NSFAF ta shunwa mepangelo
Epangelo otali ningi oompangela opo oshiketha shoNamibia Students Financial Assistance Fund (NSFAF) shi shunwe mUuministeli wElongo lyOpombanda.
Uuyelele mboka owa hololwa pethimbo lyoshipopiwa sha ningwa komupresidende mEtitatu.
Ominista yElongo lyoPombanda
Itah Kandjii-Murangi okwa popi kutya nonando oshiputudhilo shoka osha longa nawa poompito dhilwe, ekalepo lyoshiputudhilo shoka otali talika nomeho omanene.
Okwa popi kutya omanyenyeto okuza moshigwana kombinga yoshiputudhilo shoka uule womwedhi dha piti, ogo ga etitha ku etwepo omadhilaadhilo ngoka opo oshiputudhilo shoka sha kala dhiithikamena, shi shunwe muuministeli welongo.
NSFAF okwa totwa po muJanuari gwo 1997 opo a vule okugandja omakwatho giiyemo yokwiilongitha kaailongi miiputudhilo yopombada.
Minista okwa popi woo kutya oondjambi dhaaniilonga mboka yoshiputudhilo shoka sha kala sha yama kepangelo odhili pombanda noonkondo okuyeleka noondjambi dhaaniilonga yepangelo. Na otashi ka lundululwa.
Oshiputudhilo shoka otaku popiwa kutya oshi na iilonga yuulingilingi ya londa pombanda noonkondo oshowo ekwato nayi lyiimaliwa yoshigwana.
Elelo lyoNSFAF olya ndopa okukala pomutumba gwoshigwana nokomitiye yo parliamentary standing committee kuyele omwedhi nguka, moka elelo lya li lya tegelelwa li kayelithe elongitho lyoshimaliwa sha thika poobiliyona 1 7 shoka kakushiwike kutya osha longithwa shike.
Oya tseyithile okomitiye ndjoka kutya oya pumbwa ethimbo po ya ninge oolopota dhawo dhelongitho lyiimaliwa oshowo okulonga noomapeko ga thika pop 46 000 ngoka taga ka pwa owala okulonga metata lyotango lyo 2018.
Onkalo yiilonga yuulingilingi oya dhigupala moshiputudhilo shoka nomo 2016, nokomisi yoACC oshowo Uuministeli wIiputudhilo yEpangelo oyali ya pulwa opo yi ningile omakonaakono oshiputudhilo shoka.
Omvula oyo tuundjoka, ehangano lyokuninga omakonaakono gopashimaliwa lyoPricewaterhouseCoopers olya holola kutya oshiputudhilo shoka osha ndopa okuulika oondokumende ndhoka tadhi holola kutya oya gandja omakwatho giimaliwa kaaiilongi.
Omvula ya piti, oshifokundnaeki shoNamibia Sun osha lopota kutya NSFAF okwa pyakudhukwa okugandja omakwatho giiyemo yokwiilonga kaailongi 16 669 mboka ya gwanitha po iipumbiwa yokuninga omaindilo gokumona omakwatho ngoka pokati ko 1997 no 2010, naailongi mboka oya ndopa okushunitha iimaliwa mbyoka yali ya kwathelwa.
Omakwatho ngoka ogongushu yoomiliyona dhaNamibia 479.
Oshiputudhilo osha ulike ehangano lyokugongela oongunga, opo li kwathee oshiputudhilo shoka mokugongelako ongunga dhoka dhiniwe kaiilongi.
JEMIMA BEUKES
Uuyelele mboka owa hololwa pethimbo lyoshipopiwa sha ningwa komupresidende mEtitatu.
Ominista yElongo lyoPombanda
Itah Kandjii-Murangi okwa popi kutya nonando oshiputudhilo shoka osha longa nawa poompito dhilwe, ekalepo lyoshiputudhilo shoka otali talika nomeho omanene.
Okwa popi kutya omanyenyeto okuza moshigwana kombinga yoshiputudhilo shoka uule womwedhi dha piti, ogo ga etitha ku etwepo omadhilaadhilo ngoka opo oshiputudhilo shoka sha kala dhiithikamena, shi shunwe muuministeli welongo.
NSFAF okwa totwa po muJanuari gwo 1997 opo a vule okugandja omakwatho giiyemo yokwiilongitha kaailongi miiputudhilo yopombada.
Minista okwa popi woo kutya oondjambi dhaaniilonga mboka yoshiputudhilo shoka sha kala sha yama kepangelo odhili pombanda noonkondo okuyeleka noondjambi dhaaniilonga yepangelo. Na otashi ka lundululwa.
Oshiputudhilo shoka otaku popiwa kutya oshi na iilonga yuulingilingi ya londa pombanda noonkondo oshowo ekwato nayi lyiimaliwa yoshigwana.
Elelo lyoNSFAF olya ndopa okukala pomutumba gwoshigwana nokomitiye yo parliamentary standing committee kuyele omwedhi nguka, moka elelo lya li lya tegelelwa li kayelithe elongitho lyoshimaliwa sha thika poobiliyona 1 7 shoka kakushiwike kutya osha longithwa shike.
Oya tseyithile okomitiye ndjoka kutya oya pumbwa ethimbo po ya ninge oolopota dhawo dhelongitho lyiimaliwa oshowo okulonga noomapeko ga thika pop 46 000 ngoka taga ka pwa owala okulonga metata lyotango lyo 2018.
Onkalo yiilonga yuulingilingi oya dhigupala moshiputudhilo shoka nomo 2016, nokomisi yoACC oshowo Uuministeli wIiputudhilo yEpangelo oyali ya pulwa opo yi ningile omakonaakono oshiputudhilo shoka.
Omvula oyo tuundjoka, ehangano lyokuninga omakonaakono gopashimaliwa lyoPricewaterhouseCoopers olya holola kutya oshiputudhilo shoka osha ndopa okuulika oondokumende ndhoka tadhi holola kutya oya gandja omakwatho giimaliwa kaaiilongi.
Omvula ya piti, oshifokundnaeki shoNamibia Sun osha lopota kutya NSFAF okwa pyakudhukwa okugandja omakwatho giiyemo yokwiilonga kaailongi 16 669 mboka ya gwanitha po iipumbiwa yokuninga omaindilo gokumona omakwatho ngoka pokati ko 1997 no 2010, naailongi mboka oya ndopa okushunitha iimaliwa mbyoka yali ya kwathelwa.
Omakwatho ngoka ogongushu yoomiliyona dhaNamibia 479.
Oshiputudhilo osha ulike ehangano lyokugongela oongunga, opo li kwathee oshiputudhilo shoka mokugongelako ongunga dhoka dhiniwe kaiilongi.
JEMIMA BEUKES
Comments
Namibian Sun
No comments have been left on this article