Nudo a hogolola omupresidende gwotango omukiintu
Aanongononi yopolotika oya holola kutya ehogololo lya Utjiua Muinjangue onga omupresidende gwoNudo oli li esindano kaakiintu ayehe yaNamibia, na oya pula oongundu dhopolotika opo dhi kale naakiintu oyendji momalelo gopombada.
Utjiua Muinjangue, okwa hogololwa onga omupresidende gwoNational Unity Democratic Organisation (Nudo) konima sho a dhengemo momahogololo Vetaruhe Kandorozu pethimbo lyokongresa yongundu ndjoka, ya ningiwa mOvenduka mehuliloshiwike lya piti.
Pandjokonona yoshilongo, Muinjangue oye omukiintu gwotango ta hogololwa nokuningwa omupresidende gwongundu yopolitika.
Ndumba Kamwanya okwa popi kutya ehogololo lye oli li esindano kaakiintu na otali lundulula onkalo yopolotika moshilongo.
Kamwanya okwa tsikile kutya ehogololo lyomukiintu ngoka ponkatu yuupresidnde otashi ulike woo uudemokoli sho ta ka kala omukiintu gwotango ta kutha ombinga methigathano lyuuleli woshilongo.
Kombinga yimwe natango okwa popi kutya osha pumba omukiintu mongundu yontumba yopolotika a popiwe kutya okwa kutha ombinga muulingilingi okuyeleka unene naalumentu, ta popi kutya osha pumbiwa moshilongo opo aakiintu ya tulwe poompito dhuuleli wopombanda, onga omukalo gwoku yanda uulingilingi.
Nonando ongaaka Kamwanya okwa popi kutya oshindji natango osha pumbwa okuningwa opo aakiintu yendji ya tulwe poompito dhuuleli mongundu ndjoka.
Fanuel Kaapama okwa popi kutya nonando Nudo ota pandulwa omolwa onkatu ndjoka a katuka noku gandja oshipundi shuuleli wongundu komukiintu, shoka itashi ya pe ondjila yoku sindanapo omahogololo mOmutumba gwoPashigwana nenge guuPresidende ngoka taga ningwa nuumvo moshilongo.
Kaapama okwa popi ngaaka konima sho a pulwa ngele ehogololo lyaMuinjangue, otali ka etitha opo Nudo yi mone omawi ogendji pethimbo lyomahogololo ngoka taga ningwa nuumvo.
“Ope na iinima oyindji hayi talika uuna aahogololi taya tokola kutya otaya hogololwa lye, na ihaku talika unene kutya omuhogololwa gwongundu yontumba omukwashike kookantu. Omahogololo gawo ohaga hwahwamekwa kiinima ngaashi uukwamuhoko, iikumungu yopaukashike kookantu, nondjokonona. Ope na iinima oyindji,” Kaapama a popi.
Pahapu dhomuprofesa Nico Horn, okwa pandula Nudo sho a hogolola Muinjangue onga omupresodende gwe ta popi kutya oshi li onkatu ya simana ya katukwa kongundu ndjoka ya kala nokulundilwa kutya kayi na elandulathano.
Peter Kazongominja okwa hogololwa onga omupevi omupresidende gwoNudo, omanga Joseph Kauandenge a hogololwa onga amushanga-ndjai nomupeha gwe oUaraa Uapingene.
KENYA KAMBOWE
Pandjokonona yoshilongo, Muinjangue oye omukiintu gwotango ta hogololwa nokuningwa omupresidende gwongundu yopolitika.
Ndumba Kamwanya okwa popi kutya ehogololo lye oli li esindano kaakiintu na otali lundulula onkalo yopolotika moshilongo.
Kamwanya okwa tsikile kutya ehogololo lyomukiintu ngoka ponkatu yuupresidnde otashi ulike woo uudemokoli sho ta ka kala omukiintu gwotango ta kutha ombinga methigathano lyuuleli woshilongo.
Kombinga yimwe natango okwa popi kutya osha pumba omukiintu mongundu yontumba yopolotika a popiwe kutya okwa kutha ombinga muulingilingi okuyeleka unene naalumentu, ta popi kutya osha pumbiwa moshilongo opo aakiintu ya tulwe poompito dhuuleli wopombanda, onga omukalo gwoku yanda uulingilingi.
Nonando ongaaka Kamwanya okwa popi kutya oshindji natango osha pumbwa okuningwa opo aakiintu yendji ya tulwe poompito dhuuleli mongundu ndjoka.
Fanuel Kaapama okwa popi kutya nonando Nudo ota pandulwa omolwa onkatu ndjoka a katuka noku gandja oshipundi shuuleli wongundu komukiintu, shoka itashi ya pe ondjila yoku sindanapo omahogololo mOmutumba gwoPashigwana nenge guuPresidende ngoka taga ningwa nuumvo moshilongo.
Kaapama okwa popi ngaaka konima sho a pulwa ngele ehogololo lyaMuinjangue, otali ka etitha opo Nudo yi mone omawi ogendji pethimbo lyomahogololo ngoka taga ningwa nuumvo.
“Ope na iinima oyindji hayi talika uuna aahogololi taya tokola kutya otaya hogololwa lye, na ihaku talika unene kutya omuhogololwa gwongundu yontumba omukwashike kookantu. Omahogololo gawo ohaga hwahwamekwa kiinima ngaashi uukwamuhoko, iikumungu yopaukashike kookantu, nondjokonona. Ope na iinima oyindji,” Kaapama a popi.
Pahapu dhomuprofesa Nico Horn, okwa pandula Nudo sho a hogolola Muinjangue onga omupresodende gwe ta popi kutya oshi li onkatu ya simana ya katukwa kongundu ndjoka ya kala nokulundilwa kutya kayi na elandulathano.
Peter Kazongominja okwa hogololwa onga omupevi omupresidende gwoNudo, omanga Joseph Kauandenge a hogololwa onga amushanga-ndjai nomupeha gwe oUaraa Uapingene.
KENYA KAMBOWE
Comments
Namibian Sun
No comments have been left on this article