Olopota yoshizemo shoDNA ya kateke oshipotha
Epwaakeno lyoshipotha sha Uunandapo Eliaser (29) ngoka ta tamanekelwa oshipotha shedhipago lya ningwa mo2012 olya kala othika mOmpangulilo yOpombanda sho epangelo tali lundilwa kutya otali holeke oondokumende.
Eliaser ota tamanekelwa edhipago lyaWibartine Nambahu Ekaku (38), ngoka iitsuwa a sa momasiku 20 gaMaalitsa mo2012 momukunda Onghali mOshikandjo shaNdangwa moshitopolwa shaShana.
Ota tamanekelwa woo omuyeka kwahomatiwa, ekwatonkonga neteyo lyegumbo.
Pethimbo kwa tamekithwa oshipotha shoka oshiwike shika, omukalelipo gwopaveta gwaEliaser, Phineas Nsundano, okwa tseyithile Omupanguli Marlene Tommasi, kutya epangelo inali holola oondokumende adhihe dhi na sha noshipotha shoka tashi tamanekelwa Eliaser.
Nsudano okwa popi kutya omolwa onkalo ndjoka, ina vula okupulaapula David Hangula, ngoka eli omunambelewa omukonaakoni gwoshipotha shoka oshowo ombangi yepangelo moshipotha.
Nsudano omatompelo ge ogeli sho olopota yoforensic ndjoka yi na iizemo yomakonaakono goDNA, ngoka ga ningilwa omutamanekwa omutiyali moshipotha ngoka a li tulwa mipandeko esiku lya faathana pamwe nomuyakulwa gwe, inayi hololwa.
Okwa popi kutya olopota yoshipotha oya popya kombinga yomakonakono gopaali ngoka ga ningwa ihe inayi holola iizemo ayihe yomakonaakono ngoka.
Nsudano okwa popi kutya kashi li pauyuuki epangelo opo li holeke ondokumende yiizemo ndjoka, komukalelipo gwopaveta.
Iipotha ayihe yali tayi tamanekelwa omutamenekwa omutiyali oya ekelwahi omanga oshipotha shoka sha li mompangu yopevi.
Sho Omupanguli Tommasi pula omufali gwiihokolola mompangu gwepangelo, Johan Pienaar kombinga yondokumende ndjoka yi na iizemo mbyoka tayi popiwa, Pienaar okwa lombwele ompangu kutya epangelo halyo li na ondokumende ndjoka.
Pienaar okwa pulwa opo a ningile omalelo gomondjila omapulaapulo kombinga yolopota ndjoka.
Okwa lombwele ompangu kutya omukomeho gwoshikondo shomakonaakono ngoka moNational Forensic Science Institute of Namibia, Maryn Swart, okwa li mefudho na otaga galukile mombelewa mEtitatu.
Okwa popi kutya otashi vulika kaku kale olopota ontiyali molwaashoka, Swart okwe mu tseyithile pangodhi kutya okwali owala a nduluka olopota yimwe.
Oshipotha shika otashi tsikile nena.
KENYA KAMBOWE
Eliaser ota tamanekelwa edhipago lyaWibartine Nambahu Ekaku (38), ngoka iitsuwa a sa momasiku 20 gaMaalitsa mo2012 momukunda Onghali mOshikandjo shaNdangwa moshitopolwa shaShana.
Ota tamanekelwa woo omuyeka kwahomatiwa, ekwatonkonga neteyo lyegumbo.
Pethimbo kwa tamekithwa oshipotha shoka oshiwike shika, omukalelipo gwopaveta gwaEliaser, Phineas Nsundano, okwa tseyithile Omupanguli Marlene Tommasi, kutya epangelo inali holola oondokumende adhihe dhi na sha noshipotha shoka tashi tamanekelwa Eliaser.
Nsudano okwa popi kutya omolwa onkalo ndjoka, ina vula okupulaapula David Hangula, ngoka eli omunambelewa omukonaakoni gwoshipotha shoka oshowo ombangi yepangelo moshipotha.
Nsudano omatompelo ge ogeli sho olopota yoforensic ndjoka yi na iizemo yomakonaakono goDNA, ngoka ga ningilwa omutamanekwa omutiyali moshipotha ngoka a li tulwa mipandeko esiku lya faathana pamwe nomuyakulwa gwe, inayi hololwa.
Okwa popi kutya olopota yoshipotha oya popya kombinga yomakonakono gopaali ngoka ga ningwa ihe inayi holola iizemo ayihe yomakonaakono ngoka.
Nsudano okwa popi kutya kashi li pauyuuki epangelo opo li holeke ondokumende yiizemo ndjoka, komukalelipo gwopaveta.
Iipotha ayihe yali tayi tamanekelwa omutamenekwa omutiyali oya ekelwahi omanga oshipotha shoka sha li mompangu yopevi.
Sho Omupanguli Tommasi pula omufali gwiihokolola mompangu gwepangelo, Johan Pienaar kombinga yondokumende ndjoka yi na iizemo mbyoka tayi popiwa, Pienaar okwa lombwele ompangu kutya epangelo halyo li na ondokumende ndjoka.
Pienaar okwa pulwa opo a ningile omalelo gomondjila omapulaapulo kombinga yolopota ndjoka.
Okwa lombwele ompangu kutya omukomeho gwoshikondo shomakonaakono ngoka moNational Forensic Science Institute of Namibia, Maryn Swart, okwa li mefudho na otaga galukile mombelewa mEtitatu.
Okwa popi kutya otashi vulika kaku kale olopota ontiyali molwaashoka, Swart okwe mu tseyithile pangodhi kutya okwali owala a nduluka olopota yimwe.
Oshipotha shika otashi tsikile nena.
KENYA KAMBOWE
Comments
Namibian Sun
No comments have been left on this article