Omakwatathano gointerneta ogapumbwa okondolola - Omupevi presidende
Omupevi presidende, Nickey Iyambo okwa popi kutya, okwa pumbwa okutulwa miilonga omikalo ndhoka tadhi indike aantu mokulongitha omakwatatahano gopainternet, ngaashi Facebook noWhatsApp mokutuka aakuluntu nokupiyaganeka ombili moshilongo.
Iyambo okwa li a popi poshituthi shegandjo lyomagano sha ningililwe mondoolopa yaNdangwa mEtitano lya piti.
Okwa ti kutya AaNamibia unene aagundjuka otaya longitha omakwatathano ngaka, mokutaandelitha uuvideo wiihulo, oompangela dhili ompinge nepangelo, uukwamuhoko, okatongo nomatukano.
“Onda limbililwa ke yo pombanda lyiinima itayi tungu mbyoka tayi ningwa komapandja ngaka, unene kaanyasha naakuluntu mboka ya li ye na okukala ye shi ondjoolola pokati kuuwanawa nuuwinayi oshowo ondjokonona yoshilongo. Otashi ulike kutya aantu inaya hala ombili onkene oya hala okuteya po oshilongo nokupiyaganeka ombili ndjoka ya pula ekunguluko lyoombinzi dhAaNamibia oyendji ,” Iyambo ta ti.
Okwa popi woo kutya, shimwe tashi halutha osho shika kutya naaniilonga yepangelo otaya longitha omakwatathano ngaka, mokuhwahwameka uukwamuhoko nokatongo mokati kaakwashigwana ooyakwawo naazaizai oshowo epangelo, okwa gandja oshiholelwa shiikolokosha mbyoka ya holoka omasiku ngaka ga piti muumbugantu woshilongo pokati komihoko mbali.
Omapopyo gaIyambo oga landula oshiningwanima sho shiwike sha piti, moka omupevi minista nale mUuministeli wOmavi nOmatulululo, Bernadus Swartbooi, ali uula omupombanda gwe nale miilonga, Utoni Nujoma, sha ningilwa montaneho yiilyo yomutumba gwomegumbo lyopashigwana.
Swartbooi okwali uula Nujoma kutya ye“egoya”. Omalaka ngaka ogeeta omananathano noompata komapandja gomakwatathano gopainterneta.
Omwedhi gwa piti, okavideo komukiintu a hokanwa eli ponkatu yilimbilika yopaihulo nomulumentu gwontumba okali kapitithwa komakwatathano goWhatsApp. Aanapolotika yoongundu dha yooloka moshilongo oshowo mongundu yoSwapo otaya longitha wo omakwatathano ngaka mokunyana epangelo omolwa ompumbwe yoshimaliwa moka oshilongo shii adha shili oshowo iikumungu yevi.
Iyambo okwa pula iikondo ngaashi, Ombelewa yOmuprima, Uuministeli wEgameno oshowo Uuministeli wOmauyelele nOmakwatathano goPautekinika wu katuke oonkatu omolwa onkalo ndjika.
Okwa popi kutya ngele omakwatathano ngaka oga li taga longithwa mondjila, nena andola otaga vulu okuyambulapo oshilongo pamakwatathano nonkalonawa.
Hugunina Iyambo okwa pula aakwashigwana ya kambadhale okukandulapo omikundu nomaupyakadhi ga taalela oshigwana momukalo guukumwe nombili. Okwa pula omusindalandu gwelongo moshilongo opo gu kuthe po oshinakugwanithwa shoku tekula aanona ya ninge aakuluntu ye na esiloshimpwiyu yo taya kala yena esimaneko naakuluntu aakwawo yepupi lyawo no kusimaeka wo omithigululwakalo.
KENYA KAMBOWE
Iyambo okwa li a popi poshituthi shegandjo lyomagano sha ningililwe mondoolopa yaNdangwa mEtitano lya piti.
Okwa ti kutya AaNamibia unene aagundjuka otaya longitha omakwatathano ngaka, mokutaandelitha uuvideo wiihulo, oompangela dhili ompinge nepangelo, uukwamuhoko, okatongo nomatukano.
“Onda limbililwa ke yo pombanda lyiinima itayi tungu mbyoka tayi ningwa komapandja ngaka, unene kaanyasha naakuluntu mboka ya li ye na okukala ye shi ondjoolola pokati kuuwanawa nuuwinayi oshowo ondjokonona yoshilongo. Otashi ulike kutya aantu inaya hala ombili onkene oya hala okuteya po oshilongo nokupiyaganeka ombili ndjoka ya pula ekunguluko lyoombinzi dhAaNamibia oyendji ,” Iyambo ta ti.
Okwa popi woo kutya, shimwe tashi halutha osho shika kutya naaniilonga yepangelo otaya longitha omakwatathano ngaka, mokuhwahwameka uukwamuhoko nokatongo mokati kaakwashigwana ooyakwawo naazaizai oshowo epangelo, okwa gandja oshiholelwa shiikolokosha mbyoka ya holoka omasiku ngaka ga piti muumbugantu woshilongo pokati komihoko mbali.
Omapopyo gaIyambo oga landula oshiningwanima sho shiwike sha piti, moka omupevi minista nale mUuministeli wOmavi nOmatulululo, Bernadus Swartbooi, ali uula omupombanda gwe nale miilonga, Utoni Nujoma, sha ningilwa montaneho yiilyo yomutumba gwomegumbo lyopashigwana.
Swartbooi okwali uula Nujoma kutya ye“egoya”. Omalaka ngaka ogeeta omananathano noompata komapandja gomakwatathano gopainterneta.
Omwedhi gwa piti, okavideo komukiintu a hokanwa eli ponkatu yilimbilika yopaihulo nomulumentu gwontumba okali kapitithwa komakwatathano goWhatsApp. Aanapolotika yoongundu dha yooloka moshilongo oshowo mongundu yoSwapo otaya longitha wo omakwatathano ngaka mokunyana epangelo omolwa ompumbwe yoshimaliwa moka oshilongo shii adha shili oshowo iikumungu yevi.
Iyambo okwa pula iikondo ngaashi, Ombelewa yOmuprima, Uuministeli wEgameno oshowo Uuministeli wOmauyelele nOmakwatathano goPautekinika wu katuke oonkatu omolwa onkalo ndjika.
Okwa popi kutya ngele omakwatathano ngaka oga li taga longithwa mondjila, nena andola otaga vulu okuyambulapo oshilongo pamakwatathano nonkalonawa.
Hugunina Iyambo okwa pula aakwashigwana ya kambadhale okukandulapo omikundu nomaupyakadhi ga taalela oshigwana momukalo guukumwe nombili. Okwa pula omusindalandu gwelongo moshilongo opo gu kuthe po oshinakugwanithwa shoku tekula aanona ya ninge aakuluntu ye na esiloshimpwiyu yo taya kala yena esimaneko naakuluntu aakwawo yepupi lyawo no kusimaeka wo omithigululwakalo.
KENYA KAMBOWE
Comments
Namibian Sun
No comments have been left on this article