Olugodhi lwa tameke
Olugodhi kutya olye taka siandana po uuleli wongundu yoSwapo, olwa tameke, sho kwa tegelelwa ku ningwe omahogololo gaaleli yongundu ndjoka momutumba gwomahogololo ngoka tagu ningwa omwedhi twa taalela.
Elelo lyongundu yoSwapo olya ningi omutumba mOsoondaha moshilandopangelo na olya hololwa polweela nokuninga omahogololo gaamboka taya ka kutha ombinga methigathano lyoshipundi shuupresidende wongundu, omupeha presidende, amushanga oshowo omupeha amushanga.
Nonando okwa kala omapopyo kutya omupresidende Hage Geingob itaka kondjithwa methigathano ndyoka, ethigathano ndyoka olya tseyithwa kutya olya patuluka, naakondjithi yaGeingob oya hololwa.
Aanapolotika mboka taya ka kondjitha Geingob ongaashi omunapolotika e li moshipundi shevululuko, Nahas Angula, oshowo ominista yOmaudhano, Jerry Ekandjo.
Omupevi presidende, methigathano omu na Helmut Angula, Pendukeni Iivula-Ithana naNetumbo Nandi-Ndaitwah.
Methigathano lyuuamushanga wongundu omu na oArmas Amukwiyu naSophia Shaningwa omanga lyuupeha amushanga, Martha Namundjebo-Tilahun, Marco Hausiku naPetrina Haingura.
Pethimbo lyomutumba ngoka gwa ningwa, Geingob okwa popi kutya ethigathano ndyoka olya manguluka, ihe okwa kunkilile opo aanapolotika ka ya ninge olugodhi ndoka oshinima shopaumwene nokweeta iikonene pokati kawo.
Geingob ngoka a kala ta longo pehala lyomupresidende wongundu okutameka mo-201,5 konima nkene omuleli nale, Hifikepunye Pohamba e mu pe oshipundishuuleli, okwa popi kutya ethigathano ndyoka otali ka kala euliko lyuundemokoli moshilongo.
NUNW ita tsu kumwe
Konima owala yowili oonshona sho omutumba gwelelo lyoSwapo gwa manithwa, oNational Union of Namibian Workers (NUNW), oya nyenyeta nokulundila amushanga gwongundu yoSwapo, Nangolo Mbumba kutya okwa yi moshipala ehogololo lyaaulikwa yongongahangano ndjoka tayi kalelepo aaniilonga.
NUNW okwa popi kutya okwa tseyithila Mbumba kutya omupresidende nale gwoNUNW, Kasuta ota kuthwa oonkondo opo ka vule okukutha ombinga miinyangadhalwa ayihe yongundu naAlbert Liswaniso oye ta longo pehala lyomupresidende gwongunduihe shoka inashi landulwa.
Mombaapila yimwe ndjoka ya pewa Mbumba, oya holola kutya
Petrus Nevonga oye ta kala omukalelipo gwehangano ndyoka momutumba gwoSwapongoka tagu ka ulika aakuthimbinga methigathano, oshowo omusholondondo gwaaulikwa otagu ka tuminwa Mbumba.
Oya popi kutya Mbumba okwa tsikile nokulongitha edhina lya Kasuto onga omupresidende gwoNUNW. Omukalelipo gwoNUNW, Nevonga, okwa li a kuthwa mo momutumba gwelelo lyoSwapo, namushanga gwoNUNW, Job Muniaro, okwa popi kutya shoka otashi tumu etumwalaka lya yooloka kaaniilonga, molwaashoka omatokolo gawo, gomuhogololwa gwawo, oga patelwa pondje.
CATHERINE SASMAN
Nonando okwa kala omapopyo kutya omupresidende Hage Geingob itaka kondjithwa methigathano ndyoka, ethigathano ndyoka olya tseyithwa kutya olya patuluka, naakondjithi yaGeingob oya hololwa.
Aanapolotika mboka taya ka kondjitha Geingob ongaashi omunapolotika e li moshipundi shevululuko, Nahas Angula, oshowo ominista yOmaudhano, Jerry Ekandjo.
Omupevi presidende, methigathano omu na Helmut Angula, Pendukeni Iivula-Ithana naNetumbo Nandi-Ndaitwah.
Methigathano lyuuamushanga wongundu omu na oArmas Amukwiyu naSophia Shaningwa omanga lyuupeha amushanga, Martha Namundjebo-Tilahun, Marco Hausiku naPetrina Haingura.
Pethimbo lyomutumba ngoka gwa ningwa, Geingob okwa popi kutya ethigathano ndyoka olya manguluka, ihe okwa kunkilile opo aanapolotika ka ya ninge olugodhi ndoka oshinima shopaumwene nokweeta iikonene pokati kawo.
Geingob ngoka a kala ta longo pehala lyomupresidende wongundu okutameka mo-201,5 konima nkene omuleli nale, Hifikepunye Pohamba e mu pe oshipundishuuleli, okwa popi kutya ethigathano ndyoka otali ka kala euliko lyuundemokoli moshilongo.
NUNW ita tsu kumwe
Konima owala yowili oonshona sho omutumba gwelelo lyoSwapo gwa manithwa, oNational Union of Namibian Workers (NUNW), oya nyenyeta nokulundila amushanga gwongundu yoSwapo, Nangolo Mbumba kutya okwa yi moshipala ehogololo lyaaulikwa yongongahangano ndjoka tayi kalelepo aaniilonga.
NUNW okwa popi kutya okwa tseyithila Mbumba kutya omupresidende nale gwoNUNW, Kasuta ota kuthwa oonkondo opo ka vule okukutha ombinga miinyangadhalwa ayihe yongundu naAlbert Liswaniso oye ta longo pehala lyomupresidende gwongunduihe shoka inashi landulwa.
Mombaapila yimwe ndjoka ya pewa Mbumba, oya holola kutya
Petrus Nevonga oye ta kala omukalelipo gwehangano ndyoka momutumba gwoSwapongoka tagu ka ulika aakuthimbinga methigathano, oshowo omusholondondo gwaaulikwa otagu ka tuminwa Mbumba.
Oya popi kutya Mbumba okwa tsikile nokulongitha edhina lya Kasuto onga omupresidende gwoNUNW. Omukalelipo gwoNUNW, Nevonga, okwa li a kuthwa mo momutumba gwelelo lyoSwapo, namushanga gwoNUNW, Job Muniaro, okwa popi kutya shoka otashi tumu etumwalaka lya yooloka kaaniilonga, molwaashoka omatokolo gawo, gomuhogololwa gwawo, oga patelwa pondje.
CATHERINE SASMAN
Comments
Namibian Sun
No comments have been left on this article