Omalimbililo kombinga yoshizemo shomakonaakono gokapale kaHosea Kutako
Aatseyinawa oya holola omaiyuvo kutya ngele okapale komatukodhila kaHosea Kutako International Airport (HKIA) oka tulwa pandondo yopevi koInternational Civil Aviation Organisation ICAO, shoka otashi ka etitha ekanitho lyoompito dhiilonga unene moshikondo shomatalelepo.
Omalimbililo gamwe oongoka kutya otashi ka guma noonkondo onklao yopaliko yaNamibia.
ICAO kwa tegelelwa a ka ninge omakonaakono muNovemba noshizemo shomakonaakono ngoka oshi na ondjundo onene kokapale hoka. Omakonakono ngoka oga etitha ku pitithwe oshimaliwa shoomiliyona 95 sha nuninwa okuninga omawapaleko mokapale hoka. Omutseyinawa mwiikwaliko, Klaus Schade okwa popi kutya oshikondo shomatalelepo otashi ka dhengwa nodhimbo onene ngele okapale hoka oka kanitha ondondo yopauyuni. Ekanitho lyondondo yopauyuni kokapale hoka itali ka guma owala oshikondo shaataleleipo ihe iikondo ayihe noongeshefa adhihe ndhoka hadhi gandja omayakulo koshikondo shoka. ICAO okwa li tula ongushu yoHKIA pevi momvula yo 2014, nokweetitha ehangano lyoAir Namibia li nambelithe odhila yawo yo Airbus 330 ndjoka hayi longithwa momalweendo pokati kaVenduka naFrankfurt moGaborone, Botswana.
Omahangano galwe gomatukodhila ngaashi Qatar, KLM oshowo Ethiopian Airlines oga tameke okulongitha okapale hoka, neshunitho pevi otali etitha omahangano ngoka ga ninguluke melongitho lyokapale hoka.
“Nonando air Namibia ota vulu okuninga omalongekidho galwe noku longitha okapale kaGaborone hoka aafaalelwa taya kala taya kuthwa ko noodhila ndhoka ooshona, omahangano gamwe ope na ompito onene ga hulithepo omalweendo gaVenduka sigo okapale hoka ka tulwa ishewe pondondo yopauyuni.”
Omutseyinawa ngoka okwa tsikile kutya shoka itashi gandja owala edhina ewinayi ihe otashi etitha woo ekanitho lyopaliko oshikondo shomatalelepo, naashoka osha nika oshiponga pethimbo ndika oshilongo shi li nale monkugo yina onkambe.
Omutseyinawa momatukodhila, Linden Birns, ngoka e li Omukomeho gwoPlane Talking, okwa popi kutya eshunitho pevi lyondondo yokapale hoka otali kala li na oshilanduli oshiwinayi keliko lyoshilongo. Nonando Namibia okwa tumbula okutya okwa hala okukala elila enene lyomangeshefelo mUumbugantu waAfrika, moNational Development Plan ye onti ne, eshuno pevi lyondondo yokapale hoka otali ka ya moshipala ondjodhi ndjoka. Air Namibia ina holola uumbanda washa nenge omalimbililo sho a ningilwa omapulaapulo okupitila mOmupopiliko gwehangano ndyoka, Paul Nakawa. Nakawa okwa popi kutya oye na omukumo kutya onkalo otayi ka kala yi li muuwanawa molwaashoka andola oya tseyithilwa nale ngele oshizemo otashika kala eshunitho pevi lyondondo yokapale hoka na oye na omukumo kutya okapale hoka otaka pika otutsa ndjoka tayi ka ningwa.
OGONE TLHAGE
Omalimbililo gamwe oongoka kutya otashi ka guma noonkondo onklao yopaliko yaNamibia.
ICAO kwa tegelelwa a ka ninge omakonaakono muNovemba noshizemo shomakonaakono ngoka oshi na ondjundo onene kokapale hoka. Omakonakono ngoka oga etitha ku pitithwe oshimaliwa shoomiliyona 95 sha nuninwa okuninga omawapaleko mokapale hoka. Omutseyinawa mwiikwaliko, Klaus Schade okwa popi kutya oshikondo shomatalelepo otashi ka dhengwa nodhimbo onene ngele okapale hoka oka kanitha ondondo yopauyuni. Ekanitho lyondondo yopauyuni kokapale hoka itali ka guma owala oshikondo shaataleleipo ihe iikondo ayihe noongeshefa adhihe ndhoka hadhi gandja omayakulo koshikondo shoka. ICAO okwa li tula ongushu yoHKIA pevi momvula yo 2014, nokweetitha ehangano lyoAir Namibia li nambelithe odhila yawo yo Airbus 330 ndjoka hayi longithwa momalweendo pokati kaVenduka naFrankfurt moGaborone, Botswana.
Omahangano galwe gomatukodhila ngaashi Qatar, KLM oshowo Ethiopian Airlines oga tameke okulongitha okapale hoka, neshunitho pevi otali etitha omahangano ngoka ga ninguluke melongitho lyokapale hoka.
“Nonando air Namibia ota vulu okuninga omalongekidho galwe noku longitha okapale kaGaborone hoka aafaalelwa taya kala taya kuthwa ko noodhila ndhoka ooshona, omahangano gamwe ope na ompito onene ga hulithepo omalweendo gaVenduka sigo okapale hoka ka tulwa ishewe pondondo yopauyuni.”
Omutseyinawa ngoka okwa tsikile kutya shoka itashi gandja owala edhina ewinayi ihe otashi etitha woo ekanitho lyopaliko oshikondo shomatalelepo, naashoka osha nika oshiponga pethimbo ndika oshilongo shi li nale monkugo yina onkambe.
Omutseyinawa momatukodhila, Linden Birns, ngoka e li Omukomeho gwoPlane Talking, okwa popi kutya eshunitho pevi lyondondo yokapale hoka otali kala li na oshilanduli oshiwinayi keliko lyoshilongo. Nonando Namibia okwa tumbula okutya okwa hala okukala elila enene lyomangeshefelo mUumbugantu waAfrika, moNational Development Plan ye onti ne, eshuno pevi lyondondo yokapale hoka otali ka ya moshipala ondjodhi ndjoka. Air Namibia ina holola uumbanda washa nenge omalimbililo sho a ningilwa omapulaapulo okupitila mOmupopiliko gwehangano ndyoka, Paul Nakawa. Nakawa okwa popi kutya oye na omukumo kutya onkalo otayi ka kala yi li muuwanawa molwaashoka andola oya tseyithilwa nale ngele oshizemo otashika kala eshunitho pevi lyondondo yokapale hoka na oye na omukumo kutya okapale hoka otaka pika otutsa ndjoka tayi ka ningwa.
OGONE TLHAGE
Comments
Namibian Sun
No comments have been left on this article