Omahogololo gaaleli yaSwapo otaga tameke mEtine
Elelo lyaSwapo olya e ta polweela etopoko mongundu sho ongundu ndjoka kwa tegelelwa yi ninge omutumba gwomahogololo gwaaleli yongundu ndjoka mehuliloshiwike twa taalela.
Iilyo yimwe mongundu ndjoka otayi yambidhidha ngoka e li pehala lyomupresidende gwongundu Hage Geingob pamwe nongundu ye ndjoka tayi iyithana Harambee, opo a vule okukutha ko elelo lyongundu omanga yalwe taya yambidhidha Nahas Angula oshowo Jerry Ekandjo pamwe nongundu yawo yoTeam Swapo. Oongundu ndhoka mbali odha kala dha taalelathana nokuninga omahwahwameko moshigwana opo dhi vule okuhogololwa. Pethimbo lyomahwahwameko ngoka ga ningwa mehuliloshiwike, Ominista yEgameno, Penda Ya Ndakolo okwa pula opo Geingob a kuthe miilonga oominista ndhoka dhi li ompinge nelelo lye. Okwa popi kutya ongundu yoTeam Swapo, ndjoka ya popi kutya elelo lyaGeingob oli na uulingilingi na kali na oonkondo oya pumbwa okuungaungiwa nayo.
Gumwe gwomaanongononi yopolotika, Ndumba Kamwanyah okwa holola omaiyuvo ge kutya okuwete kutya omananathano mongundu yoSwapo, otaga ka tsikila nonando omutumba gwomahogololo ogwa manithwa.
Okwa popi kutya okutala komahwahwameko ngoka taga ningwa koongundu ndhoka mbali adhihe dhili oshitopolwa shongundu yoSwapo, otaga yi kokule sho oongundu ndhoka itadhi vulathana, pakutala komapandja gomakwatathano gopainternet.
Ongundu ndjoka tayi yambidhidha Geingob oyi wete kutya kashi li mondjila sho pe na aahogololwa yalwe, omanga ongundu yoTeam Swapo, tayi longitha omaiyuvo ngoka mokuninga omahwahwameko gawo.
Ongundu yoTeam Swapo, oya thikama po muPendukeni Iivula-Ithana, Helmut Angula, Armas Amukwiyu, Petrina Haingura oshowo Martha Namundjebo-Tilahun, omanga ndjoka tayi yambidhidha Geingob ya thikama po muNetumbo Nandi-Ndaitwah , Sophia Shaningwa oshowo Marco Hausiku.
Kamwanyah okwa popi kutya ongundu yoSwapo oya pumbwa okutula miilonga oompangela ndhoka tadhi ka longithwa konima yomahogololo gaaleli yongundu opo oongundu ndhoka mbali dhi vule okutaambako iizemo kehe mbyoka tayi ka za momahogoolo ngoka.
Shika otashi ka kala oshikando shotango mondjokonona yongundu omupresidende gwongundu ndjoka ta hogololwa.. Omunonongoni gulwe gwopolotika, Uazuva Kaumbi, oku na einekelo kutya Swapo oye ta kala omusindani pehulilo. Okwa popi kutya omananathano ngoka otaga ulike kutya ongundu otayi logitha uundemokoli, nopehulilo mboka otaya ka ya kumwe. Omutumba gwomahogololo otagu tameke mEtine mOvenduka.
JEMIMA BEUKES
Iilyo yimwe mongundu ndjoka otayi yambidhidha ngoka e li pehala lyomupresidende gwongundu Hage Geingob pamwe nongundu ye ndjoka tayi iyithana Harambee, opo a vule okukutha ko elelo lyongundu omanga yalwe taya yambidhidha Nahas Angula oshowo Jerry Ekandjo pamwe nongundu yawo yoTeam Swapo. Oongundu ndhoka mbali odha kala dha taalelathana nokuninga omahwahwameko moshigwana opo dhi vule okuhogololwa. Pethimbo lyomahwahwameko ngoka ga ningwa mehuliloshiwike, Ominista yEgameno, Penda Ya Ndakolo okwa pula opo Geingob a kuthe miilonga oominista ndhoka dhi li ompinge nelelo lye. Okwa popi kutya ongundu yoTeam Swapo, ndjoka ya popi kutya elelo lyaGeingob oli na uulingilingi na kali na oonkondo oya pumbwa okuungaungiwa nayo.
Gumwe gwomaanongononi yopolotika, Ndumba Kamwanyah okwa holola omaiyuvo ge kutya okuwete kutya omananathano mongundu yoSwapo, otaga ka tsikila nonando omutumba gwomahogololo ogwa manithwa.
Okwa popi kutya okutala komahwahwameko ngoka taga ningwa koongundu ndhoka mbali adhihe dhili oshitopolwa shongundu yoSwapo, otaga yi kokule sho oongundu ndhoka itadhi vulathana, pakutala komapandja gomakwatathano gopainternet.
Ongundu ndjoka tayi yambidhidha Geingob oyi wete kutya kashi li mondjila sho pe na aahogololwa yalwe, omanga ongundu yoTeam Swapo, tayi longitha omaiyuvo ngoka mokuninga omahwahwameko gawo.
Ongundu yoTeam Swapo, oya thikama po muPendukeni Iivula-Ithana, Helmut Angula, Armas Amukwiyu, Petrina Haingura oshowo Martha Namundjebo-Tilahun, omanga ndjoka tayi yambidhidha Geingob ya thikama po muNetumbo Nandi-Ndaitwah , Sophia Shaningwa oshowo Marco Hausiku.
Kamwanyah okwa popi kutya ongundu yoSwapo oya pumbwa okutula miilonga oompangela ndhoka tadhi ka longithwa konima yomahogololo gaaleli yongundu opo oongundu ndhoka mbali dhi vule okutaambako iizemo kehe mbyoka tayi ka za momahogoolo ngoka.
Shika otashi ka kala oshikando shotango mondjokonona yongundu omupresidende gwongundu ndjoka ta hogololwa.. Omunonongoni gulwe gwopolotika, Uazuva Kaumbi, oku na einekelo kutya Swapo oye ta kala omusindani pehulilo. Okwa popi kutya omananathano ngoka otaga ulike kutya ongundu otayi logitha uundemokoli, nopehulilo mboka otaya ka ya kumwe. Omutumba gwomahogololo otagu tameke mEtine mOvenduka.
JEMIMA BEUKES
Comments
Namibian Sun
No comments have been left on this article