Okwa tulwa miilonga ototwaveta yegameno lyiiyamakuti
Omutumba gwopashigwana ogwa tula miilonga ontotwaveta tayi ithanwa
Controlled Wildlife Products and Trade Amendment Bill.
Uuna ya ningwa oveta nena kehe omuzaizai taka monika ondjo kwiikwatelelwa koveta ndjoka, otaka indikwa okuya moshilongo.
Uuna ontotwaveta ndjoka ya kundathwana otayi kashainwa yi ninge oveta komupresidende Hage Geingob nokutulwa pamushangwa gwopapangelo.
Ontotwaveta ndjoka oya tulwa miilonga momutumba gwopashigwana oshiwike sha piti, pamwe noontotwaveta dhilwe. Ontotwaveta ndjoka otayi pula opo omuzaizai kehe taka monika ondjo miimbuluma yiinasha niiyamakuti opo a indikwe okuya moNamibia. Shoka otashi ka kwatelamo aazaizai ayehe taya ka adhika ye na iinima ya indikwa okuza kiiyamakuti.
Ontotwaveta otayi pula opo egeelo lyaamboka taya ka a dhika ye na iinima ya za kiiyamakuti ngaashi andola omayego goondjamba nooniga dhoompanda okutumbulapo owala yimwe, yapewe egeelo lyoshimaliwa shoomiliyona 15, na kayi shi we oshimaliwa shooN$20 000 ngaashi shili po ngashiingeyi.
Egeelo lyodholongo otali kala okuza poomvula ntano okuza poomvula 15.
Egeelo lyokulanditha iinima ya za kiiyamakuti ya gamenwa otali gwedhelwa okuza pooN$200 000 okuya poomiliyona 25, nenge oomvula 20 sigo 25 mondholongo.
Ontotwaveta ndjoka oya pula woo ekondopeko lyoonkondo opo epangelo li vule okukala tali kwatako omaliko ngoka ga monika okuza miimbuluma yalongekidhwa, nokukondjitha iimbuluma ya longekidha ano
Prevention of Organised Crime Act of 2004.
Ominista yomidhongoloko Pohamba Shifeta oya koleke etulo miilonga lyontotwaveta ndjoka.
Pahapu dhe ontotwaveta yoNature Conservation Amendment Bill otayi ka tulwa pamushangwa gwopapangelo nokushainwa komuleli gwoshilongo.
Minista okwa popi kutya ooveta ndhoka odha nuninwa uukongo waali paveta mboka wuli walundalala noonkondo moshilongo.
Okwa tsikile kutya uuministeli otawu longo nuudhiginini mokukondjitha uukongo mboka, niilonga yawo otayi e ta iiyimati iiwanawa sho inaku lopotwa nuumvo uukongo waali paveta woompanda mEtosha.
Shifeta ota pula opo ku tulwe miilonga oompangu dhokukwatela komeho iimbuluma yiiyamakuti moNamibia, opo ku vule okweendelelithwa iipotha yoludhi ndoka, mbyoka tayi pangulilwa moompangulilo dhoshilongo ndhoka tadhi ungaunga nale niipotha oyindji.
Okwa popi kutya uuministeli we otawu pataneke egandjo lyoomboloha kwaamboka taya tamanekelwa iipotha yiimbuluma yiiyamakuti. Nonando ongaaka okwa pula aapanguli ya longele kumwe nuuministeli uuna taku gandjwa oomboloha.
ELLANIE SMIT
Controlled Wildlife Products and Trade Amendment Bill.
Uuna ya ningwa oveta nena kehe omuzaizai taka monika ondjo kwiikwatelelwa koveta ndjoka, otaka indikwa okuya moshilongo.
Uuna ontotwaveta ndjoka ya kundathwana otayi kashainwa yi ninge oveta komupresidende Hage Geingob nokutulwa pamushangwa gwopapangelo.
Ontotwaveta ndjoka oya tulwa miilonga momutumba gwopashigwana oshiwike sha piti, pamwe noontotwaveta dhilwe. Ontotwaveta ndjoka otayi pula opo omuzaizai kehe taka monika ondjo miimbuluma yiinasha niiyamakuti opo a indikwe okuya moNamibia. Shoka otashi ka kwatelamo aazaizai ayehe taya ka adhika ye na iinima ya indikwa okuza kiiyamakuti.
Ontotwaveta otayi pula opo egeelo lyaamboka taya ka a dhika ye na iinima ya za kiiyamakuti ngaashi andola omayego goondjamba nooniga dhoompanda okutumbulapo owala yimwe, yapewe egeelo lyoshimaliwa shoomiliyona 15, na kayi shi we oshimaliwa shooN$20 000 ngaashi shili po ngashiingeyi.
Egeelo lyodholongo otali kala okuza poomvula ntano okuza poomvula 15.
Egeelo lyokulanditha iinima ya za kiiyamakuti ya gamenwa otali gwedhelwa okuza pooN$200 000 okuya poomiliyona 25, nenge oomvula 20 sigo 25 mondholongo.
Ontotwaveta ndjoka oya pula woo ekondopeko lyoonkondo opo epangelo li vule okukala tali kwatako omaliko ngoka ga monika okuza miimbuluma yalongekidhwa, nokukondjitha iimbuluma ya longekidha ano
Prevention of Organised Crime Act of 2004.
Ominista yomidhongoloko Pohamba Shifeta oya koleke etulo miilonga lyontotwaveta ndjoka.
Pahapu dhe ontotwaveta yoNature Conservation Amendment Bill otayi ka tulwa pamushangwa gwopapangelo nokushainwa komuleli gwoshilongo.
Minista okwa popi kutya ooveta ndhoka odha nuninwa uukongo waali paveta mboka wuli walundalala noonkondo moshilongo.
Okwa tsikile kutya uuministeli otawu longo nuudhiginini mokukondjitha uukongo mboka, niilonga yawo otayi e ta iiyimati iiwanawa sho inaku lopotwa nuumvo uukongo waali paveta woompanda mEtosha.
Shifeta ota pula opo ku tulwe miilonga oompangu dhokukwatela komeho iimbuluma yiiyamakuti moNamibia, opo ku vule okweendelelithwa iipotha yoludhi ndoka, mbyoka tayi pangulilwa moompangulilo dhoshilongo ndhoka tadhi ungaunga nale niipotha oyindji.
Okwa popi kutya uuministeli we otawu pataneke egandjo lyoomboloha kwaamboka taya tamanekelwa iipotha yiimbuluma yiiyamakuti. Nonando ongaaka okwa pula aapanguli ya longele kumwe nuuministeli uuna taku gandjwa oomboloha.
ELLANIE SMIT
Comments
Namibian Sun
No comments have been left on this article