoka gwekengelelo okwa li a pewa omulumentu gumwe, na okwa ningi etegelelo.
Felistas Shikerete-Vendura ota kalelepo epangelo moshipotha shoka omanga Milton Engelbrecht ta kalelepo Jonas.
FRED GOEIEMAN
Omunambelewa omukuluntu gwuunamiti moshipangelo shepangelo shaShakati, Dr Ester K. Gideon, okwa gandja uumbangi oshiwike shika komeho yomupanguli Naomi Shivute kombinga yomakonaakono ngoka ga ningilwa oshihakanwa shoka.
“Itandi vulu okupataneka kutya nakuninga oshihakanwa ka li hayi nale miihulo pethimbo lyomakwatonkonga ngoka a ningilwa. Ina adhika niilalo muukiintu we.”
Gideon okwa popi kutya nakuninga oshihakanwa kali okakadhonakadhona, pethimbo iiningwanima mbyoka ya ningwa.
Tuufilwa Jonas, 32, ota tamanekelwa iipotha itatu yeyako lyomuntu, iipotha ine yekwatonkonga oshowo oshipotha sheyopondje yompango yoRiotous Assemblies Act.
Okwa hololwa aniwa a pewa oshimaliwa shooN$250 okuza komuyakulwa gwe mepingakanitho lyokulanditha po okanona hoka, taka ka pewa oshimaliwa shooN$50.
Okwa kutu okanona hoka okuza momukunda Okahenge moshitopolwa shaMusati muApili gwomvula yo 2012, na okwe ka fala kofaalama yaFarm Ravensberg popepi noGross Barmen moshikandjo shaKahandja, kohi yethano kutya ota gandja iilonga kokanona hoka.
Mofaalama moka okanona hoka oka ningi oshihakanwa sheyomiihulo nomulumentu gwedhina John Puariune okuza momwedhi Mei sigo oJuli mo 2012.
Jonas aniwa okwa pitika woo aalumentu yomadhina Nico oshowo Phillip ya ye miihulo nokanona hoka itaka vulu okutumbulwa kedhina.
Jonas okwa tulwa miipandeko konima sho nakuninga oshihakanwa a tseyithile yina kombinga yaashoka sha holoka po, nayina yokanona okwa lopota kopolisi.
Okakadhona hoka sho ka thiki mOkahandja muMei gwomvula yo 2012, Jonas okwe ka lombwele kutya oka kutwa miilonga keindilo ndyoka lya ningwa kuPuariune na okwa kondjitha opo ka kala haka zi pamwe nomulumentu ngoka.
Okwa hokololwa kutya sho okakadhona hoka ka tindi okuya miihulo naPuariune, okwa pula aniwa a shunithilwe iimaliwa ye yooN$200 mbyoka ya longithwa molweendo lyokanona hoka okukeeta mOkahandja na okwa hwahwameke Jonas a ningile okanona hoka omatilitho ngele otaka tindi okuya miihulo naye.
Okakadhona hoka aniwa oka kala nomulumentu ngoka uule woomwedhi mbali, omanga Jonas ine ke katalako nokukakondjitha ishewe ka kakale naalumentu yalwe yaali.
Epangelo olya holola kutya okanona hoka hako owala oshihakanwa shaJonas. Nakuninga oshihakanwa gumwe okupitila momukalo ngoka gwekengelelo okwa li a pewa omulumentu gumwe, na okwa ningi etegelelo.
Felistas Shikerete-Vendura ota kalelepo epangelo moshipotha shoka omanga Milton Engelbrecht ta kalelepo Jonas.
FRED GOEIEMAN
Comments
Namibian Sun
No comments have been left on this article