Omagumbo gopoloyeka yomass housing geli pe 1 201 kage na aantu
Omupresidende gwongundu yoRDP, Mike Kavekotora okwa popi kutya oshiyetwapo shetungo lyomagumbo gehwata moshilongo shoka sha li sha nuninwa okukandula po ompumbwe yomagumbo moshigwana oshili opoloyoeka yopapolotika ya ndopa.
Omagumbo geli po 1 201 ngoka ga tungwa kohi yopoloyeka yomass housing konyala moondoolopa oonene moshilongo, kage na aantu molwaashoka gamwe inaga pwa, gamwe ogeli monkalo yanaipala nenge ondando itayi vulika.
Omagumbo geli pe 1 108 gomomwaalu ngoka otaga longwa natango omanga geli po 93 ga pwa ihe kage na aantu natango.
Uuyelele mboka owa gandjwa kuuministeli weyambulepo lyoondoolopa niitopolwa mOmutumba gwoPashigwana. Omupeha minista Derek Klazen okwa li ta yamukula komapulo ga ningwa kOmupresidende gwongundu yoRally for Democracy and Progress (RDP), Mike Kavekotora Etine lyoshiwike sha piti.
Kavekotora okwa popi kutya oshiyetwapo shoka oshili opoloyeka yopapolotika ya ndopa, molwaashoka inayi dhilaadhilwa nawa, ta popi kombinga yomagumbo kage na aantu, geli monkalo ombwiinayi oshowo ondilo yago.
Sho a yamukula, Klazen okwa popi kutya omagumbo geli po 3 958 oga tungwa kohi yopoloyeka ndjoka yepangelo. Okwa popi kutya omagumbo ogeli poondondo dha yooloka nomagumbo geli po 2 819 oga pwa nale okutungwa na otamu vulu okuya aantu.
Okwa gwedha ko kutya omagumbo geli pe 1 139 ogeli pokumanithwa, omanga 2 819 ga pwa na oge na nale aantu.
Omupeha minista okwa popi kutya omagumbo geli po 362 kage na natango aantu moshilandopangelo molwaashoka inamu tulwa natango omayakulo gamuni.
Mondoolopa yaOpuwo, omu na omagumbo geli po 24 ngoka natango taga tungwa omanga mondoolopa yaNkurenkuru egumbo limwe lya tegelela okupewa mwene. Ondoolopa yaTavi oyi na omagumbo gaali ngoka ga tegelela okupewa ooyene konima sho etulo lyominino dhiiyekelwahi momagumbo ngoka lya etitha ekateko.
Mondolopa yaKatima Mulilo, ehangano lyoNational Housing Enterprise (NHE) otali ka gandja omagumbo geli po 17 kooyene omanga gaali ga pewa nale ooyene.
Mondoolopa yaKarasburg, omagumbo geli po 57 kage na aantu molwaashoka oge na ondilo na kape na aantu mboka taye ga vulu, omanga geli po 83 taga tungwa moKaiti.
Omagumbo geli gane moRundu kage na aantu molwaashoka oga yonagulwa komvula onene. Omanga moondoolopa ngaashi Lüderitz omu na egumbo limwe kali na omuntu, Outjo natango egumbo limwe kali na omuntu, Khorixas omagumbo gaali kage na aantu omanga Mariental mu na omagumbo gatatu ogo kage na aantu.
Mondoolopa yaHenties Bay, omagumbo geli gatatu kage na aantu sha etitha kekaleko lyomatsokumwe gomalando.
NAMPA
Omagumbo geli pe 1 108 gomomwaalu ngoka otaga longwa natango omanga geli po 93 ga pwa ihe kage na aantu natango.
Uuyelele mboka owa gandjwa kuuministeli weyambulepo lyoondoolopa niitopolwa mOmutumba gwoPashigwana. Omupeha minista Derek Klazen okwa li ta yamukula komapulo ga ningwa kOmupresidende gwongundu yoRally for Democracy and Progress (RDP), Mike Kavekotora Etine lyoshiwike sha piti.
Kavekotora okwa popi kutya oshiyetwapo shoka oshili opoloyeka yopapolotika ya ndopa, molwaashoka inayi dhilaadhilwa nawa, ta popi kombinga yomagumbo kage na aantu, geli monkalo ombwiinayi oshowo ondilo yago.
Sho a yamukula, Klazen okwa popi kutya omagumbo geli po 3 958 oga tungwa kohi yopoloyeka ndjoka yepangelo. Okwa popi kutya omagumbo ogeli poondondo dha yooloka nomagumbo geli po 2 819 oga pwa nale okutungwa na otamu vulu okuya aantu.
Okwa gwedha ko kutya omagumbo geli pe 1 139 ogeli pokumanithwa, omanga 2 819 ga pwa na oge na nale aantu.
Omupeha minista okwa popi kutya omagumbo geli po 362 kage na natango aantu moshilandopangelo molwaashoka inamu tulwa natango omayakulo gamuni.
Mondoolopa yaOpuwo, omu na omagumbo geli po 24 ngoka natango taga tungwa omanga mondoolopa yaNkurenkuru egumbo limwe lya tegelela okupewa mwene. Ondoolopa yaTavi oyi na omagumbo gaali ngoka ga tegelela okupewa ooyene konima sho etulo lyominino dhiiyekelwahi momagumbo ngoka lya etitha ekateko.
Mondolopa yaKatima Mulilo, ehangano lyoNational Housing Enterprise (NHE) otali ka gandja omagumbo geli po 17 kooyene omanga gaali ga pewa nale ooyene.
Mondoolopa yaKarasburg, omagumbo geli po 57 kage na aantu molwaashoka oge na ondilo na kape na aantu mboka taye ga vulu, omanga geli po 83 taga tungwa moKaiti.
Omagumbo geli gane moRundu kage na aantu molwaashoka oga yonagulwa komvula onene. Omanga moondoolopa ngaashi Lüderitz omu na egumbo limwe kali na omuntu, Outjo natango egumbo limwe kali na omuntu, Khorixas omagumbo gaali kage na aantu omanga Mariental mu na omagumbo gatatu ogo kage na aantu.
Mondoolopa yaHenties Bay, omagumbo geli gatatu kage na aantu sha etitha kekaleko lyomatsokumwe gomalando.
NAMPA
Comments
Namibian Sun
No comments have been left on this article