Nujoma a pula AaNamibia ya hogolole oSwapo
Omukokoli presidende okwa pula aakwashigwana yaNamibia ya ye momangungo komahala gokuhogololela momasiku 27 gaNovemba nokukutha ombinga momahogololo gomupresidende gwoshilongo oshowo omutumba gwopashigwana.
Sam Nujoma okwa ningi eindilo ndyoka pethimbo a popitha aakali poshigongi shomahwahwameko gomahogololo shongundu yoSwapo, shoka sha ningilwa mOshikuku moshitopolwa shaMusati.
Pethimbo lyoshigongi shoka sha ningwa mOlyomakaya, moka Nujoma a li omupopi a simana, okwa longitha ompito ndjoka nokuwayimina aakomeho yalwe yoSwapo mboka taya popi kutya, Hage Geingob, oye owala omuulikwa omupresidende gwongundu yoSwapo.
“Hogololeni Hage Geingob meyambulepo lyoshilongo,” Nujoma a popi.
Okwa gwedha po kutya AakwaSwapo naya unganeke aantu opo ya hogolole Swapo yi sindane momahogololo guupresidende oshowo omahogololo gOmutumba gwoPashigwana.
Okwa popi kutya Swapo okwa pyakudhukwa okukondjitha omaupyakadhi ngoka ga taalela oshigwana ngaashi oluhepo nokwaahena iilonga.
Nujoma okwa popi kombinga yetungo lyondjila Oshikuku-Onamutuku oshowo Oshikuku-Okalongo nondjila yomamanya yaShikuku-Etayi, ta popi kutya oyimwe yomoopoloyeka dha longwa kepangelo lyaSwapo moshikandjo shaShikuku.
Omuleli nale gwaNamibia okwa longitha ompito ndjoka okusimaneka omapendafule gaNamibia ga kalala nale moshitopolwa shaMusati ngaashi Aron Embashu, Erastus Shoopala oshowo Rehabeam Nambinga.
Nujoma okwa popi kutya omapenda ngoka goSwapo pamwe naakondjelimanguluko yalwe yoSwapo oya fumbikwa moombila inadhi dhidhilikwa moshitopolwa shaMusati.
Sho a popi poshigongi sha faathana, amushanga gwoSwapo, Sophia Shaningwa okwa holola einekelo kutya Geingob ota hogololwa momahogololo ngoka oshilongo sha taalela naahogololwa yalwe otaya ndopa.
Okwa popi kutya ye okwa shangitha owala Hage Geingob onga omuulikwahogololwa gwongundu yoSwapo.
NAMPA
Pethimbo lyoshigongi shoka sha ningwa mOlyomakaya, moka Nujoma a li omupopi a simana, okwa longitha ompito ndjoka nokuwayimina aakomeho yalwe yoSwapo mboka taya popi kutya, Hage Geingob, oye owala omuulikwa omupresidende gwongundu yoSwapo.
“Hogololeni Hage Geingob meyambulepo lyoshilongo,” Nujoma a popi.
Okwa gwedha po kutya AakwaSwapo naya unganeke aantu opo ya hogolole Swapo yi sindane momahogololo guupresidende oshowo omahogololo gOmutumba gwoPashigwana.
Okwa popi kutya Swapo okwa pyakudhukwa okukondjitha omaupyakadhi ngoka ga taalela oshigwana ngaashi oluhepo nokwaahena iilonga.
Nujoma okwa popi kombinga yetungo lyondjila Oshikuku-Onamutuku oshowo Oshikuku-Okalongo nondjila yomamanya yaShikuku-Etayi, ta popi kutya oyimwe yomoopoloyeka dha longwa kepangelo lyaSwapo moshikandjo shaShikuku.
Omuleli nale gwaNamibia okwa longitha ompito ndjoka okusimaneka omapendafule gaNamibia ga kalala nale moshitopolwa shaMusati ngaashi Aron Embashu, Erastus Shoopala oshowo Rehabeam Nambinga.
Nujoma okwa popi kutya omapenda ngoka goSwapo pamwe naakondjelimanguluko yalwe yoSwapo oya fumbikwa moombila inadhi dhidhilikwa moshitopolwa shaMusati.
Sho a popi poshigongi sha faathana, amushanga gwoSwapo, Sophia Shaningwa okwa holola einekelo kutya Geingob ota hogololwa momahogololo ngoka oshilongo sha taalela naahogololwa yalwe otaya ndopa.
Okwa popi kutya ye okwa shangitha owala Hage Geingob onga omuulikwahogololwa gwongundu yoSwapo.
NAMPA
Comments
Namibian Sun
No comments have been left on this article