Omalelo goondoolopa inaga talika
Ongundu yoNational Unity Democratic Organisation (Nudo) oya popi kutya epangelo itali yambidhidha omalelo goondoolopa shagwana.
Omupopiliko gwongundu ndjoka, Joseph Kauandenge okwa popi kutya omalelo goondoolopa oga li ga pumbwa okukala gotango megandjo lyomayakulo gongushu kaakwashigwana moshilongo.
Kauandenge okwa popi kutya nonando omalelo ngoka oga pumbwa okukala taga gandja andola omayakulo ga dhenga mbanda koshigwana, epangelo inali kala tali tala omalelo ngoka konima nkene oshilongo sha manguluka.
“Omalelo goondoolopa otaga ihumbatelwa onga oshikondo shi li muuministeli wEyambulepo lyOondoolopa nIitopolwa ihe hangaashi iiputudhilo yiidhikamena yi na oonkondo dhokugwanitha po iilonga yawo yene.”
Okwa tsikileko kutya eyo pombanda lyomalukanda moondolopa, oshi li oshizemo shendopo lyepangelo oku gandja oonkondo komalelo goondoolopa.
“Ethimbo olya thikana opo epangelo li mone kutya sigo uuna ndoka omalelo goondoolopa inaga nkondopekwa okuza kepangelo nena onkalo ndjoka otayi tsikile.”
Kauandenge okwa popi kutya iilongo oyindji ngashiingeyi oya huma komeho okuza ponkalo ndjoka yokukala tayi ihumbatele omalelo goondoolopa pamukalo ngoka oshilongo shetu tashi ihumbatele omalelo goomuni, nomalelo ngoka oga pumbwa okunkondopekwa opo ga vule okugandja omayakulo gadhengambanda kaakwashigwana.
Okwa tsikile ta ti kashi li mondjila sho omupresidende Hage Geingob ta popi kutya Namibia okuli mondjila ombwaananwa yokukandulapo oluhepo okupitila mondungethaneko ye yoHarambee Prosperity Plan.
Okwa popi kutya, pamaiyuvo ge oHarambee Prosperity Plan oyi na omauvaneko ogendji omawanawa ihe otashi kala oshidhigu okutula miilonga omauvaneko ngoka.
“Paufupi sigo ethimbo ndyoka aaleli yepangelo taya tsikile nokwiiyambapaleka niimaliwa yoshigwana, sigo ethimbo ndyoka ootendela tadhi pewa owala aantu yamwe po, ngele uulingilingi otawu tsikile na otaku gamenwa oonakulonga uulingilingi nena onkalo moka mu na oshilongo otayi tsikile.”
OMUTOOLINKUNDANA GWOMENI
Omupopiliko gwongundu ndjoka, Joseph Kauandenge okwa popi kutya omalelo goondoolopa oga li ga pumbwa okukala gotango megandjo lyomayakulo gongushu kaakwashigwana moshilongo.
Kauandenge okwa popi kutya nonando omalelo ngoka oga pumbwa okukala taga gandja andola omayakulo ga dhenga mbanda koshigwana, epangelo inali kala tali tala omalelo ngoka konima nkene oshilongo sha manguluka.
“Omalelo goondoolopa otaga ihumbatelwa onga oshikondo shi li muuministeli wEyambulepo lyOondoolopa nIitopolwa ihe hangaashi iiputudhilo yiidhikamena yi na oonkondo dhokugwanitha po iilonga yawo yene.”
Okwa tsikileko kutya eyo pombanda lyomalukanda moondolopa, oshi li oshizemo shendopo lyepangelo oku gandja oonkondo komalelo goondoolopa.
“Ethimbo olya thikana opo epangelo li mone kutya sigo uuna ndoka omalelo goondoolopa inaga nkondopekwa okuza kepangelo nena onkalo ndjoka otayi tsikile.”
Kauandenge okwa popi kutya iilongo oyindji ngashiingeyi oya huma komeho okuza ponkalo ndjoka yokukala tayi ihumbatele omalelo goondoolopa pamukalo ngoka oshilongo shetu tashi ihumbatele omalelo goomuni, nomalelo ngoka oga pumbwa okunkondopekwa opo ga vule okugandja omayakulo gadhengambanda kaakwashigwana.
Okwa tsikile ta ti kashi li mondjila sho omupresidende Hage Geingob ta popi kutya Namibia okuli mondjila ombwaananwa yokukandulapo oluhepo okupitila mondungethaneko ye yoHarambee Prosperity Plan.
Okwa popi kutya, pamaiyuvo ge oHarambee Prosperity Plan oyi na omauvaneko ogendji omawanawa ihe otashi kala oshidhigu okutula miilonga omauvaneko ngoka.
“Paufupi sigo ethimbo ndyoka aaleli yepangelo taya tsikile nokwiiyambapaleka niimaliwa yoshigwana, sigo ethimbo ndyoka ootendela tadhi pewa owala aantu yamwe po, ngele uulingilingi otawu tsikile na otaku gamenwa oonakulonga uulingilingi nena onkalo moka mu na oshilongo otayi tsikile.”
OMUTOOLINKUNDANA GWOMENI
Comments
Namibian Sun
No comments have been left on this article