Ohanana ya hupu moshiponga shohauto
Ohanana yoomwedhi mbali ya hupu
Oshiponga shohauto oshinyanyalithi osha faalele omwenyo gwomukiintu pamwe noyana yatatu, ongula yOmaandaha popepi noArandis.
Nakumona nomeho ngoka wo a thiki poshiponga shika tango okwa hokolola kutya okwa uvu okanona taka lili okuza mohauto pehala lyoshiponga shoka sha ningwa ongula yOmaandaha popepi noArandis.
Ohanana yoomwedhi mbali yedhina Rachika Armiera Dauses oya hupu kesilohenda lyOmuwa, nokwa lopotwa ya hupu moshiponga yaahena nando okapethili kasha noyili ya lalekwamo nale moshipangelo.
Omupya omunene yina yohanona ndjika pamwe nuumwayina utatu oya hulithila moshiponga shika. He Heindrick Hansie Dauseb a hupa moshiponga, shoka sha holoka konima sho ohauto yombaki yoNissan ontiligane oshowo ohauto yoVW Polo yiidhenge mumwe oshipala noshipala oshinano shookilometa 5 uuninginino waArandis.
Hilde Antonio Dauses, pamwe noyana Chansie Dauses (12), Rashida Dauses (9) naOubasen Dauseb (2) ayehe oya hulithile moshiponga shika.
“Okanona haka okateya omutima gwandje,”
Onno Onesmus, ngoka a thiki tango poshiponga ta ngaaka nonkumwe.
“Tango onda mono oPolo ya lala ongali, nomuntu a lala popepi nondunda yobakki nomagulu tagiinyenge ihe ota fudha nuudhigu. Kamwa li omuntu moPolo ihe ondali nduuvu okanona taka lili popepi nondunda yobakki yo Nissan. Kandali tandi vulu oku kamona no ka kanda li ndi na shoka tandi vulu okuninga. Onda mono othingo yomuntu ya patekena miitekela yoshiyenditho no nda fekele kutya okuna okukala yina yohanona. Oshinyanyalithi noonkondo.”
Onesmus okwa popi wo kutya okwali uuvu okanona kokakadhona taka lili no kupa ekwatho sho ka patekena moshihauto nokonima okwa mono kutya uunona owuli utatu.
Onesmus okwa thigi po owala ehala lyoshiponga konima sho opolisi ya thiki.
“Onda dhengele o112 lwopotundi 04:16, nonda undulilwa koSwakopo, ihe lwanima onda lombwelwa ndi tseyithile ondoolopa ndjoka yi li popepi, yo oyali oArandis. Ooindjina dhiihauto mbyoka ayihe iyali odhali dha talala tashi ulike kutya oshiponga osha holoka pwa pita ethimbo na kape na ngoka e shi mona. Aanambelewa yomakwatho oya thiki omanga ontano inayi dhenga.”
Mboka ya kala poshiponga shoka oya holola kutya otashi halutha noonkondo, molwaashoka oshali shapula elongtiho lyiisaha oku tetamo omalutu goonakusa oshowo mboka yeehamekwa miinyanyu yiihauto.
Omupeha Komufala gwopolisi yErongo, Ottilie Kashuupulwa okwa lombwele Namibian Sun kutya mohauto yombaki omwa li aantu yaheyali omanga moPolo mwa li owala omuhingi oye awike ngoka eehamekwa noonkondo.
Opolisi oya holola kutya otashi ulike kutya omuhingi gwoPolo okwa nyengwa okupangela osheenditho nosheetitha ohauto yigwe nokwiidhenga mombaki.
“Katu shi shi lela nawa kutya oshike sha holoka po ihe okutala komakonaakono ga ya mwepo, oga ulike kutya omuhingi gwoPolo okwa nyengwa kondalaye nokwiidhenga mombaki,” Kashuupulwa ta ti.
Nakuhinga oPolo okwa tumbulwa kedhina kutya omunamimvo 34, Leonard Shipopyeni Martin, na okuli monkalo ombwiinayi moshipangelo. Okanona kamwe hoka kali mombaki ka hupa moshiponga oShaun Haraseb, 12.
ONZONKUNDANA YOMWENI
Olopota ya gwedhwapo - Otis Finck
Nakumona nomeho ngoka wo a thiki poshiponga shika tango okwa hokolola kutya okwa uvu okanona taka lili okuza mohauto pehala lyoshiponga shoka sha ningwa ongula yOmaandaha popepi noArandis.
Ohanana yoomwedhi mbali yedhina Rachika Armiera Dauses oya hupu kesilohenda lyOmuwa, nokwa lopotwa ya hupu moshiponga yaahena nando okapethili kasha noyili ya lalekwamo nale moshipangelo.
Omupya omunene yina yohanona ndjika pamwe nuumwayina utatu oya hulithila moshiponga shika. He Heindrick Hansie Dauseb a hupa moshiponga, shoka sha holoka konima sho ohauto yombaki yoNissan ontiligane oshowo ohauto yoVW Polo yiidhenge mumwe oshipala noshipala oshinano shookilometa 5 uuninginino waArandis.
Hilde Antonio Dauses, pamwe noyana Chansie Dauses (12), Rashida Dauses (9) naOubasen Dauseb (2) ayehe oya hulithile moshiponga shika.
“Okanona haka okateya omutima gwandje,”
Onno Onesmus, ngoka a thiki tango poshiponga ta ngaaka nonkumwe.
“Tango onda mono oPolo ya lala ongali, nomuntu a lala popepi nondunda yobakki nomagulu tagiinyenge ihe ota fudha nuudhigu. Kamwa li omuntu moPolo ihe ondali nduuvu okanona taka lili popepi nondunda yobakki yo Nissan. Kandali tandi vulu oku kamona no ka kanda li ndi na shoka tandi vulu okuninga. Onda mono othingo yomuntu ya patekena miitekela yoshiyenditho no nda fekele kutya okuna okukala yina yohanona. Oshinyanyalithi noonkondo.”
Onesmus okwa popi wo kutya okwali uuvu okanona kokakadhona taka lili no kupa ekwatho sho ka patekena moshihauto nokonima okwa mono kutya uunona owuli utatu.
Onesmus okwa thigi po owala ehala lyoshiponga konima sho opolisi ya thiki.
“Onda dhengele o112 lwopotundi 04:16, nonda undulilwa koSwakopo, ihe lwanima onda lombwelwa ndi tseyithile ondoolopa ndjoka yi li popepi, yo oyali oArandis. Ooindjina dhiihauto mbyoka ayihe iyali odhali dha talala tashi ulike kutya oshiponga osha holoka pwa pita ethimbo na kape na ngoka e shi mona. Aanambelewa yomakwatho oya thiki omanga ontano inayi dhenga.”
Mboka ya kala poshiponga shoka oya holola kutya otashi halutha noonkondo, molwaashoka oshali shapula elongtiho lyiisaha oku tetamo omalutu goonakusa oshowo mboka yeehamekwa miinyanyu yiihauto.
Omupeha Komufala gwopolisi yErongo, Ottilie Kashuupulwa okwa lombwele Namibian Sun kutya mohauto yombaki omwa li aantu yaheyali omanga moPolo mwa li owala omuhingi oye awike ngoka eehamekwa noonkondo.
Opolisi oya holola kutya otashi ulike kutya omuhingi gwoPolo okwa nyengwa okupangela osheenditho nosheetitha ohauto yigwe nokwiidhenga mombaki.
“Katu shi shi lela nawa kutya oshike sha holoka po ihe okutala komakonaakono ga ya mwepo, oga ulike kutya omuhingi gwoPolo okwa nyengwa kondalaye nokwiidhenga mombaki,” Kashuupulwa ta ti.
Nakuhinga oPolo okwa tumbulwa kedhina kutya omunamimvo 34, Leonard Shipopyeni Martin, na okuli monkalo ombwiinayi moshipangelo. Okanona kamwe hoka kali mombaki ka hupa moshiponga oShaun Haraseb, 12.
ONZONKUNDANA YOMWENI
Olopota ya gwedhwapo - Otis Finck
Comments
Namibian Sun
No comments have been left on this article