Ofamili tayi pula uuyuuki omolwa eso lyaLavinia
Ofamili yomunamimvo 26, Lavinia 'Kalavi' Kagola, ngoka a hulithile moshipangelo shaVenduka konima sho a yahwa koholo yuumbwa kopolisi koongulasha dhesiku lyotango lyaSepetemba, otayi pula uuyuki omolwa eso lyomukwanezimo gwawo.
Omunyasha ngoka okwa yahwa kopolisi omanga opolisi yali tayi ningi oshikonga shokupata oondunda dhomalovu moKatutura molukanda lwaBabylon. Lavinia okwa fumbikwa mehuliloshiwike lya piti momukunda gwaandjawo Omaalala moka aakuluntu ye ya popi kutya oya li yemu hole noonkondo. Yina yaLavinia, Johanna Victor oshowo Patrick Kagola oya popi kutya okamona oka kala nokuya yambidhidha miinima ya yooloka.
Pethimbo lyoshikonga shoka, okwa tukuka iikolokosha sho aakwashigwana ya tameke taya umbu opolisi nomamanya. Opolisi oya umbu ooholo dhekunkililo. Victor okwa popi kutya esiku ndyoka okamona okali taka popi mongodhi na oka tokola okuya pondje taka popi mongodhi natango. “Onde mu uvu sho ta thikama a ye pondje na onda pula kutya omolwashike taka popila pondje. Konima owala yokathimbo sho a yi pondje onda uvu omitopelo dhoondjembo, na onga ondjodhi omuntu gumwe okwe ya kutse ta tondoka te tu lombwele kutya Lavinia okwa yahwa.” “Konima owala sho kwa monika kutya Lavinia okwa yahwa, opolisi oya yi mehauto lyawo nokuhinga tayi yi. Andola ngele oya li ye mu kutha po opo ye mu fale koshipangelo pethimbo otashi vulika a hupa,” Victor a popi. He yanakusa okwa popi kutya okamona oko kali oonkondo dhe. “Shika otashi kala aluhe uudhigu komapepe gandje sigo taya fala kompangu omudhipagi gwe. Uuyuni mbuka owuudha uukolokoshi ngashiingeyi naantu ngashiingeyi oya tila aantu yakwawo. Onda hala owala uuyuuki meso lyokanona kandje,” Kagola a popi. Omunambelewa omupopiliko gwopolisi, omupeha komufala, Edwin Kanguatjivi, okwa popi kutya omakonaakono otaga pula komeho natango. “Omakonaakono inaga manithwa natango. Ngele we ya pehala lyoshiningwanima kehe gumwe oku na ehokololo lye. Opwa li omahokololo ogendji ngoka itandi vulu okupopya pethimbo ndika.” Omunambelewa omukwatakanithi nomukonaakoni gwiimbuluma moshitopolwa shaKhomas, omupeha komufala Abner Agas, okwa lombwele iikundaneki kutya opolisi itayi vulu manga okupopya kutya oshike sha holoka po, molwaashoka opolisi oya li momudhingoloko gumwe omanga nakusa a li oshinano okuza mpoka pwa tukuka iikolokosha. “Shoka tu shi pethimbo ndika ooshoka owala kutya okwa yahwa mombunda na kakushiwike kutya oholo ndjoka oya zilila kondjembo yini.”
ILENI NANDJATO
Omunyasha ngoka okwa yahwa kopolisi omanga opolisi yali tayi ningi oshikonga shokupata oondunda dhomalovu moKatutura molukanda lwaBabylon. Lavinia okwa fumbikwa mehuliloshiwike lya piti momukunda gwaandjawo Omaalala moka aakuluntu ye ya popi kutya oya li yemu hole noonkondo. Yina yaLavinia, Johanna Victor oshowo Patrick Kagola oya popi kutya okamona oka kala nokuya yambidhidha miinima ya yooloka.
Pethimbo lyoshikonga shoka, okwa tukuka iikolokosha sho aakwashigwana ya tameke taya umbu opolisi nomamanya. Opolisi oya umbu ooholo dhekunkililo. Victor okwa popi kutya esiku ndyoka okamona okali taka popi mongodhi na oka tokola okuya pondje taka popi mongodhi natango. “Onde mu uvu sho ta thikama a ye pondje na onda pula kutya omolwashike taka popila pondje. Konima owala yokathimbo sho a yi pondje onda uvu omitopelo dhoondjembo, na onga ondjodhi omuntu gumwe okwe ya kutse ta tondoka te tu lombwele kutya Lavinia okwa yahwa.” “Konima owala sho kwa monika kutya Lavinia okwa yahwa, opolisi oya yi mehauto lyawo nokuhinga tayi yi. Andola ngele oya li ye mu kutha po opo ye mu fale koshipangelo pethimbo otashi vulika a hupa,” Victor a popi. He yanakusa okwa popi kutya okamona oko kali oonkondo dhe. “Shika otashi kala aluhe uudhigu komapepe gandje sigo taya fala kompangu omudhipagi gwe. Uuyuni mbuka owuudha uukolokoshi ngashiingeyi naantu ngashiingeyi oya tila aantu yakwawo. Onda hala owala uuyuuki meso lyokanona kandje,” Kagola a popi. Omunambelewa omupopiliko gwopolisi, omupeha komufala, Edwin Kanguatjivi, okwa popi kutya omakonaakono otaga pula komeho natango. “Omakonaakono inaga manithwa natango. Ngele we ya pehala lyoshiningwanima kehe gumwe oku na ehokololo lye. Opwa li omahokololo ogendji ngoka itandi vulu okupopya pethimbo ndika.” Omunambelewa omukwatakanithi nomukonaakoni gwiimbuluma moshitopolwa shaKhomas, omupeha komufala Abner Agas, okwa lombwele iikundaneki kutya opolisi itayi vulu manga okupopya kutya oshike sha holoka po, molwaashoka opolisi oya li momudhingoloko gumwe omanga nakusa a li oshinano okuza mpoka pwa tukuka iikolokosha. “Shoka tu shi pethimbo ndika ooshoka owala kutya okwa yahwa mombunda na kakushiwike kutya oholo ndjoka oya zilila kondjembo yini.”
ILENI NANDJATO
Comments
Namibian Sun
No comments have been left on this article