Omathaneko go2030 taga talululwa
Okomisi yoNational Planning Commission oya holola kutya omathaneko gaNamibia gokukala oshigwana sha yambukapo shi na ondjele yiiyemo yi li pombanda okuya momvula yo 2030, oga pumbwa kutalululwa.
Pethimbo lyoshipopiwa she shoka a ningi kombinga yomathaneko gelongitho lyiimaliwa, Omupeha Minista gwoNational Planning Commission, Pieter van der Walt, okwa popi kutya okwa pumbiwa tango okuthikamwa nokutala kwaashoka sha pondolwa po mokwaadhitha omalalakano gomathaneko ngoka. Omathaneko ngoka go 2030 oga tulwa miilonga momvula yo 2005.
Momvula yo 2012, Ominista yoNational Planning Commission, Tom Alweendo, okwa li a popi kutya eliko lyoshilongo olya pumbwa okukoka noopresenda 7 kehe omvula opo Namibia aadhe ondjodhi ye yo 2030.
Nonando ngaaka ondjele yekoko lyeliko lyoshilongo pokati komvula yo 1990 no 2012 oya kala yi li poopresenda 4.4.
Ondjele yokwaahena iilonga ndjoka taku tengenekwa yi kale poopresenda 5 okuya momvula yo 2030, monena oyi li poopresenda 28.
NPC okwa popi kutya omatalululo gomathaneko ngoka oge na oshilonga okutula Namibia mondjila opo a vule okwaadha omalalakano ge.
Omutseyinawa gwonkalo yopaliko, Omo Kakujaha-Matundu okwa popi kutya konima sho kwa tulwa nale miilonga omathaneko ngoka, otashi kala shi li mondjila ngele epangelo tali tala woo kokulelepeka ethimbo ndyoka, na haku tala owala omathaneko ngoka.
Okwa popi kutya otu na ko owala oomvula dhi li 11 okuthika komvula yo 2030, ihe okutala pankatu mpoka mpoka pe na oshilongo, itashi pondola okwaadha omalalakano ngoka muule woomvula ndhoka dhi li ko.
Ndumba Kamwanyah okwa popi kutya ke wete omatalululo taga ka lundulula sha na ongele owala epangelo lya tala komathaneko go 2030 onga omalakano ihe ha nga oprograma. “Uupyakadhi kawu shi ondjodhi yo2030 ihe ooshoka tatu ningi mokwaadha omalalakano ngoka. Otashi kala ehepeko lyoonzo ngele otaya talulula omalalakano ngoka onga oprograma.” Pamaiyuvo ge, ngoka a li a gandja moshinyolwa momvula yo 2013, Ndumba okwa popi kutya omathaneko ngoka oge li endopo enene nosima yowala, sho geli owala pambaapila ihe itaga tulwa miilonga.
Okwa popi kutya ngele omathaneko ngoka oga tulwa miilonga, kape na uumbangi wu wetike mboka tawu holola ngaaka.
Momvula yo2017, omunongononi gulwe gwonkalo yopolotika, Henning Melber na ye okwa li a popi koshifokundaneki shoVillager kutya nonando okwa gwedhwa oomvula 20 nenge o 30 komathaneko ngoka itashi kwatha sha molwaashoka otaga ningwa owala pamadhilongo ihe itaku tulwa sha miilonga.
JEMIMA BEUKES
Pethimbo lyoshipopiwa she shoka a ningi kombinga yomathaneko gelongitho lyiimaliwa, Omupeha Minista gwoNational Planning Commission, Pieter van der Walt, okwa popi kutya okwa pumbiwa tango okuthikamwa nokutala kwaashoka sha pondolwa po mokwaadhitha omalalakano gomathaneko ngoka. Omathaneko ngoka go 2030 oga tulwa miilonga momvula yo 2005.
Momvula yo 2012, Ominista yoNational Planning Commission, Tom Alweendo, okwa li a popi kutya eliko lyoshilongo olya pumbwa okukoka noopresenda 7 kehe omvula opo Namibia aadhe ondjodhi ye yo 2030.
Nonando ngaaka ondjele yekoko lyeliko lyoshilongo pokati komvula yo 1990 no 2012 oya kala yi li poopresenda 4.4.
Ondjele yokwaahena iilonga ndjoka taku tengenekwa yi kale poopresenda 5 okuya momvula yo 2030, monena oyi li poopresenda 28.
NPC okwa popi kutya omatalululo gomathaneko ngoka oge na oshilonga okutula Namibia mondjila opo a vule okwaadha omalalakano ge.
Omutseyinawa gwonkalo yopaliko, Omo Kakujaha-Matundu okwa popi kutya konima sho kwa tulwa nale miilonga omathaneko ngoka, otashi kala shi li mondjila ngele epangelo tali tala woo kokulelepeka ethimbo ndyoka, na haku tala owala omathaneko ngoka.
Okwa popi kutya otu na ko owala oomvula dhi li 11 okuthika komvula yo 2030, ihe okutala pankatu mpoka mpoka pe na oshilongo, itashi pondola okwaadha omalalakano ngoka muule woomvula ndhoka dhi li ko.
Ndumba Kamwanyah okwa popi kutya ke wete omatalululo taga ka lundulula sha na ongele owala epangelo lya tala komathaneko go 2030 onga omalakano ihe ha nga oprograma. “Uupyakadhi kawu shi ondjodhi yo2030 ihe ooshoka tatu ningi mokwaadha omalalakano ngoka. Otashi kala ehepeko lyoonzo ngele otaya talulula omalalakano ngoka onga oprograma.” Pamaiyuvo ge, ngoka a li a gandja moshinyolwa momvula yo 2013, Ndumba okwa popi kutya omathaneko ngoka oge li endopo enene nosima yowala, sho geli owala pambaapila ihe itaga tulwa miilonga.
Okwa popi kutya ngele omathaneko ngoka oga tulwa miilonga, kape na uumbangi wu wetike mboka tawu holola ngaaka.
Momvula yo2017, omunongononi gulwe gwonkalo yopolotika, Henning Melber na ye okwa li a popi koshifokundaneki shoVillager kutya nonando okwa gwedhwa oomvula 20 nenge o 30 komathaneko ngoka itashi kwatha sha molwaashoka otaga ningwa owala pamadhilongo ihe itaku tulwa sha miilonga.
JEMIMA BEUKES
Comments
Namibian Sun
No comments have been left on this article